یەکم پتروس 3:9 - کتاب مقدس به زبان کردی جنوبی - گویش کلهوری

⁹ خراوی وەگەرد خراوی یا دژمین وەگەرد دژمین جواو مێەن، بەڵکەم وه پێچەوانه، داواێ بەەرکەت بکەن، چوینکه هەر ئەڕا ئیه دەنگ کریاینه تا بەەرکەت بوده نسیودان.

یەکم پتروس 3:9 ပူးပေါင်းရင်းမြစ်များ

ئنجیل مەتا 19:29

هەر کەیش وەبونەێ ناو مه ماڵ یا برا یا خویشک یا داڵگ یا باوگ یا مناڵ یا ماڵ موڵک خوەێ بیلیده جێ، سەد ئەوقره پەێا کەی و زنەیی ئەبەدی وه میراتی بی.

ئنجیل مەتا 25:34

ئمجا پادشا وه ئەوانه که هانه لاێ ڕاسی ئویشێ: ”بان، ئێ ئەوانه که له باوگم بەەرکەت گردینه، ئەو پادشاییه که له دامەزرانن جهانەو ئەڕادان گورجەو بوی وه میرات بوەنێ.

ئنجیل مەتا 5:39

وەلێ مه وەپێدان ئویشم، وه نوای ئایەم شەڕئاشو نەوسن. ئەگەر کەسێگ چەپاڵەی دا ناو گوش ڕاسد، ئەولادیش ئەڕاێ بگر.

ئنجیل مەتا 5:44

وەلێ مه وەپێدان ئویشم دشمەنیلدان دوس بیاشتون و ئەڕا ئەوانەیش که ئازاردان دەن دوعای خیر بکەن.

مەرقوس 10:17

وەختێ عیسا کەفته ڕێ، پیاێگ وه دەودەوان هات، وه نوای زرانی دا زەوی و پرسی: «ماموستا خاسەگه، چه بکەم تا بومه میراتی خوەر زنەیی ئەبەدی؟»

لوقا 10:25

یەێ ڕوژ یەکی له قازییل شەریعەت هەڵساد تا وەگەرد ئی پرسیاره، عیسا ئەزمون بکێ: «ئێ ماموستا، چه بکەم تا بومه میراتی خوەر زنەیی ئەبەدی؟»

لوقا 18:18

یەکی له سەروکیل جویلەکە له لێ پرسی: «ماموستاێ خاس چه بکەم تا بومه میراتی خوەر زنەیی ئەبەدی؟»

رومیەگان 12:14

ئەڕا کەسیلێ که عەزاودان دەن، داواێ بەەرکەت بکەن؛ داواێ بەەرکەت بکەن و نوڕیان مەکەن!

رومیەگان 12:17

وه هویچکەس وه جیاێ خراوی، خراوی مەکەن. بەڵکەم هوشدان بود که ئەو چشته که له وەر چەو گشتیەکی حرمەت دێرێ، وه جێ بارین.

رومیەگان 8:28

جا ئیمه زانیمن ئەڕا کەسیلێگ که خودا دوس دێرن و وه پێ ئامانج ئەیو دەنگ کریانه، گشت چشتێگ وه یەکەو ئەڕا خاسێ ئەوانه کار کەێ.

رومیەگان 8:30

جا ئەوانه که وەرجەوە دیاری کرد، دەنگیانیش کرد و ئەوانه که دەنگیان کرد سالحانیش وەحساو هاورد؛ ئەوانه که سالحان وەحساو هاورد، جەڵاڵیش دا.

نامه وە غەلاتییل 3:14

ئەیو ئیجوره کرد تا بەەرکەت ئێبراهیم وەناو مەسیح عیسا نسیو ناجویلەکەیل بود، تا روح خودا که وه ئیمه وادەێ دریاوی، له ڕێ ئیمان بێرێیده پێمان.

ئەفسوسیێل 4:32

وەگەرد یەکترەکی مێرەبان و دڵسوز بون و هەر ئەوجورە که خودا ئیوه وەناو مەسیح بەخشی، ئیوەیش یەکترەکی بوەخشن.

یەکم تسالونیکییل 5:15

هوشدان بود، کەسێگ خراوی وەگەرد خراوی جواو نید، بەڵکەم هەمویشه وەشون خاسێ کردن وه یەکترەکی و وه گشت مەردم بوین.

عبرانییل 12:17

چوینکه ئیوه زانين که وەشون ئەوه، وەختێگ که تواس بوده میراتیخوەر ئەو بەەرکەته، ڕەدکریا. چوینکه دەرفەتێگ ئەڕا توبه پەێا نەکرد هەرچەن وەگەرد ئەسر چەو وەشونێ بی.

عبرانییل 6:14

و فەرمایش کرد: «بێ گومان بەەرکەتد دەم و نەتەوەد فرەوه کەم.»

یەکم پتروس 5:10

وەشون ئیه که توزێگ زامەت دین، خوداێ گشت فیزیل که ئیوه وەناو مەسیح وه جەڵاڵ ئەبەدی خوەێ دەنگ کردێه، خوەێ ئیوه له سەر نو نێده پاوه و قورس و تویەنا و بەردەوام کەێد.