یەکم پتروس 3:20 - کتاب مقدس به زبان کردی جنوبی - گویش کلهوری

²⁰ هەر ئەو روحیلێگ که وه ڕوژگاریل جاران ملەجەرێ کردوین، ئەو وەخته که خودا وه ڕوژگار نوح که کەشتی درس بویاد، وه سەور چەوەڕێ بی. وەناو کەشتیەگه تەنیا قێرێ کەمێگ، یانێ هەیشت نەفەر، له ڕێ ئاو گیان ساڵم وه دەر بردن.

یەکم پتروس 3:20 ပူးပေါင်းရင်းမြစ်များ

ئنجیل مەتا 7:14

وەلێ تەنگه ئەو دەر و سەخته ئەو ڕێه که وەرەو زنەیی چود و کەم کەسێگ دوینیدەوی.

لوقا 12:32

«ئێ ریەن بویچگ، زاوردان نەچود، چوینکه خوەشنودی باوگ ئیوه ئیەسه که ئی پادشایه بێیده پێدان.

کاریل ڕەسولەیل 2:41

جا کەسیلێ که قسیەیلی قەبوڵ کردن، تەعمید گردن. له ئەو ڕوژه نزیک سێ هەزار نەفەر وه ئەوانه فێشترەو بی.

رومیەگان 9:22

چه بود بویشی ئەگەر خودا هەرچەن تواێ خەزەو خوەێ نیشان بێێ و هێز خوەێ ئاشکرا بکێ، دەفریل خەزەو که ئەڕا له بین چین گورجەو بینه، وەگەرد سەور فرەێگ تاموڵ بکێ،

ئەفسوسیێل 5:26

تا ئەوه وەگەرد ئاو کەڵام خودا بشورێد و پاک بکێ و تەقدیس بکێ،

عبرانییل 11:7

وه ئیمان بی که نوح وەختێ که له لاێ خوداوه له باوەت هەڵکەفتیلێ که تا ئەو وەخته نوینریاوید هەڕەشه دریاده پێ، وه ترس و حرمەتەو ئەڕا نجات بنەماڵەگەێ خوەێ کەشتی درس کرد. ئەوه وه ئیمان خوەێ دنیا ماکوم کرد و بیه میراتی خوەر ئەو سالح بوینه که له ڕێ ئیمان تێد.

یەکم پتروس 1:22

ئیسه که وه گوش تەکانن له ڕاسی، گیانیل خوەدان پاکەو کردينه تا مابەتێگ براێانه و بێ خڵت خەوش بیاشتوین، ها ملدانەو که یەکترەکی وه دڵ و گیان وه یە دڵ پاک دوس بیاشتوین.

یەکم پتروس 1:9

دەرئەنجام ئیماندان که نجات گیانیلدانه، وه دەس تیەرێن.

یەکم پتروس 2:25

چوینکه هەر جور پەسیل ڕێ گوم کریاێگ بین، وەلێ ئیسه وەرەو شوان و هێوەتکەر گیانیلدان هەڵوگەردیاینه.

یەکم پتروس 3:19

وەناو روح چیه ئەڕا لاێ روحیلێگ که زندانی بین و ئاگادارێان کرد،

یەکم پتروس 4:19

جا بیل کەسیلێگ که وه پێ خاست خودا رەنج کیشن، گیانیل خوێان بسپارنه دەس ’درسکەر ئەمین‘ و لەناو کاریل خاس بەردەوام بون.

دویم پتروس 2:5

و ئەگەر بەزەیی خودا ناته جهان جارانیشەو، بەڵکەم وەختێ که وه جهان خودانەناسیل واهێڵان هەنارد، تەنیا نوح که بانگەوازیکەر سالح بوینه، وەگەرد هەفت نەفەر تر پارێزان؛

دویم پتروس 3:15

سەور خوداوەند ئیمه نجات وه حساو بارن، هەر ئەوجورە که براێ عەزیز ئیمه پولوسیش وه ڕوی زانیاریگ که وه پێ بەخشریاس، ئەڕادان نویساد.