یەکم پتروس 3:4 - کتاب مقدس به زبان کردی جنوبی - گویش کلهوری

⁴ بەڵکەم بیلن ڕەژیایندان وەناو ئنسان نادیاری دڵدان بود که وەگەرد رەنگینی نەسیسیاێ روحێگ نەرم و ئارامە، که ئیه له وەر چەو خودا فره تیەرزێ.

یەکم پتروس 3:4 ပူးပေါင်းရင်းမြစ်များ

ئنجیل مەتا 11:29

هویەێ مه بخەنه ملدانەو له مه تالیم بگرن، چوینکه مه ئارام و دڵنەرمم و ئیوه وەناو گیان خوەدان ئاشاسێگ پەێا کەین،

ئنجیل مەتا 21:5

«وه دویەت کویەگەێ سەهیون بویشن، ”بنوڕ، پادشاگەد تێیده ئەڕا لاد، وه بێ فیسیەو، سوار خەریگ، سوار وه خەرکوڕێگ.“»

ئنجیل مەتا 23:26

ئێ فەریسی کت کور، یەکم جار ناو پیاڵه و پشقاوەگه پاکەو بکه، تا دەیشتەگەیشێ پاکەو بود.

ئنجیل مەتا 5:5

خوەش وه حاڵ ئەوانه که حەلیمن، چوینکه زەوی وه میراتی بەن.

لوقا 11:40

ئێ نەفامیل، ئەوه که دەیشتێ درس کردێه، ناویشێ درس نەکردیه؟

لوقا 16:15

عیسا وەپێان وەت: «ئیوه ئەو کەسیلینه که خوەدان وه مەردم، سالحان نیشان دین، وەلێ خودا وه دڵدان ئاگا و بیناس. هەر چشتێ که وه لاێ مەردمەو قورپ فرەێگ دێرێ، خودا قیزێ له لێ تێ!

رومیەگان 1:23

جەڵاڵ خوداێ نەمر وەگەرد پێکەریلی که جور ئنسانێگ که مرێ و باڵەندەیل و گیانەوەریل و خزنەیلن، گوڕانن.

رومیەگان 2:29

بەڵکەم جویلەکە ئەوەسه که له ناخەو جویلەکە بود و خەتەنەیش کارێگه دڵی که له ڕێ روح خودا ئەنجام گرێ، نه له ڕێ شەریعەت نویسریای. ئیجور کەسێگ تاریف خوەێ له خودا گرێ، نه له ئایەم.

رومیەگان 6:6

زانیم ئەو ئنسان جارانه که ئیمه بیمن، وەگەردیەو وه سەلیب کیشریا تا جەسەێ گونا پویچەو بود و ویجوره دیتر گیرودەێ گونا نویمن.

رومیەگان 7:22

چوینکه من وەناو ئایەم دەروینیم له شەریعەت خودا دڵشادم،

دویم قورنتییل 10:1

من، پولوس، وه ڕوی نەرمی و مێرەبانی مەسیح له لێدان توام - وه پێ وتار بڕێگیدان، وەختێ لەلادان نیم بێ فیسم و وەختێ هامه لادان تنم! -

دویم قورنتییل 4:16

جا دڵسەرد نیویمن. هەر چەن شێوەێ جەسەێ ئیمه پویترکێید، ئنسان دەروینمان ڕوژ وه ڕوژ تازەترەو بود.

نامه وە غەلاتییل 5:23

بێ فیسی و وەسەرخویەو زاڵ بوینه. هویچ شەریعەتێگ وه زد ئی چشتیله نیه.

ئەفسوسیێل 4:2

وه تەمامی بێ فیسی و نەرمی؛ وەگەرد سەور وەناو مابەت یەکترەکی تاموڵ بکێن.

نامه وه کولوسییل 3:12

جا هەر جور هەڵوژاریەگان خودا که موقەدەس و عەزیزگرامین، دڵنگ دڵرەخمی، مێرەبانی، بێ فیسی، نەرمی و سەور بکەنه وەردان.

نامه وه کولوسییل 3:3

چوینکه ئیوه مردینه و زنەییدان وەگەرد مەسیح وەناو خودا شاریاسەو.

یەکم تسالونیکییل 4:11

تاسەێ ئیه داشتوین که زنەیی ئارامێگ بیاشتوین و سەردان خەریک کار خوەدان بود و وه دەسيل خوەدان کار بکەن، هەر ئەوجورە که وه ئیوه حوکم کردیم،

دویم تسالونیکییل 3:12

ئێرنگه وەناو خوداوەند عیسا مەسیح وه ئیجور کەسیلێگ حوکم کيمن و هانیان دیمن که بیدەنگ کار خوێان بکەن و نانیان دەر بارن.

یەکم نامەێ تیموتاوس 2:2

ئەڕا حاکمیل و گشت دەسڵاتداریل، تا بتویەنیمن زنەیی ئارام و ئاسودەێگ بیاشتویمن و له هەر باوەتەو وه خوداپەرەسی و سەنگین ڕەنگینی بێمنێ سەر.

دویم تیموتاوس 2:25

باێه ئەوانه که له نوای وسن وه دڵنەرمی ڕێنمایی بکێد، وەئی ئمیده که خودا بیلێد تا ئەوانه توبه بکەن و ڕاسی بناسن

تیتوس 3:2

له باوەت کەسێگ خراو نویشن و له دەمقاڵ دویرەو بگرن و دڵنەرم بون و رێ رەوشتێان وەگەرد گشت مەردم وه حرمەتەو بود.

یاقوب 1:21

جا هەر جور گەنیان و هەر شونه پایگ که له شەڕئاشویه له خوەدان دویرەو بکەن و وه بێ فیسی کەڵامێگ بگرنەوەر که وەناودان کاڵیاس و تویەنێ گیاندان نجات بێید.

یەکم پتروس 1:23

چوینکه تازه هاتینەسه دنیا، نه له توخم‎تەرەکەێ له بین چی بەڵکەم توخم‎تەرەکەێ که له بین نیەچود، یانێ له ڕێ کەڵام خودا که زنیه و هەر هەسەێ.

یەکم پتروس 3:15

بەڵکەم له دڵ خوەدانەو‎و خوداوەند مەسیح که قودوسه حرمەت بگرن و هەمویشه گورجەو بوین تا هەر کەسێگ مدوێ ئمیدێگ که ها له ناو ئیوه بپرسێد، جواوی بێین، وەلێ ئی کاره وه نەرمی و وه حرمەت بکەن.