یەکم پتروس 4:10 - کتاب مقدس به زبان کردی جنوبی - گویش کلهوری

¹⁰ هەر جور کار وه دەسیل خاسێگ که فیز جورواجور خودا سپاریاسه ئەوانه، هەر کام له ئیوه، خەڵاتی که دینەسەو، ئەڕا خزمەت وه یەکترەکی وه کار بوەن.

یەکم پتروس 4:10 ပူးပေါင်းရင်းမြစ်များ

ئنجیل مەتا 20:28

تەنانەت کوڕ ئنسانیش نات تا خزمەتی بکەن، بەڵکەم هات تا خزمەت بکێ و گیان خوەێ ئەڕا ڕزگاری ئایەمیل فرەێگ فەدا بکێ.»

ئنجیل مەتا 24:14

ئی خەوەر خوەش پادشایه وه سەرئانسەر جهان جار درێید تا بوده شاێەتی ئەڕا گشت ملەتیل. ئمجا جهان وه ئاخر رەسێ.

ئنجیل مەتا 24:21

چوینکه وه ئەو وەخته، ئەوجورە بەرد گەوراێگ پێش تێ که له شرو جهان تا ئێرنگه پێش ناتیه، هویچ وەختیش پێش نیەتێید.

ئنجیل مەتا 24:45

«جا ئەو خوڵام ئەمین و زانا کیه که ئەرواوەگەێ ئەوه ناسه بان سەر ئاڵ ماڵەگەێ تا له وەخت خوەێ نانەگەیان بێی؟

ئنجیل مەتا 25:17

هەر ئەوجورە ئەوه که دو کیسەێ تەڵا داشت، دو کیسەێ تریش قازانج کرد.

ئنجیل مەتا 25:44

ئمجا ئەوانیش جواو دەن: ”گەورەمان، کەی تو ورسی یا تیەنی یا غەریو یا ڕویت یا نەخوەش یا زندانی دیمن، خزمەتد نەکردیم؟“

مەرقوس 10:45

هەر ئیجوره کوڕ ئنسانیش نات تا خزمەتی بکەن، بەڵکەم هات تا خزمەت بکێ و گیان خوەێ ئەڕا نجات ئایەمیل فرەێگ فەدا بکێ.»

لوقا 12:42

عیسا خوداوەند وه جواوی وەت: «ئێ ئەو کاروەدەس ئەمین و زانا کیه که ئەرواوەگەێ ئەوه ناسه بان سەر خزمەتکاریل ماڵەگەێ خوەێ تا بەش نان ئەوانه وه وەخت خوەێ بێی؟

لوقا 19:13

جا، ده نەفەر له خوڵامیل خوەێ چڕێ و وه هەر کامێان یەێ سکەێ تەڵا دا و وەت: ”تا وەختێ تیەمەو وەگەرد ئی پویله بازرگانی بکەن.“

لوقا 8:3

یوئانا ژن خوزا، کار وه دەس هیرودیس، سوسەن و قێرێ ژنیل تر. ئی ژنیله وه دارایی خوێان، مەیەت عیسا و شاگردیلی دیان.

رومیەگان 15:25

وەلێ ئێرنگه دێرم چمه ئەڕا ئورشەلیم تا ئەڕا ئیمانداریل وه مەسیح مەیەت بوەم،

رومیەگان 15:27

چوینکه ئەوانه خوێان خوەشنود بین ئی کاره بکەن و وه ڕاسییش قەرددار جویلەکەیلن، چوینکه ئەگەر ناجویلەکەیل وەناو بەەرکەتیل روحانی جویلەکەیل بەشدارەو بوینه، ها ملێانەو که جویلەکەیل وەناو بەەرکەتیل پویلی خزمەت بکەن.

یەکم قورنتییل 15:10

وەلێ وه فیز خودا من ئەوەمه که هەم، هەر ئیجوره فیز ئەیو ئەڕا من بێ سود نوی. وه چەواشەوه، من له گشت ئەوانه فرەتر کار کردم، هەر چەن وەڕاسی خوەم نویم، بەڵکەم ئەو فیز خودا بی که ها گەردما.

یەکم قورنتییل 3:10

وه پێ فیزێگ که خودا بەخشاسه پێم، جور بەناێگ کار زان بنەواێگ دامەزرانم و یەکیگ تر وه سەری بنیاد نی. وەلێ هەر کەس باێه ئاگادار بود که چوی درسێ کەێد.

یەکم قورنتییل 4:7

ئەڕا ئیه که کی توێ سەرتر درس کردێه؟ چه ديری که نەوەخشریاسه پێد؟ جا ئەگەر بەخشریاسە پێد، ئەڕا ئەوجورە شانازی کەی که چماێ نەگردیدەسێ؟

دویم قورنتییل 6:1

وه جیگەێ هاوکاریل خودا، لاڵکییمنه پێدانەو که فیز خودا وەناو زنەییدان پویچەو نەکێن.

دویم قورنتییل 9:1

ئێرنگه دی هەوەجی وه ئیه نیه تا له باوەت ئی خزمەته وه ئیمانداریل وه مەسیح ئەڕادان بنویسم،

ئەفسوسیێل 3:8

هەر چەن من له گشت ئیمانداریل وه مەسیح بویچگترم، وەلێ ئی فیزه وه مه بەخشریا تا مزگانی دەوڵەمەنی مەسیح که نیود بەراوردی بکێ وه ناجویلەکەیل برەسنم،

ئەفسوسیێل 4:11

جا ئەیو بی که بەخشی ڕەسولەیل، نەبوەتکەریل، مزگانیدەریل، شوانیل و ماموستایل،

دویم تیموتاوس 1:18

خوداوەند وەپێ بوەخشێ که له ئەو ڕوژه له لاێ خوداوەند بەزەیی باێده پێەو. توی خوەد له خزمەتیل فرەێ ئەوه له شار ئەفسوس، خاس ئاگاداری.

تیتوس 1:7

ئەڕا ئیه که هێوەتکەر کلیسا کاروەدەس خوداس، جا نەبایه وەناو زنەیی چشتێگ بیاشتوی که بوده بایس سەرزەنشتێ. ئەوه نەبایه لویتبەرز بود یا زوی کەفلەهەرز بود یا سەرخوەشکەر یا زورگو بود یا تەمای پویل بیاشتوی،

عبرانییل 6:10

چوینکه خودا بی ئنساف نیه که کردەوەدان و مابەتێگ که وەبونەێ ناو ئەیو له خزمەت وه ئیمانداریل وه مەسیح نیشان داینه و هێمراێ نیشانیش دەین له هویرێ بچود.

یەکم پتروس 5:10

وەشون ئیه که توزێگ زامەت دین، خوداێ گشت فیزیل که ئیوه وەناو مەسیح وه جەڵاڵ ئەبەدی خوەێ دەنگ کردێه، خوەێ ئیوه له سەر نو نێده پاوه و قورس و تویەنا و بەردەوام کەێد.

یەکم پتروس 5:12

وه وەسلەێ سیلاس که ئەوه هەر جور براێ ئەمینێگ زانم، ئی چەن خەته کوڵ و کوڵبڕ ئەڕا ئیوه نویسامه تا هاندان بێەم و شاێەتی بێەم که هەر ئیەسه فیز ڕاسەکانی خودا. وەناو ئی فیزه قورس بوسن.