یەکم پتروس 3:11 - کتاب مقدس به زبان کردی جنوبی - گویش کلهوری

¹¹ باێه له خراوی ڕوی هەڵوگەردنێد و خاسێ بکێ؛ بکەفێه شون ئاشتی و سڵامەتی و وەشونیەو بچود.

یەکم پتروس 3:11 ပူးပေါင်းရင်းမြစ်များ

ئنجیل مەتا 5:45

تا بوینه ڕوڵەیل باوگدان که ها ناو ئاسمان. چوینکه ئەیو خوەر خوەێ وه مل خراویل و خاسیل هەڵ تیەرێ و وارانیشی وه مل دادپەروەریل و ستەمکەریل وارنێ.

ئنجیل مەتا 5:9

خوەش وه حاڵ ئەوانه که ئاشتی‎خوازن، چوینکه ئەوانه ڕوڵەێ خودا خوەنریەن.

ئنجیل مەتا 6:13

مەخەرەمانه ناو ئەزمون، بەڵکەم وه ئەو شەڕئاشوه ڕزگارمان بکه. چوینکه تا ئەبەد، پادشایی و هێز و جەڵاڵ هن تنه. ئامین.

مەرقوس 14:7

چوینکه ئیوه هەمویشه کەمدەسیل وەگەرد خوەدانەو دێرین، هەر وەختیش بتواین تویەنين مەیەتیان بیەین، وەلێ مه ئەڕا هەمویشه نێرین.

لوقا 1:79

تا وه کەسیلێگ که هانه ناو تیەریکی و ژێر ساێەڕ مەرگ، نویر خوەێ بدرەوشێدەو، وه گامیلمان وه ڕێ ئاشتی و سڵامەتی ڕێنمایی بکێ.»

لوقا 6:35

وەلێ ئیوه، دشمەنیلدان دوس بیاشتون و وەپێان خاسێ بکەن و قەرد بێەنه پێان و ئی ئمیده نیاشتون که له لێان بسینینێەو، چوینکه پاداشدان فره گەوراس و بوینه ڕوڵەێ خوداێ هەربەرز، چوینکه ئەوه وەگەرد ناسپاسیل و بەدکارەیل، مێرەبانه.

لوقا 6:9

عیسا وەپێان وەت: «له ئیوه پرسم، کامێان وه ڕوژ شەبات ڕەواس: خاسێ یا خراوی، نجات گیان ئنسان یا نابود کردنێ؟»

یوحەنا 17:15

داوا نیەکەم له جهان بویدێان بەڵکەم توام له ئەو شەڕئاشوه بپارێزنێدێان.

رومیەگان 12:18

ئەگەر بود، تا ئەوره که له دەسدان تێد وەگەرد گشتیەکی وه ئاشتی و سڵامەتی زنەیی بکەن.

رومیەگان 14:17

چوینکه پادشایی خودا خواردن و نوشاین نیه، بەڵکەم سالح بوین و ئاشتی و سڵامەتی و خوەشی وەناو روح‌القودوسه.

رومیەگان 14:19

جا بان وەشون ئەو چشته بویمن که بایس ئاشتی و سڵامەتی و وەسەرپاناین یەکترەکیمانه.

رومیەگان 5:1

جا وەخاتر ئیه که له ڕێ ئیمان سالحان وه حساو هاتیمنه، له ڕێ خوداوەندمان عیسا مەسیح وەگەرد خودا ئاشتی و سڵامەتی دێریم.

رومیەگان 7:19

چوینکه ئەو کار خاسه که توام، وه جێ نیەتێەرم، بەڵکەم کار خراوێگ که نیەتوام، هەر وه جێ تیەرم.

رومیەگان 7:21

جا وه ئی یاسا پێ بەم که وەختێ توام کار درس وه جێ بارم، خراوی ها وەر دەسمەو.

رومیەگان 8:6

دەرئەنجام دڵبەساین وه چشتیل جەسەێ، مەرگه، وەلێ دەرئەنجام وەشون کەفتن له چشتیل روحانی، ژیان و ئاشتی و سڵامەتیه.

نامه وە غەلاتییل 5:22

وەلێ بەر روح خودا، مابەت، خوەشی، ئاشتی و سڵامەتی، سەور، مێرەبانی، خاسێ، وەفاداری،

نامه وە غەلاتییل 6:10

جا تا دەرفەت دێریم بان تا وه گشتیەکی خاسێ بکێم، وه تایبەتی وه کەسیلێ که وه مەسیح ئیمان دێرن.

نامه وه کولوسییل 3:15

با ئاشتی و سڵامەتی مەسیح وەناو دڵدان حوکمفەرما بود، که وه ڕاسی وەناو یەێ جەسه ئەڕا ئی ئاشتی و سڵامەتیه دەنگ کریاینه. شوکر خودا بکێن.

یەکم نامەێ تیموتاوس 6:18

وه ئەوانه دەستور بیه که خاسێ بکەن و ئەڕا کاریل خاس، دەوڵەمەن بون و بەخشەنه و دەسدڵواز بون.

عبرانییل 12:14

سەخت تەقالا بکەن که وەگەرد گشت مەردم وەناو ئاشتی و سڵامەتی بێەنێ سەر و موقەدەس بوین، چوینکه جیا له قودوسیەت هویچکەسێگ خوداوەند نیوینێد.

عبرانییل 13:16

خاسێ کردن و بەشدار کردن ئەو باقی مەردم وه ئەو چشته که دێرین مەخەنه پشت گوش، چوینکه ئیجور قوروانیيلێگ خودا خوەشنودەو کێ.

یاقوب 4:17

جا هەر کەسێگ بزانێ چ کارێگ درسه و ئەوه وه جێ نارێد، گونا کردێه.

یەکم پتروس 3:12

چوینکه چەویل خوداوەند ها مل سالحان و گوشیلێ وه مل دوعاێان وازه، وەلێ ڕوی خوداوەند وه زد بەێ‎کاریله.»

سێیەم یوحەنا 1:11

ئێ عەزیز، وه خراوی نمونه ئەڕا خوەد مەگر، بەڵکەم وه خاسێ نمونه بگر. هەر کەس خاسێ بکێ، له لاێ خوداس، وەلێ هەر کەس خراوی بکێ خودا وه چەو نێه.