یەکم پتروس 2:25 - کتاب مقدس به زبان کردی جنوبی - گویش کلهوری

²⁵ چوینکه هەر جور پەسیل ڕێ گوم کریاێگ بین، وەلێ ئیسه وەرەو شوان و هێوەتکەر گیانیلدان هەڵوگەردیاینه.

یەکم پتروس 2:25 ပူးပေါင်းရင်းမြစ်များ

ئنجیل مەتا 18:12

ئیوه چه فکر کین؟ ئەگەر پیاێگ سەد گله پەس بیاشتود و یەکی له ئەوانه گوم بود، مەر ئەو نەوەد و نو گله وه مل کویەگه وێڵ نیەکێد و نیەکەفێه شون ئەو یەێ گله پەس گوم بیه؟

ئنجیل مەتا 9:36

وەختێ عیسا ئەو هەمگه جەماێەته دی دڵی ئەڕاێان سزیا، چوینکه جور پەسیل بێ شوان پەشێو بین و سەره لێان شێوێاوی.

کاریل ڕەسولەیل 20:28

هوشدانه خوەدان و گشت ڕیەنێگ بود که روح‌القودوس ئیوه کردێەسه هێوەتکەر وه سەریان. شوانی کلیساێ خودا بکەن که وه خوین خوەێ سەندیەسێ.

عبرانییل 13:20

ئیسه، خوداێ ئاشتی و سڵامەتی که شوان گەوراێ پەسیل یانێ خوداوەند ئیمه عیسا وه خوین ئەو پەێمان ئەبەدیه له مردگیل زنیەو کرد،

عبرانییل 3:1

جا ئێ برایل موقەدەس که وەناو دەنگ کردنەگەێ ئاسمانی هاوبەشین، فکردان بنەنه مل عیسا که ئەیوه ڕەسول و کاهن گەوراێگ که ئیمانه پێ دێریم و ئێقرارێ کیم.

عبرانییل 5:2

ئەوه تویەنێ وه نەرمی وەگەرد ئەوانه که نەزان و گومڕان ڕێ رەوشت بکێ، چوینکه خویشێ تویش بی هازیه.

یەکم پتروس 3:20

هەر ئەو روحیلێگ که وه ڕوژگاریل جاران ملەجەرێ کردوین، ئەو وەخته که خودا وه ڕوژگار نوح که کەشتی درس بویاد، وه سەور چەوەڕێ بی. وەناو کەشتیەگه تەنیا قێرێ کەمێگ، یانێ هەیشت نەفەر، له ڕێ ئاو گیان ساڵم وه دەر بردن.

یەکم پتروس 5:4

وەختێگ گەورەێ شوانیل ئاشکرا بود، تاج جەڵاڵێگ که له بین نیەچود، گرین.