یەکم پتروس 3:1 - کتاب مقدس به زبان کردی جنوبی - گویش کلهوری

¹ هەر وه ئیجور، ئیوه ئێ ژنيل، گوش له شوییلدان بتەکنن تا ئەگەر تەنانەت بڕێگ گوش له کەڵام خودا نەتەکنن، بی ئەوه که کەلیمەێگ وه زوان بارین، وه بونەێ ڕێ رەوشت ئیوه ژنیلێان بان وەرەو لاێ کەڵام خودا،

یەکم پتروس 3:1 ပူးပေါင်းရင်းမြစ်များ

ئنجیل مەتا 18:15

«ئەگەر براگەد وەپێد گونا کرد، بچو وه تەنیا وه بین خوەد و خوەی خەتاگەی بویشه پێ. ئەگەر گوش دا لێد، براگەد وه دەس هاوردیده؛

رومیەگان 10:16

وەلێ ئەوانه گشتێان گوش له ئینجیل نەتەکاننه، چوینکه ئەشعەیاێ ئویشێ: «چ کەسێگ ئێ خوداوەند ئی چشته که له ئیمه شنەفتێه، باوەڕ کردێه؟»

رومیەگان 6:17

وەلێ سپاس ئەڕا خودا که هەر چەن یەێ وەختێگ خوڵامیل گونا بین، وەلێ وه قوڕن دڵ مل ناینەسه ژێر ئەو تالیمه که وەپێ سپاریاین.

رومیەگان 7:2

چوینکه وه پێ شەریعەت، ژن شویدار تا وەختێ شویەگەێ زنی بود، بەسریاسه ملێا، وەلێ ئەگەر شویەگەێ بمرێ، ئەوسا ژنەگه له ئەو شەریعەته که ئەوه وه مل شویەگەێ بەسریاوید، ڕزگارەو بود.

یەکم قورنتییل 11:3

وەلێ توام بزانین که سەر هەر پیاێگ مەسیحه، سەر ژن شویەگەێه و سەر مەسیح خوداس.

یەکم قورنتییل 14:34

ژنيلیش باێه وەناو کلیسا بیدەنگ بمینن. چوینکه ئەوانه نەبایه قسیه بکەن، بەڵکەم هەر ئەوجورە که شەریعەت ئویشێ، باێه وه ژێر فەرمان بون.

یەکم قورنتییل 7:16

چوینکه ئێ ژن، له کوره زانید که بایس نیەوێد که شویەگەد نجات پەێا بکێ؟ جا ئێ پیا، له کوره زانید که بایس نجات ژنەگەد ‎نیەویدن؟

ئەفسوسیێل 5:33

کوڵ و کوڵبڕ، هەر کامدان باێه ژنەگەێ جور خوەێ دوس بیاشتود و ژنیش باێه هوشی بود که حرمەت شویەگەێ بگرێ.

نامه وه کولوسییل 3:18

ئێ ژنيل، له شوییل خوەدان گوش بتەکنن، ئەوجورە که وەناو خوداوەند شایسەس.

نامه وه کولوسییل 4:5

وەگەرد مەردم دەیشت کلیسا ڕێ رەوشتدان وه زانیاری بود و خاسترین سود له وەخت بوەن.

دویم تسالونیکییل 1:8

ئەیو خودا نەناسیل و نافەرمانیل وه ئینجیل خوداوەند ئیمه عیسا، سزا دێ.

عبرانییل 11:8

وه ئیمان بی که ئێبراهیم پەێخەمەر وەختێ دەنگ کریا، تا بچوده ئەڕا شونێگ که وەشونێ وه میراتی گردیاد، گوش تەکان؛ هەرچەن نیەزانست چوده ئەڕا چ شونێگ وەلێ کەفته ڕێ.

عبرانییل 5:9

وەختێ کامڵەو بی، ئەڕا گشت ئەوانەیش که له ئەیو گوش تەکنن، بیه سەرچاوەی نجات ئەبەدی.

یەکم پتروس 1:22

ئیسه که وه گوش تەکانن له ڕاسی، گیانیل خوەدان پاکەو کردينه تا مابەتێگ براێانه و بێ خڵت خەوش بیاشتوین، ها ملدانەو که یەکترەکی وه دڵ و گیان وه یە دڵ پاک دوس بیاشتوین.

یەکم پتروس 3:2

وەختێ که ڕێ رەوشت وه حرمەت و پاک ئیوه بوینن.

یەکم پتروس 3:7

هەر وه ئیجور، ئیوەیش ئێ شوییل، وەناو زنەیی وەگەرد هاوسەریلدان دەرکێان بکێن و حرمەتیان بگرن جورێگ که چماێ ئەوانه دەفریل نازکیگن، ئەڕا ئیه که وەناو فیز ژیان وەگەرددانەو هاومیراتین، تا نوای دوعایلدان نەگرید.

یەکم پتروس 4:17

چوینکه وەخت ئەوه ڕەسیه که داوەری له ئاڵ ماڵ خودا شرو بود؛ ئەگەر شروی له ئیمەس، جا ئاخر ئەوانه که گوش له ئینجیل خودا نیەتەکنن، بوده چه؟