یەکم پتروس 3:15 - کتاب مقدس به زبان کردی جنوبی - گویش کلهوری

¹⁵ بەڵکەم له دڵ خوەدانەو‎و خوداوەند مەسیح که قودوسه حرمەت بگرن و هەمویشه گورجەو بوین تا هەر کەسێگ مدوێ ئمیدێگ که ها له ناو ئیوه بپرسێد، جواوی بێین، وەلێ ئی کاره وه نەرمی و وه حرمەت بکەن.

یەکم پتروس 3:15 ပူးပေါင်းရင်းမြစ်များ

کاریل ڕەسولەیل 21:39

پولوس جواو دا: «من جویلەکەم، له مەردم تارسوس کیلیکیه، شار بی ناو و نیشانەیگ نیه. لاڵکیەمه پێدان تا بیلين وەگەرد مەردم قسیه بکەم.»

کاریل ڕەسولەیل 24:25

وەختێ پولوس له باوەت سالح بوین و پارێزکاری و داوەری وەرەڕوی قسیه کرد، فلیکس هوڵ گردێ و وەت: «ئەڕا ئیسه بەسه دی! تویەنێ بچید. وەختێ دەرفەتێ پەێا بکەم خەوەرد کەم.»

نامه وه کولوسییل 1:23

هەڵبەت ئەگەر وەڕاسی وەناو ئیمان قورس بوین و بەردەوام بمینێن و له ئمید ئینجیل جم نەخوەین، هەر ئەو ئینجیلێگ که شنەفتین و وه گشت درسکریایل ژێر ئاسمان جار دریاس و مه، پولوس، بیمەسه خزمەتکاری.

نامه وه کولوسییل 1:27

خودا ئیجوره تواس که وه ئەوانه ئاشکرا بکێد که ئی رازه چ جەڵاڵ گەوراێگ وەناو ناجویلەکەیل دێرێد، ئەو رازه که مەسیح ها ناو ئیوه، که ئمید جەڵاڵه.

نامه وه کولوسییل 1:5

ئیانه له ئمیدێگ سەرچاوه گری که وەناو ئاسمان ئەڕا ئیوه نریاس. وەرجه ئیه له باوەت ئی ئمیده وەناو کەڵام ڕاسی یانێ ئینجیل شنەفتینه،

نامه وه کولوسییل 4:6

قسیەيل ئیوه هەمویشه پڕ له فیز بود و نمەکین، تا بزانین وه هەر کەسێگ چوی باێه جواو بێین.

تیتوس 1:2

ئی ڕاسیه وه پێ ئمید وه زنەیی ئەبەدیه که خوداێگ که هەراێهەر درو نیویشی، له ئەزەڵ وادەێ داسه پێمان و

عبرانییل 3:6

وەلێ مەسیح، له جیگەێ یەێ کوڕ، ساێو ئختیار وه سەر ماڵ خودا، ئەمینە. ماڵەگەێ ئەیو ئیمەیم، ئەگەر وه ڕاسی قورس بلچکیێمنه دڵنیایمان و شانازیمان که وه ئمیدمان دێریم.

عبرانییل 6:1

جا باین دەرسیل سەرەتایی له باوەت مەسیح بنێمنە پشت سەر، وەرەو بازڵه بوین بچیمنه نوا و یەێ جارتر بنەما نەنێیمنه مل ئیانه، یانێ مل توبه له کاریل وەدەرد‎نەخوەر و ئیمان وه خودا

یەکم پتروس 1:17

ئەگەر ئەیو وه باوگ چڕین که هەر کەسێگ بێ دوچەوەکی وه پێ کاریلێ داوەری کەێد، جا دەورەیل غەریوی خوەدان وه خودا ترسی بێەنێ سەر،

یەکم پتروس 3:2

وەختێ که ڕێ رەوشت وه حرمەت و پاک ئیوه بوینن.

یەکم پتروس 3:4

بەڵکەم بیلن ڕەژیایندان وەناو ئنسان نادیاری دڵدان بود که وەگەرد رەنگینی نەسیسیاێ روحێگ نەرم و ئارامە، که ئیه له وەر چەو خودا فره تیەرزێ.