یەکم پتروس 3:8 - کتاب مقدس به زبان کردی جنوبی - گویش کلهوری

⁸ دەس ئاخر، گشتدان یەێ فکر و هاودەرد بون و مابەت براێانه بیاشتون و دڵسوز و بێ فیس بون.

یەکم پتروس 3:8 ပူးပေါင်းရင်းမြစ်များ

ئنجیل مەتا 18:33

ئێ نەبایه تنیش بەزەیێد باتیا هاوکارەگەد هەر ئەو جوره که مه بەزەییم هاته پێدەو؟“

لوقا 10:33

وەلێ ڕێویارێگ که له مەردم سامره بی وەختێ رەسێ ئەوره پیاگه دی، دڵی ئەڕاێ سزیا.

کاریل ڕەسولەیل 2:1

وەختێ ڕوژ پنتیکاست هات، گشت وه یەکەو له یەێ شون گردەو بوین.

کاریل ڕەسولەیل 27:3

ئی ڕوژەگەێ ڕەسیمنه شار سیدون. یولیوس وه پولوس لوتف داشت و هیشت بچوده ئەڕا لاێ ڕەفیقەیلێ تا هەوەجییلێ پەرچەو بکەن.

کاریل ڕەسولەیل 28:7

وه ئەو نزیکیه زەویزارێگ بی که هن پوبلیوس سەروک جەزیرەگه بی. ئەوه بردەمانه ئەڕا ماڵ خوەێ و سێ ڕوژ وه خوەشی مێوانداریمان کرد.

کاریل ڕەسولەیل 4:32

گشت کەسیلێ که ئیمان هاوردوین یەێ دڵ و یەێ گیان بین، هویچکەسیش نەوەتیاد چشتێ له دارایەگەێ هن خوێه، بەڵکەم وەناو گشت چشتێگ وەگەرد یەکا هاوبەش بین.

رومیەگان 12:10

وەگەرد مابەت براێانه، یەکترەکی دوس بیاشتوین. وەناو حرمەت ناین وه یەکترەکی، بێەنه نوای یەکانەو.

رومیەگان 15:5

با خوداێگ که سەرچاوەی بەردەوامی و دڵگەرمیه، بوەخشێده پێدان تا ئەوجورە که وەگەرد خاست مەسیح عیسا جور دەرتێد، وەگەرد یەکترەکی هاوفکر بوین،

یەکم قورنتییل 1:10

ئێ برایل، وه ناو خوداوەندمان عیسا مەسیح لاڵکمه پێدان که بکەفینه یەکا و وەناودان دودەسەیی نود، بەڵکەم وەناو فکر و رأی پشت یەک بگرن.

یەکم قورنتییل 12:26

ئەگەر ژان بکەفێه یە ئەنام، گشت‎ ئەنامیل له ژانەگەێ هاوبەشەو بون و ئەگەر یە ئەنام سەربەرزەو بود، گشت‎ ئەنامەیل وەناو خوەشیەگەێ هاوبەشەو بون.

ئەفسوسیێل 4:2

وه تەمامی بێ فیسی و نەرمی؛ وەگەرد سەور وەناو مابەت یەکترەکی تاموڵ بکێن.

ئەفسوسیێل 4:31

هەر جور تیەڵی، توڕەیی، کەفلەهەرزی، هاوار کردن، بخت کردن و هەر جور دڵپێسی له خوەدان دویرەو بکەن.

ئەفسوسیێل 4:32

وەگەرد یەکترەکی مێرەبان و دڵسوز بون و هەر ئەوجورە که خودا ئیوه وەناو مەسیح بەخشی، ئیوەیش یەکترەکی بوەخشن.

نامەێ فیلیپییل 2:3

هویچ کارێگیش له سەر جێخوازی یا لویتبەرزی نەکەن، بەڵکەم وه بێ فیسەو ئەو باقی مەردم له خوەدان خاستر بزانن.

نامەێ فیلیپییل 3:16

تەنیا بیلن له باوەت حەقیقەتیل روحانی، وه هەر چشتێ که ڕەسیمنه، ڕێ رەوشتمان وه پێ ئەوه بود.

نامه وه کولوسییل 3:12

جا هەر جور هەڵوژاریەگان خودا که موقەدەس و عەزیزگرامین، دڵنگ دڵرەخمی، مێرەبانی، بێ فیسی، نەرمی و سەور بکەنه وەردان.

عبرانییل 13:1

بیلن مابەت برایی بەردەوام بود.

یاقوب 2:13

وەبونەێ ئیه که ئەوه که بەزەیی وه کەسێگ ناتیه، وه بەزەیی داوەری نیود. بەزەیی وه مل داوەری زاڵەو بود!

یاقوب 3:17

وەلێ ئەو زانیاری که له ئاسمانه، یەکم جار پاکه، ئمجا ئاشتیخوازه، نەرم و ئاموژیاری گوشدەره، نیقەڵتوز له بەزەیی و بەریل خاسه، دویر له دوچەوەکی و دوڕوییه!

یاقوب 5:11

ئیمه کەسیلێگ که بەردەوامن، بەختەوەر زانیم. ئیوه له باوەت بەردەوامی ئەیوب شنەفتینه و دەس ئاخر کار خوداوەند دینه، که خوداوەند چەنێ مێرەبان و بەزەیکەره.

یەکم پتروس 1:22

ئیسه که وه گوش تەکانن له ڕاسی، گیانیل خوەدان پاکەو کردينه تا مابەتێگ براێانه و بێ خڵت خەوش بیاشتوین، ها ملدانەو که یەکترەکی وه دڵ و گیان وه یە دڵ پاک دوس بیاشتوین.

یەکم پتروس 2:17

حرمەت گشتیەکی بگرن، برایل مابەت بکەن، له خودا ڕخدان بچود و حرمەت پادشا بگرن.

یەکم پتروس 5:5

هەرئیجوره ئیوه ئێ جوانیل، له شێخیل گوش بتەکنن. گشتدان وەناو ڕێ رەوشتدان وەگەرد یەکترەکی دڵنگ بێ فیسی بکەنه وەردان چوینکه، «خودا وه نوای لویتبەرزەیل وسێد، وەلێ وه بێ فیسیل فیز بەخشێد.»

دویم پتروس 1:7

وه مل خوداناسی، دوسی براێانه و وه مل دوسی براێانه، مابەت.

یەکم یوحەنا 3:14

ئیمه زانیمن که له مەرگ گوزەریایمنه و رەسیمنەسه ژیان، چوینکه دوس برایل دێریم. هەر کەسێگ که مابەت نیەکێ، وەناو مەرگ نیشتەجێه.