یەکم پتروس 4:11 - کتاب مقدس به زبان کردی جنوبی - گویش کلهوری

¹¹ هەر کەسێگ قسیه کەێد، با قسیەێ جور قسیەيل خودا بود؛ هەر کەسێگ خزمەت کەێد، وەگەرد هێزێگ که خودا وه پێ بەخشێد خزمەت بکێد، تا له گشت چشتێگ، خودا له ڕێ عیسا مەسیح جەڵاڵ پەێا بکێ. جەڵاڵ و حوکمرانی تا ئەبەد و تا ئەبەد وه ئەیو بود. ئامین.

یەکم پتروس 4:11 ပူးပေါင်းရင်းမြစ်များ

ئنجیل مەتا 6:13

مەخەرەمانه ناو ئەزمون، بەڵکەم وه ئەو شەڕئاشوه ڕزگارمان بکه. چوینکه تا ئەبەد، پادشایی و هێز و جەڵاڵ هن تنه. ئامین.

یوحەنا 13:31

وەختێ یەهودا چیه دەیشت، عیسا وەت: «ئیسه کوڕ ئنسان جەڵاڵ پەێا کرد و خودایش وەناو ئەیو جەڵاڵ پەێا کرد.

کاریل ڕەسولەیل 7:38

جا هەر ئیجوره هەر ئی موسا بی که لەناو بیاوان لەناو جەماێەت بی، هەر ئیجوره وەگەرد فریشتەێگ بی که له کویەێ سینا وەگەردیەو قسیه کرد و ئی فریشته وەگەرد باپیریلمانیش قسیه کرد. موسا کەڵام زنی گردەوەر تا برەسنێده پێمان.

رومیەگان 11:36

چوینکه گشت چشتێگ له ئەیو و له ڕێ ئەیو و ئەڕا ئەیوه. تا ئەبەد جەڵاڵ ئەڕا ئەیو بود. ئامین.

رومیەگان 12:3

چوینکه له ڕێ فیزێگ که دریاسه مه، وه هەر کامدان ئویشم که خوەدان فرەتر له ئەو چشته که باێه، نەزانین، بەڵکەم هەرکەس چەنه ئیمانێگ که خودا ئەڕاێ دیاری کردێه، هوشیارانه خوەێ داوەری بکێ.

رومیەگان 16:27

وه ئەیو که یەکی خوداێ زاناس تا ئەبەد و تا ئەبەد له ڕێ عیسا مەسیح جەڵاڵ بود! ئامین.

رومیەگان 3:2

له هەر باوەتەو فرەس. یەکم جار ئیه که کەڵام خودا وه ئەمانەت سپاریاسه جویلەکەیل.

یەکم قورنتییل 10:31

جا هەرچێ کین چ خواردن و چ نوشان، یا هەر کارێگ‎تر، گشتێ ئەڕا جەڵاڵ خودا بکێن.

یەکم قورنتییل 12:4

ئێرنگه، خەڵاتییل جورواجورن، وەلێ گشتێان له یە روحن؛

یەکم قورنتییل 3:10

وه پێ فیزێگ که خودا بەخشاسه پێم، جور بەناێگ کار زان بنەواێگ دامەزرانم و یەکیگ تر وه سەری بنیاد نی. وەلێ هەر کەس باێه ئاگادار بود که چوی درسێ کەێد.

یەکم قورنتییل 6:20

ئەڕا ئیه که وه نرخ گرانێگ سەنریاینه، جا خودا وەناو جەسەدان جەڵاڵ بێەن.

دویم قورنتییل 2:17

ئەڕا ئیه که ئیمه جور قێر فرەێگ که ئەڕا نەف خوێان خەریک دەسفروشی کەڵام خودان، نیمن، بەڵکەم له لاێ خودا وەناو مەسیح قسیه کەیمن، هەر جور مەردم ڕویڕاسێگ که له لاێ خودا مامور بینه.

دویم قورنتییل 9:13

وه بونەێ مور ئی خزمەته وه زنەییدان، مەردم ستایش خودا کەن وەبونەێ گوش تەکانن و ئێقراردان وه ئینجیل مەسیح، هەر ئیجوره ئەڕا دەسدڵوازیدان له مەێەت وه ئەوانه و وه گشت نیشان دین.

ئەفسوسیێل 1:19

هەر ئیجوره تا بزانین هێز بی ئەنازەی گەورەێ ئەیو وه ئیمه که ئیمان دێریم، چەس. ئی هێزه، له تویەناێ گەورەێ خودا که دێرێ کار کەی، سەرچاوه گری

ئەفسوسیێل 4:29

هویچ قسیەێ خراوێگ له دەمدان دەرنەچود، بەڵکەم جورێگ قسیه بکەن که وه جێ بود و ئەڕا وه سەر پا ناین مەردم وه کار باێ و تا وه ئەوانه که شنەفن فیز برەسنێد.

ئەفسوسیێل 5:20

هەمویشه و ئەڕا گشت چشتێگ وه ناو خوداوەندمان عیسا مەسیح، سپاس خوداێ باوگ بکەن.

ئەفسوسیێل 6:10

دەس ئاخر، وەناو خوداوەند و وەناو قەوەتی که له هێز ئەیو تێد، وه هێزەو بوین.

نامەێ فیلیپییل 1:11

پڕ بوین له بەر سالح بوین، که له ڕێ عیسا مەسیح دەێدەدەس و رەسده جەڵاڵ و ستایش خودا.

نامەێ فیلیپییل 2:11

و هەر زوانێگ ئێقرار بکێ که عیسا مەسیح ’خوداوەنده‘ ئەڕا جەڵاڵ ’خوداێ باوگ‘.

نامه وه کولوسییل 4:6

قسیەيل ئیوه هەمویشه پڕ له فیز بود و نمەکین، تا بزانین وه هەر کەسێگ چوی باێه جواو بێین.

یەکم تسالونیکییل 2:4

بەڵکەم جور کەسیلێگ قسیه کیم که خودا وه ملێانەو مور قەبوڵێ کوتاس و ئینجیل سپاریاسه پێان. ئیمه وەشون خوەشنود کردن مەردم نیمن، بەڵکەم خوەشنودی خوداێگ توایم که دڵمان دەێده تەفرەنج.

یەکم نامەێ تیموتاوس 1:17

وه ئەو خوداێگ که یەکێگە، پادشاێ دەورەیله، نەمر و نادیاریه، تا دنیا دنیاس حرمەت و جەڵاڵ بود؛ ئامین!

یەکم نامەێ تیموتاوس 6:16

وه ئەیو که تەنیا وجود نەمریگه و له ناو نویریگ نیشتەجێه که کەس نیەتویەنێ وه ئەیو نزیکەو بود، ئەیو که هویچکەسێگ نێە‎سەێ و نیەتویەنێد بوینێدەێ، وه ئەیو حرمەت و حوکمرانی ئەبەدی بود. ئامین.

تیتوس 2:1

وەلێ تو ئەو چشته که وه ڕوی تالیم درسه، یاێ بیه.

تیتوس 2:15

ئی چشتیله جار بیه؛ وه تەمام دەسڵات هان بیه و بگره گازتاوه. مەیل کەسێگ وه سوک بگرێدەد.

عبرانییل 13:7

ڕابەريلدان که کەڵام خودا ئەڕادان ئویشن، وه هویردان بون. وردەو بونه بەرێگ که ڕێ رەوشت زنەییان دەێده دەس و له ئیمانێان نمونه بگرن.

عبرانییل 5:12

ئەڕا ئیه که وی حاڵەو که تا ئیسه باێه ماموستا بویاین وه ئیه هەوەجی دێرین کەسێگ بیروڕایل سەرەتایی کەڵام خودا یەێ جارتر نیشاندان بێید. ئیوه وه شیر هەوەجی دێرین، نه خواردمەنی وه قەوەت!

یاقوب 1:19

برایل عەزیزم، ئیه بزانن: هەر کەس وەناو شنەفتن تن بود، وەناو قسیه کردن کول بود و وەناو توڕه بوینیش کول بود!

یاقوب 1:26

ئەگەر کەسێگ خوەێ وه خوداپەرەس بزانێ و هەوسار زوانی له دەسیەو نود، بەڵکەم دڵ خوەێ گول بێی، خوداپەرەسی ئەو ئایەمه هویچ نیەتیەرزی.

یەکم پتروس 2:12

کردەوەدان وەناو بی ئیمانیل وه حرمەتەو بود تا وه ئیجوره وەختێگ که وه زد ئیوه قسیه کەن و ئویشن کردەوەدان خراوه، کاریل خاسدان بوینن و وەناو ڕوژی که خودا دوینن، جەڵاڵی بێەن.

یەکم پتروس 2:5

ئیوەیش خوەدان جور کوچگیل زنی وێنەێ ماڵێگ روحانی نرێینه سەرپاوه تا کاهنیلێگ موقەدەس بوین و وه وەسلەێ عیسا مەسیح، قوروانییل روحانی که خودا قەبوڵێ کەێد، پیشکەش بکێن.

یەکم پتروس 4:10

هەر جور کار وه دەسیل خاسێگ که فیز جورواجور خودا سپاریاسه ئەوانه، هەر کام له ئیوه، خەڵاتی که دینەسەو، ئەڕا خزمەت وه یەکترەکی وه کار بوەن.

یەکم پتروس 4:16

وەلێ ئەگەر کەسێگ وە ناو مەسیحییگ رەنج کیشێد، شەرمزار نود، بەڵکەم خودا وەناو ئی ناوه جەڵاڵ بێید.

یەکم پتروس 5:11

تا ئەبەد و تا ئەبەد حوکمرانی وه ئەیو بود. ئامین.

یەهودا 1:25

وه ئەیو خوداێگ که یەکێگە و نجات دەر ئیمه، له ڕێ عیسا مەسیح، خوداوەند ئیمه، وه ئەیو که له ئەزەڵ بیه، ئێرنگه هەس و تا ئەبەد هەر هەسەێ، جەڵاڵ و گەورایی و حوکمرانی و دەسڵات بود! ئامین.