یەکم پتروس 3:21 - کتاب مقدس به زبان کردی جنوبی - گویش کلهوری

²¹ جا ئەو ئاوه نمونەێ خوسڵ تەعمیدێگه که ئێرنگه ئیوه نجات دەێ، تەعمیدێگ که پاکەو کردن چەپەڵی له جەسه نیه، بەڵکەم داواکاریگ له خوداس ئەڕا وژدانێگ پاک. ئی تەعمیده که له ڕێ زنیەو بوین عیسا مەسیح ئیوه نجات دەێ،

یەکم پتروس 3:21 ပူးပေါင်းရင်းမြစ်များ

ئنجیل مەتا 28:19

جا بچن، گشت ملەتیل بکەنه شاگرد، وه ناو باوگ و کوڕ و روح‌القودوس خوسڵ تەعمیدیان بێەن،

مەرقوس 16:16

هەر کەس ئیمان هاورد و خوسڵ تەعمید گرد، نجات پەێا کێ. وەلێ هەر کەس ئیمان نارێ، ماکوم بود.

یوحەنا 13:9

جا شەمعون پتروس وەت: «گەورەم، نه تەنیا پایلم، بەڵکەم دەسیل و سەرمیش بشور!»

کاریل ڕەسولەیل 16:33

هەر ئەو ساته له شەو، زندانبان هاوردێانه دەیشت و زامیلێان شورد و زویزی خوەێ و گشت بنەماڵەگەێ خوسڵ تەعمید گردن.

کاریل ڕەسولەیل 2:38

پتروس وەته پێان: «توبه بکین و هەر کامدان وه ناو عیسا مەسیح ئەڕا بەخشین گونایلدان خوسڵ تەعمید بگرن که خەڵاتی خودا یانێ روح‌القودوس وه دەس تیەرین.

کاریل ڕەسولەیل 22:16

ئێرنگه ماتەڵ چەید؟ هەڵس و خوسڵ تەعمید بگر و گونايلد بشور و ناو ئەیو بار!“

کاریل ڕەسولەیل 8:36

وەختێ وەناو ڕێ بین، ڕەسینه سەر ئاوێگ. خەزانەدارەگه وەت: «بنوڕ، ها ئیەیشه ئاو، چ چشتێ نوای تەعمید مه گری؟»

کاریل ڕەسولەیل 8:37

فیلیپوس وەت: «ئەگەر وه تەمام دڵ ئیمان بارێ، بود.» خەزانەدارەگه وەت: «ئیمان دێرم که عیسا مەسیح کوڕ خوداس.»

رومیەگان 5:14

وەئی حاڵەو، له ئایەم تا موسای پەێخەمەر، مەرگ وه سەر گشتیەکی حوکمرانی کرد، تەنانەت وه سەر کەسیلێگ که گوناگەێان جور خەتای ئایەم نوی. ئایەم، نمونەێ کەسێگ بی که باێه باتیاد.

یەکم قورنتییل 12:13

چوینکه گشتمان، چ جویلەکە و چ یونانی، چ خوڵام و چ ڕزگار، وەناو یە روح خوسڵ تەعمید گردیمنه تا یە جەسه درس بکێم؛ جا گشتمان له یە روح نوشایمنه.

یەکم قورنتییل 4:6

ئێ برایل، گشت ئی نمونەیله ئەڕا خوەم و ئاپولوس وه کار بردم تا وه نەفدان بود، تا له ئیمه یاێ بگرن که له ئەو چشته که نویسریاس، نەچینه ئەولاتر. تا هویچکامدان خوەێ له کەسێگ بانتر وه حساو نارێ و سوکایەتی وه کەسێگ تر بکێ.

دویم قورنتییل 1:12

شانازی ئیمه شاێەتی وژدانمانه که کردەوەمان وەناو جهان، وەتاێبەتی لەباوەت ئیوه، وەگەرد سادەی و ڕویڕاسی خودایی بی. ئیمه نه وه ڕوی زانیاری ئنسانی، بەڵکەم وه پێ فیز خودا کار کردیمنه.

دویم قورنتییل 7:1

ئێ عەزیزەیل، ئیمه که ئی وادەیله دێریم، بان خوەمان له هەر ناپاکی جەسه و روح پاکەو بکێم و وەناو زاورچین له خودا، موقەدەس بیێن وه کەماڵ برەسنێم.

نامه وە غەلاتییل 3:27

ئەڕا ئیه که گشتدان که وەناو مەسیح خوسڵ تەعمید گردین، مەسیحیش کردینەسه وەردان.

ئەفسوسیێل 5:26

تا ئەوه وەگەرد ئاو کەڵام خودا بشورێد و پاک بکێ و تەقدیس بکێ،

نامه وه کولوسییل 2:12

وەناو خوسڵ تەعمید، وەگەرد مەسیح نریاینەسه قەور و وەگەردیەو زنییشەو بینه، له ڕێ ئیمان وه کار هێزدار خوداێگ که مەسیح له مردگیل زنیەو کرد.

یەکم نامەێ تیموتاوس 1:5

ئامانج ئی فەرمانه دوس داشتنه، دوس داشتنێگ که له دڵ پاک و وژدان درس و ئیمانێگ بی دوڕویی هەڵساس.

یەکم نامەێ تیموتاوس 6:12

له جەنگ خاس ئیمان تەقالا بکه و بلچکیه ئەو زنەیی ئەبەدی که ئەڕا ئەوه دەنگ کریایه، ئەو وەخته که وه نوای شاێەتیل فرەێگ، ئێقرار خاسەگه کردی.

عبرانییل 10:22

باین تا وه دڵێگ ڕاس و دڵنیایی تەمام ئیمان، نزیک خودا بویمن، وه حاڵێگەو که دڵیلمان له وژدان خراو پاکەو بویه و جەسەیلمان وەگەرد ئاو پاک شوریاس.

عبرانییل 11:19

ئێبراهیم ئیجوره فکر کرد که خودا تویەناس تەنانەت ئەسحاق له مردگیل زنیەو بکێد و تویەنیم بویشیم یەێ جوریلێگ ئێبراهیم، ئەسحاق له مەرگ وەرگرتەو.

عبرانییل 13:18

ئەڕا ئیمه دوعا بکەن، چوینکه دڵنیایم که وژدانمان پاکه و توایم وەناو گشت چشت وه درسی ڕێ رەوشت بکێم.

عبرانییل 9:14

چەنێ فرەتر، خوین مەسیح که له ڕێ ئەو روح ئەبەدیه خوەێ بی نەخس وه خودا پیشکەش کرد، وژدان ئیمه له کاریل وەدەرد نەخوەر پاکەو کەید تا که خزمەت خوداێ زنی بکێم!

عبرانییل 9:24

چوینکه مەسیح نەچیه ناو موقەدەسترین شونێگ که وه دەس بەشەر درس کریاوی که نمونەێگ له چشتیل ڕاسەکانیه، بەڵکەم چیه ناو خود ئاسمان تا ئێرنگه له جێ ئیمه له لاێ خوداوه ئاشکرا بود.

یەکم پتروس 1:3

پڕ بمارکه خودا، باوگ خوداوەند ئیمه عیسا مەسیح که بەنا وه بەزەیی فره گەوراێ خوەێ، سەوەو بیه تا وه وەسلەێ زنیەو بوین عیسا مەسیح له مردگیل، ئیمه له نو بایمنه دنیا، ئەڕا ئمیدێگ زنی،

یەکم پتروس 3:16

وژداندان پاک بپارێزنن تا کەسیلێگ که له ڕێ رەوشت خاس ئیوه وەناو مەسیح، خراو ئویشن له خراو وەتن خوێان شەرمزارەو بون.