یەکم تسالونیکییل 1:10 - کتاب مقدس به زبان کردی جنوبی - گویش کلهوری

¹⁰ و تا چەوەڕێ هاتن کوڕ خودا له ئاسمان بوین، هەر ئەوه که خودا له مردگیل زنیەو کرد، یانێ عیسا، که ئیمه له خەزەوێگ که ها له وەرەڕوی ڕزگاری بەخشێد.

یەکم تسالونیکییل 1:10 ပူးပေါင်းရင်းမြစ်များ

ئنجیل مەتا 1:21

مریەم کوڕێ تیەرێ و توی ناوێ نێده عیسا، چوینکه ئەیو قەوم خوەێ له گونایلێان نجات دەێ.»

ئنجیل مەتا 16:27

«ئەڕا ئیه که کوڕ ئنسان وەناو جەڵاڵ باوگ ئاسمانی خوەێ وەگەرد فریشتەگانێ تێیدەو، ئەوسا دەسخوەشانەێ هەر کەسێگ وه پێ کردەوێ دەێدەو.

ئنجیل مەتا 16:28

وه ڕاسی، وەپێدان ئویشم بڕێگ وه ئەوانه که وه ئێرا وسانه، تا کوڕ ئنسان نوینن که وەناو پادشاێ خوەێ تێدەو، تام مەرگ نیەکەن.»

ئنجیل مەتا 3:7

وەلێ وەختێگ یەحیا دی که قێر فرەێگ له زانایل فرقەیل فەریسی و سەدوقی ئەڕا خوسڵ تەعمید تیەنه ئەڕا لاێ، وەپێان وەت: «ئێ هەفی زادەیل کی هەڕەشه لێدان کرد تا له خەزەو وەرەڕوی دەر بچین؟

لوقا 2:25

وه ئەو دەورانه، پیاێگ دیندار و سالحان، وه ئورشەلیم زنەیی کردیا که ناوێ شەمعون بی، چەوەڕێ دڵنەوایی قەوم ئێسرائیل بی و پڕ وه روح‌القودوس بی.

لوقا 3:7

یەحیا وه جەماێەتێگ که هاتیانه ئەڕا لاێ تا خوسڵ تەعمید بگرن وەتیا: «ئێ هەفی زادەیل، کی هەڕەشه لێدان کرد تا له خەزەو وە‎ڕوی دەر بچین؟

کاریل ڕەسولەیل 1:11

وەتن: «ئێ پیاێل جەلیلی، ئەڕا وساینه و چەو بڕینەسه ئاسمان؟ هەر ئی عیسا که له لاێ ئیوه بڕیاده ئاسمان، هەر ئەوجورە که دین چیه ئاسمان، وه دواره تێیدەو.»

کاریل ڕەسولەیل 17:31

چوینکه ڕوژیگ دیاری کردێه که وەناوێ له ڕێ پیاێگ که دەسنیشانێ کردێه، جهان داداپەروەرانه داوەری کەێ. جا وەگەرد زنیەو کردنێ له مردگیل، گشتیەکی له ئی کاره دڵنیاوه کردێه.»

کاریل ڕەسولەیل 2:24

وەلێ خودا ئەیو زنیەو کرد و له ژان مەرگ ڕزگارێ کرد، وەبونەێ ئیه که مەحاڵ بی وەناو چنگ مەرگ بمینێ.

کاریل ڕەسولەیل 2:32

خودا هەر ئی عیسا زنیەو کرد و ئیمەیش گشتمان شاێەت وه ئەویمنه.

کاریل ڕەسولەیل 3:15

ئیوه سەرچاوەی ژیان که خودا وەناو مردگیل زنیەو کرد، کوشتین. ئیمه شاێەت ئی هەڵکەفتیمنه.

کاریل ڕەسولەیل 3:21

که باێه بمێنێده ناو ئاسمان، تا وەخت خاسەو کردن گشت چشتێگ، هەر ئەو جوره که خودا له جارانەو وه زوان گشت پەێخەمەریل موقەدەس خوەێ وەتیه.

کاریل ڕەسولەیل 4:10

جا گشت ئیوه و گشت قەوم ئێسرائیل بزانن، وه ناو عیسا مەسیح ناسریه که ئی پیا ساق و بێمزەڕەت وەنوادان وساس، وه ناو ئەیو که ئیوه وه سەلیب کیشاینێ، وەلێ خودا ئەیو له ناو مردگیل زنیەو کرد.

رومیەگان 1:4

وەگەرد زنیەو بوینی له ناو مردگیل، وه پێ روح قودوسیەت، وەناو هێز، جار دریاد که کوڕ خوداس، یانێ خوداوەندمان عیسا مەسیح.

رومیەگان 2:7

ئەیو زنەیی ئەبەدی بەخشێده کەسیلێ که وەگەرد سەور، کاریل خاس وەجێ تیەرن و هانه شون جەڵاڵ و حرمەت و نەمری؛

رومیەگان 4:25

هەر ئەو عیسا که وەبونەێ خەتایل ئیمه دریاده دەس مەرگ و ئەڕا سالحان وه حساو هاتنمان زنیەو بی.

رومیەگان 8:34

جا کیه که بتویەنێ ماکومێان بکێ؟ مەسیح عیساس ئەو کەسه که مرد، تەنانەت نه تەنیا ئیه بەڵکەم زنیەو بی و ها دەس ڕاس خودا، ئەوەسه که وه ڕاسی ئەڕامان ناوجێ کەێ!

یەکم قورنتییل 1:7

وه لەونی که ئیوه له هویچ خەڵاتیێگ بی نسیو نين، هەر وەئەو حاڵه که چەوەڕێ ئاشکرا بوین خوداوەندمان عیسا مەسیحین.

نامه وە غەلاتییل 3:13

مەسیح له جێ ئیمه لانەت کریا و وەئیجوره ئیمه له لانەت شەریعەت ڕزگار کرد، چوینکه وەناو تەورات نویسریاس: «هەر کەس بێرێیده دارەو لانەت ها ملێەو.»

نامەێ فیلیپییل 3:20

وەلێ نیشتمان ئیمه ئاسمانه و وه تاسەێ تەمام چەوەڕێم که نجات دەر، یانێ خوداوەند عیسا مەسیح، له ئەورە ئاشکرا بود.

نامه وه کولوسییل 1:18

ئەیو ئەڕا جەسه، یانێ کلیسا، سەره. ئەیو سەرەتا و یەکم زگ لەناو مردگیله، تا وه هەر چشتێگ ئەیو سەر بود.

یەکم تسالونیکییل 1:7

وەئیجوره ئیوه بینه نمونه ئەڕا گشت ئیمانداریل ناوچەێل مەقدونیه و ئەخائیه،

یەکم تسالونیکییل 2:16

و نێیلن ئیمه وەگەرد ناجویلەکەیل قسیه بکێم تا نجات پەێا بکەن. وەئیجوره هەمویشه پەێمانەی گونایلێان نیقەڵتوزەو کەن. وەلێ خەزەو خودا دەس ئاخر وه ملێانەو ڕشیاس.

یەکم تسالونیکییل 2:7

وەلێ هەر جور داڵگێگ که هێوەت مناڵیلی کەی، وەگەرددانەو‎ وه نەرمی رێ رەوشت کردیمنه.

یەکم تسالونیکییل 5:9

چوینکه خودا ئیمه نه ئەڕا خەزەو، بەڵکەم ئەڕا وه دەس هاوردن نجات له ڕێ خوداوەندمان عیسا مەسیح دیاری کردێه،

دویم تیموتاوس 4:1

له نوای خودا و مەسیح عیسا که وه مل زنییل و مردگیل داوەری کەید و وه ڕوی ئاشکرابوین و پادشاێ ئەیو، وه توی دەستور دەم که باێه‎

تیتوس 2:13

چەوەڕێ ئەو ئمید بمارکمانه بویمن یانێ ئاشکرا بوین جەڵاڵ خوداێ گەورامان و نجات دەر ئیمه عیسا مەسیح.

عبرانییل 10:27

ئەو چشته که مینێد، چەوەڕێ بێن زیەلەتەرەکنێگ له داوەریه و گڕەێ ئاگرێگه که دشمەنیل خودا سزنێد و کەێده خوڵەکەو.

عبرانییل 9:28

مەسیحیش لەشون ئەوه که یەێ جار قوروانی بی تا گونایل قێر فرەێگ بگرێده سەر شانێ، دویم جار ئاشکراوه بود، نه ئەڕا پەرچەو کردن گونا، بەڵکەم تا ئەوانه که وه تاسەوه چەوەڕێ ئەوەن، نجات بێید.

یەکم پتروس 1:21

ئیوه وه وەسلەێ ئەیو وه خودا ئیمان هاوردینه، وه خوداێگ که مەسیح له مردگیل زنیەو کرد و جەڵاڵ بەخشی تا ئیمان و ئمیددان وه مل خوداوه بود.

یەکم پتروس 1:3

پڕ بمارکه خودا، باوگ خوداوەند ئیمه عیسا مەسیح که بەنا وه بەزەیی فره گەوراێ خوەێ، سەوەو بیه تا وه وەسلەێ زنیەو بوین عیسا مەسیح له مردگیل، ئیمه له نو بایمنه دنیا، ئەڕا ئمیدێگ زنی،

یەکم پتروس 2:21

چوینکه وه ئیه دەنگ کریاینه، ئەڕا ئیه که مەسیحیش ئەڕا ئیوه رەنج کیشا و نمونەێگ ئەڕادان هیشت تا پا بنینه شونه پاگەێ.

یەکم پتروس 3:18

چوینکه مەسیحیش یەێ جار ئەڕا گونایل رەنج کیشا، یانێ ئەو ئایەم سالحانه ئەڕا ئەوانه که سالحان نین، تا ئیمه بارێده ئەڕا لاێ خودا. ئەیو وەناو جەسه کوشریا، وەلێ وەناو روح، زنیەو بی و

دویم پتروس 3:12

چەوەڕێ هاتنەوەێ ڕوژ خودا بوین و جوری زنەیی بکێن تا ئەو ڕوژه زویتر برەسێ. وەبونەێ ئەو ڕوژه ئاسمانیل وه ئاگر کیشیەن و تویچیەن و ئەجرام ئاسمانی هەر ئەوجورە که سزیەن، تاویەنەوه.

دویم پتروس 3:14

جا ئێ عەزیزەیل، ئیسه که چەوەڕێ ئی کاریلینه، خاس تەقالا بکەن تا له لاێ ئەیو بی لەکه یا بی نەخس وه ناو ئاشتی و سڵامەتی بوین.

وەحی وه یوحەنا 1:18

منم ئەوه که زنیه. مردم، بنوڕ تا ئەبەد زنیم و کلیلەیل مەرگ و جهان مردگیل ها دەس منەو.

وەحی وه یوحەنا 1:7

بنوڕن ئەیو وەگەرد هەوریلەو تێید، و هەر چەوێگ دوینێدێ، تەنانەت چەو ئەوانه که سنان دانەلێ؛ و گشت هوزیل زەوی وه بونەێ ئازیەتباری کەن. بەڵێ ئیجوره بود. ئامین.