یەکم پتروس 5:5 - کتاب مقدس به زبان کردی جنوبی - گویش کلهوری

⁵ هەرئیجوره ئیوه ئێ جوانیل، له شێخیل گوش بتەکنن. گشتدان وەناو ڕێ رەوشتدان وەگەرد یەکترەکی دڵنگ بێ فیسی بکەنه وەردان چوینکه، «خودا وه نوای لویتبەرزەیل وسێد، وەلێ وه بێ فیسیل فیز بەخشێد.»

یەکم پتروس 5:5 ပူးပေါင်းရင်းမြစ်များ

لوقا 22:26

وەلێ ئیوه ئیجوره نەون. گەوراتر وەناو ئیوه باێه جور بویچگتر بود و ڕابەر باێه جور خزمەتکار بود.

رومیەگان 12:10

وەگەرد مابەت براێانه، یەکترەکی دوس بیاشتوین. وەناو حرمەت ناین وه یەکترەکی، بێەنه نوای یەکانەو.

رومیەگان 13:14

بەڵکەم خوداوەند عیسا مەسیح هەر جور دڵنگێگ بکێنه وەر. ئەڕا جەسه تەداروک نوینن که هەواوهەوەسیلێ وه جێ بارین.

ئەفسوسیێل 5:21

له ڕوی حرمەتی که وه مەسیح دێرین، گوش له یەکترەکی بتەکنن.

نامەێ فیلیپییل 2:3

هویچ کارێگیش له سەر جێخوازی یا لویتبەرزی نەکەن، بەڵکەم وه بێ فیسەو ئەو باقی مەردم له خوەدان خاستر بزانن.

نامه وه کولوسییل 3:12

جا هەر جور هەڵوژاریەگان خودا که موقەدەس و عەزیزگرامین، دڵنگ دڵرەخمی، مێرەبانی، بێ فیسی، نەرمی و سەور بکەنه وەردان.

یەکم نامەێ تیموتاوس 5:1

پیاێ سن ساڵ دار مەگره گازتاوە، بەڵکەم ئەوه هەر جور باوگ خوەد هان بیه و جوانیلیش هەر جور برایل خوەد

عبرانییل 13:17

گوش له ڕابەريلدان بتەکنن و له لێان پێرەوی بکێن؛ چوینکه ئەوانه چەویان ها له گیانیل ئیوه و باێه حساو بیەنەو. بیلێن تا ئەوانه ئیه وه شادمانی بکەن نه وەگەرد ئاخ هەڵکیشان و ناڵین، چوینکه ئیه وه نەفدان نیه.

یاقوب 4:6

وەلێ فیزێگ که خودا بەخشێد، فڕه فرەترە. وەئی بونه وەناو کتاو مەسلەتیل سلێمان پادشا، نویسریاس: «خودا لەنواێ لویتبەرزیل وسێد، وەلێ وه بێ فیسیل فیز بەخشێد.»

یەکم پتروس 3:8

دەس ئاخر، گشتدان یەێ فکر و هاودەرد بون و مابەت براێانه بیاشتون و دڵسوز و بێ فیس بون.

یەکم پتروس 4:1

جا چوینکه مەسیح وه جەسه رەنج کیشا، خوەدان هەر وه ئەو فکره چەکدار و گورجەو بکەن، چوینکه هەر کەسێگ که وەناو جەسه رەنج کیشاس، دیتر وەگەرد گونا کارێگ نێرید و

یەکم پتروس 4:5

وەلێ ئەوانه وه خوداێگ که ‎گورجه تا وه مل زنییل و مردگیل داوەری بکێد، حساو دەنەو.