یەکم پتروس 5:8 - کتاب مقدس به زبان کردی جنوبی - گویش کلهوری

⁸ جا هوشیار بوین، هوشدان بود. دشمەندان ئبلیس هەر جور شێرێگ که قیڕنێد و خڕ خوێد وەشون کەسێگ گەردێد تا قویرتی بێید.

یەکم پتروس 5:8 ပူးပေါင်းရင်းမြစ်များ

ئنجیل مەتا 13:39

ئەو دشمەنه که غەلتاسەگان وەشان، ئبلیسه. وەرز درەویش، ئاخر ئی دەورانەسه؛ درەوکەرەگانیش، فریشتەیلن.

ئنجیل مەتا 24:42

جا وەخەوەر بون، چوینکه نيەزانين خوداوەنددان وه چ ڕوژیگ تێید.

ئنجیل مەتا 25:41

ئمجا وه ئەوانه که هانه لاێ چەپی ئویشێ: ”ئێ ئیوه که لانەت کریاینه، له لێم دویرەو بون و بکەفنه ناو ئاگر ئەبەدی که ئەڕا ئبلیس و فریشتەگانێ گورجەو بیه،

ئنجیل مەتا 4:1

ئمجا روح خودا عیسا برد وەرەو بیاوان تا ئبلیس ئەزمونێ بکێ.

ئنجیل مەتا 4:11

ئمجا ئبلیس، عیسا هیشتەجێ و فریشتەیل هاتن خزمەتی کردن.

مەرقوس 4:15

بڕێگ مەردم جور تویەمیل لیوەێ ڕێن، ئەوره که کەڵام پەخشەو بود؛ هەر ئیه که کەڵام شنەفن، شەیتان تێ و کەڵامێ که وەناو دڵیان کاڵیاس، دزید.

لوقا 21:34

«هوشدان بود، نەخواێ عیش و نوش و سەرخوەشی و نگرانییل زنەیی دڵدان ڕەقەو بکێ و ئەو ڕوژه جور تەڵەیگ وه ناکاوه بگرێدەدان.

لوقا 21:36

جا هەمویشه هوشدان بود و دوعا بکەن تا بتویەنێن وه گشت ئی چشتیله که وی زوی هەڵکەفێ، له ئەمان بمینێن و له وەردەم کوڕ ئنسان بوسین.»

لوقا 22:31

«شەمعون، شەمعون، شەیتان ئجازه تواس ئیوه جور گەنم وێژنگدان بکێ.

یوحەنا 8:44

ئیوه وه باوگدان ئبلیس تالوق دێرین و تواین خاستەیل باوگدان وەجێ بارین. ئەوه له سەرەتاوه خوینکەر بی و وەگەرد ڕاسیەو میانەێگ نێرید، چوینکه هویچ ڕاسی وەناوێ نیه. هەر وەخت درو ئویشێ، له زات خوەێ ئویشێ؛ ئەڕا ئیه که دروزنه و باوگ گشت درویله.

دویم قورنتییل 2:11

تا شەیتان فرێومان نێی، چوینکه له فێڵەگانێ بی خەوەر نیمن.

ئەفسوسیێل 4:27

دەرفەت نینه ئبلیس.

ئەفسوسیێل 6:11

چەک خودا وه تەمامی و حساوی بکەنه وەر تا بتویەنێن وه نوای فێڵبازییل ئبلیس بوسین.

یەکم نامەێ تیموتاوس 2:15

وەلێ ژنيل وەگەرد مناڵ هاوردن ڕزگار بون، ئەگەر ئەوانه وەگە‎رد وەسەرخوێان زاڵ بوین وەناو ئیمان و مابەت و موقەدەس بوین، بەردەوام بمینن.

یەکم نامەێ تیموتاوس 2:9

هەر ئیجوره توام که ژنيل دڵنگیل شایسه بکەنه وەریان و خوێان وەگەرد حەیا و حرمەت و وەسەرخوێان زاڵ بوین بڕەژننەوه، نه وه قژیل چنیاێ یا تەڵا و مرواری یا دڵنگیل گران قیمەت،

یەکم نامەێ تیموتاوس 3:11

هەر وه ئیجور، ژنیلیانیش باێه سەنگین ڕەنگین بون و نه بختکەر، بەڵکەم هوشیار بون و وه گشت چشتێگ وەفادار بون.

یەکم نامەێ تیموتاوس 3:2

و ئی بونه، هێوەتکەر کلیسا نەبایه وەناو زنەیی چشتێگ بیاشتوی که بوده بایس سەرزەنشتێ، شوی وەفادار یەێ ژن بود، هوشیار بود، وەسەرخوێا زاڵ بود، ئاوڕویدار و مێواندار بود و تویەناێ تالیم بیاشتوید؛

دویم تیموتاوس 4:17

وەلێ خوداوەند له لاێ مه وساد و تویەنایی دا پێم تا کەڵام له ڕێ مه وه کەماڵ بانگەوازی بکرێید و گشت ناجویلەکەیل بشنەفنێ. جا، له دەم شیر دەرچیم.

تیتوس 1:8

بەڵکەم باێه مێواندار و خێرخواز بود و وەسەرخوێا زاڵ بود و درسکار و موقەدەس و ڕێک‎وپێک؛

تیتوس 2:12

وه ئیمه یاێ دەێ که خودانەناسی و هەواوهەوەسیل دنیایی بنیمنه لا، وەگەرد زاڵ بوین وەسەرخوەمان و درسی و خوداترسی له ئی دەوره زنەیی بکێم و

تیتوس 2:2

پیاێل سن و ساڵ دار باێه هوشیار و سەنگین ڕەنگین بون و وەسەرخوێان زاڵ بون و وه ناو ئیمان و مابەت و بەردەوامی وه شایسەێ بیەنەسەر.

تیتوس 2:4

تا وه ژنيل جوان یاێ بێەن که شوی دوس و مناڵ دوس بون و

تیتوس 2:6

هەر ئیجوره پیاێل جوانیش ئاموژیاری بکه تا وەسەر خوێان زاڵ بون.

یاقوب 4:7

جا خوەدان بێەنه دەس خودا. لەنواێ ئبلیس بوسن که ئەوه لەلێدان دەرچود.

یەکم پتروس 1:13

جا فکر خوەدان ئەڕا کار گورجەو بکەن، هوشیار بوین و ئمید خوەدان یەسەره بنەنه مل فیزێگ که له وەخت ئاشکرابوین عیسا مەسیح وه پێدان بەخشریەد.

یەکم پتروس 4:7

ئاخر گشت چشتێگ نزیکه؛ جا وه سەر خوەدان زاڵ بون و وه بونەێ دوعایلدان هوشیار بون.

وەحی وه یوحەنا 12:10

ئمجا دەنگ بەرزێگ له ناو ئاسمان شنەفتم که وەتیا: «ئێرنگه نجات و هێز و پادشایی خوداێ ئیمه و دەسڵات مەسیح ئەیو ڕەسیه. چوینکه ئەوه که ئەڕا برایل ئیمه قوڕات دێ که شەو و ڕوژ له نواێ خوداێ ئیمه بخت ئەوانه کەێد، فڕه دریاسه خوار.

وەحی وه یوحەنا 12:12

جا خوەشی بکێن ئێ ئاسمانیل و ئێ ئیوه که نیشتەجێیل ئەورەیلینه! وەلێ وی وه توێ ئێ زەوی و وی وه تو ئێ دەریا، چوینکه ئبلیس وەگەرد توڕەێ فرەێگ وه ملدانەو هاتیەسه خوار، چوینکه زانێد وەخت فرەێگ نێرێد.»

وەحی وه یوحەنا 12:9

ئەژدەهاێ گەورا فڕه دریاده خوار، هەر ئەو مار جارانه که ئبلیس و شەیتان ناویه و گشت جهان فریو دێ. ئەوه و فریشتەیلێ فڕه دریانه بان زەوی.

وەحی وه یوحەنا 20:10

جا ئبلیس، که ئەوانه گول داوید، فڕه دریاده ناو دەریاچەێ ئاگر و گوگرد، شونێگ که ئەو گیانەوەر دڕنه و پەێخەمەر دروەکانیه فڕه دریاوین. ئیانه ڕوژ و شەو تا ئەبەد و تا ئەبەد عەزاو کیشن.

وەحی وه یوحەنا 20:2

ئەوه، ئەژدەها، ئەو مار جارانه که هەر ئەو ئبلیس و شەیتانەسه، گرد و ئەڕا هەزار ساڵ گیرودەێ کرد و