یەکم پتروس 3:16 - کتاب مقدس به زبان کردی جنوبی - گویش کلهوری

¹⁶ وژداندان پاک بپارێزنن تا کەسیلێگ که له ڕێ رەوشت خاس ئیوه وەناو مەسیح، خراو ئویشن له خراو وەتن خوێان شەرمزارەو بون.

یەکم پتروس 3:16 ပူးပေါင်းရင်းမြစ်များ

ئنجیل مەتا 5:11

«خوەش وه حاڵ ئیوه ئەو وەخته که مەردم وەبونەێ مه خراو دەنه پێدان و ئازاردان دەن و وه درو گشت جور قسیه‎ گە‎نیگ له باوەتدان ئویشن‎.

کاریل ڕەسولەیل 24:16

جا من ئەڕا داشتن وژدانێگ پاک له لاێ خودا و مەردم تەقالا کەم.

کاریل ڕەسولەیل 28:22

وەلێ خوەشمان تێ له خوەد بشنەفیمن، چوینکه زانیمن که مەردم له هەر شونێگەو باس خراوی ئی فرقه کەن.»

رومیەگان 9:1

وەناو مەسیح ڕاس ئویشم، درو نیویشم، وژدانمیش وەناو روح‌القودوس شاێەتی ئەڕام دەێ که

دویم قورنتییل 1:12

شانازی ئیمه شاێەتی وژدانمانه که کردەوەمان وەناو جهان، وەتاێبەتی لەباوەت ئیوه، وەگەرد سادەی و ڕویڕاسی خودایی بی. ئیمه نه وه ڕوی زانیاری ئنسانی، بەڵکەم وه پێ فیز خودا کار کردیمنه.

دویم قورنتییل 4:2

وەلێ ئیمه ڕێیل نادرسێ و شاریایەو نایمنەسه لا. ئیمه فێڵبازی یا دەسەژێیەی ناو کەڵام خودا قەبوڵ نیەکیمن، وەلێ وەگەرد ئاشکرا وەتن ڕاسی، تەقالا کەیمن له لاێ خودا مورکریاێ وژدان گشتیەکی بویمن.

یەکم نامەێ تیموتاوس 1:19

و سفت هەڵبکیده قێ ئیمان و وژدان پاکێگ، ئەڕا ئیه که کەشتی ئیمان بڕێگ وه خاتر ژێر پا ناین ئەوانه شکیاسه ناو یەکەو.

یەکم نامەێ تیموتاوس 1:5

ئامانج ئی فەرمانه دوس داشتنه، دوس داشتنێگ که له دڵ پاک و وژدان درس و ئیمانێگ بی دوڕویی هەڵساس.

دویم تیموتاوس 1:3

وەختێگ شەو و ڕوژ، یەێ‌سەر توی له ناو دوعایلم تیەرمه هویرم، سپاس خودا کەم، خوداێگ که منیش هەر‎ جور باپیریلم وەگەرد وژدان پاکێگەو خزمەتی کەم.

تیتوس 2:8

قسیەیلد ئەوقره درس بود که کەسێگ نەتویەنێ ماکومێ بکێد، تا دشمەن دەرفەت خراو وەتن له باوەت ئیمه پەێا نەکێ و ئیجوره شەرمزار بود.

عبرانییل 13:18

ئەڕا ئیمه دوعا بکەن، چوینکه دڵنیایم که وژدانمان پاکه و توایم وەناو گشت چشت وه درسی ڕێ رەوشت بکێم.

عبرانییل 9:14

چەنێ فرەتر، خوین مەسیح که له ڕێ ئەو روح ئەبەدیه خوەێ بی نەخس وه خودا پیشکەش کرد، وژدان ئیمه له کاریل وەدەرد نەخوەر پاکەو کەید تا که خزمەت خوداێ زنی بکێم!

یەکم پتروس 2:12

کردەوەدان وەناو بی ئیمانیل وه حرمەتەو بود تا وه ئیجوره وەختێگ که وه زد ئیوه قسیه کەن و ئویشن کردەوەدان خراوه، کاریل خاسدان بوینن و وەناو ڕوژی که خودا دوینن، جەڵاڵی بێەن.

یەکم پتروس 2:15

چوینکه خاست خودا ئیەسه که وەگەرد خاسێ کردن، نەفامی مەردم گیلگەوج، بێدەنگەو بکێن.

یەکم پتروس 2:19

چوینکه ئیه کار پڕ له فیزێگه که کەسێگ وەئەو بونه که خودا ها وەر چەویا، وەختێ وه نا‎حەق دێرێ رەنج کیشێد، سەختییله تاموڵ بکێد.

یەکم پتروس 3:21

جا ئەو ئاوه نمونەێ خوسڵ تەعمیدێگه که ئێرنگه ئیوه نجات دەێ، تەعمیدێگ که پاکەو کردن چەپەڵی له جەسه نیه، بەڵکەم داواکاریگ له خوداس ئەڕا وژدانێگ پاک. ئی تەعمیده که له ڕێ زنیەو بوین عیسا مەسیح ئیوه نجات دەێ،

یەکم پتروس 4:4

وه ئی بونه، وەختێ که وەناو ئی بی بەن و باریەل بی حساو وەگەرد ئەوانه هاوبەش نیەوین، سەریان سڕ مەنیه و دژمین دەنه پێدان.