یەکم پتروس 4:18 - کتاب مقدس به زبان کردی جنوبی - گویش کلهوری

¹⁸ جا «ئەگەر ئایەم سالحان وە سەختی نجات پەێا کێ، ئێ ئایەم خودانەناس و گوناکار چه وەسەرێ تێد؟»

یەکم پتروس 4:18 ပူးပေါင်းရင်းမြစ်များ

لوقا 15:1

جا باجگریل و گوناکاریل گشتێان له لاێ عیسا گردەو بویان تا قسیەیلی بشنەفن.

لوقا 23:31

چوینکه ئەگەر وەگەرد چو تەر ئی کاره کردن، وەگەرد چو وشک چه کەن؟»

کاریل ڕەسولەیل 14:22

وه ئەو شاریله شاگردیل وەقەوەتەو کردن تا وەناو ئیمانێان بەردەوام بمینن و وەتنه پێان که «باێه وه تاموڵ بەردیل فرەێگ وه پادشاێ خودا ڕێ پەێا بکێم.»

کاریل ڕەسولەیل 27:24

وەت: ”پولوس، ڕخد نەچود. تو باێه وه نوای قیسەر بوسێد و خودا گیان گشت ئەوانه که هانه گەردد بەخشیەسه تو.“

کاریل ڕەسولەیل 27:31

پولوس وه ئەفسەرەگه و سەربازەگان وەت: «ئەگەر ئی پیاێله وەناو کەشتی نەمینن، نیەتویەنین نجات پەێا بکێن.»

رومیەگان 1:18

چوینکه خەزەو خودا له ئاسمان ئاشکرا بود وه سەر هەر لەون خودانەناسی و نادرسێ ئایەمیلێگ که وەگەرد نادرسێ خوێان، نوای ڕاسی گرن.

رومیەگان 5:6

ئەڕا ئیه که وەختێ هێمراێ ئیمه بێ هاز بیمن، مەسیح له وەخت مناسوێگ ئەڕا خودانەناسیل گیان خوەێ دا.

رومیەگان 5:8

وەلێ خودا مابەت خوەێ وه ئیمه ئیجوره نیشان دەێ که هناێ ئیمه هێمراێ گوناکار بیمن، مەسیح ئەڕامان مرد.

یەکم قورنتییل 10:12

ئمجا ئەوه که گومان کێ ها سەرپاوه، هوشێ بود که نەکەفێ!

یەکم نامەێ تیموتاوس 1:9

هەر ئیجوره زانیمن که شەریعەت نه ئەڕا درسکاریل، بەڵکەم ئەڕا یاسا شکەنیل و ملچەفتەوکەریل نویسریاس، ئەڕا خودانەناسیل و گوناکاریل، ناپاکیل و کفرچییل؛ قاتڵیل باوگ و قاتڵیل داڵگ؛ ئایەم کوشیل،

عبرانییل 4:1

جا تا وەختێ که وادەێ ڕێ پەێا کردن وەشون ئاشاسێگ ئەیو هێمراێ ها سەر جێ خوەێ، بان زاورمان بچود تا نەخواێ دیار بێید که یەکی له ئیوه وەپێ دەس پەێا نەکردیه.

یاقوب 5:6

ئیوه ئەیو ئایەم سالحانه که وه ڕویدانەو نیەوسد، ماکوم کردینه و کوشتینه.

یەکم پتروس 5:8

جا هوشیار بوین، هوشدان بود. دشمەندان ئبلیس هەر جور شێرێگ که قیڕنێد و خڕ خوێد وەشون کەسێگ گەردێد تا قویرتی بێید.

دویم پتروس 3:7

وەلێ هەر وه ئەو کەڵامه، ئاسمانیل و زەوی که ئێرنگه هەس ئەڕا ئاگر هەڵگریاس و تا ڕوژ داوەری و له بین چین خودانەناسیل، پارێزێید.

یەهودا 1:15

تا وه مل گشتیەکی داوەری بکێد و گشت خودانەناسیل وه سەوەو گشت کاریل خودانەناسانێان که له خودانەناسی کردنه، ماکوم بکێد. هەرئیجوره وه بونه گشت قسیەيل گەنێگ که گوناکاریل خودانەناس وه زد خودا وەتنه، ماکوم بکێد.»