یەکم پتروس 2:12 - کتاب مقدس به زبان کردی جنوبی - گویش کلهوری

¹² کردەوەدان وەناو بی ئیمانیل وه حرمەتەو بود تا وه ئیجوره وەختێگ که وه زد ئیوه قسیه کەن و ئویشن کردەوەدان خراوه، کاریل خاسدان بوینن و وەناو ڕوژی که خودا دوینن، جەڵاڵی بێەن.

یەکم پتروس 2:12 ပူးပေါင်းရင်းမြစ်များ

ئنجیل مەتا 10:25

ئەڕا شاگرد ئیه بەسه جور ماموستاگەێ خوەێ بود و خوڵامیش جور ئەرواوەگەێ. ئەگەر وه ساێو ماڵ وەتنه بعەلزبول که هەر ئەو شەیتانەسه، چەنێ فرەتر بنەماڵەگەێ بەێ ناو کەن؟

ئنجیل مەتا 5:11

«خوەش وه حاڵ ئیوه ئەو وەخته که مەردم وەبونەێ مه خراو دەنه پێدان و ئازاردان دەن و وه درو گشت جور قسیه‎ گە‎نیگ له باوەتدان ئویشن‎.

ئنجیل مەتا 5:16

هەرئیجوره بیلن نویردان ئەڕا مەردم بدرەوشێد تا کردەوەیل خاسدان بوینن و باوگدان که ها ناو ئاسمان، جەڵاڵ بێەن.

ئنجیل مەتا 9:8

وەختێ جەماێەت ئی هەڵکەفته دین، زاورێان چی و خوداێگ جەڵاڵ دان که ئیجور دەسڵاتی وه ئنسان بەخشاس.

لوقا 1:68

«پڕ بمارکه خوداوەند، خوداێ ئێسرائیل، چوینکه هاتیەسه مەیەت قەوم خوەێ و ڕزگاریان کردێه.

لوقا 19:44

جا خوەد و مناڵەگاند وەناودا وه خاک و خوین کیشن. کوچگ وه مل کوچگ وه جا نێیلن؛ چوینکه وه وەخت هاتن خودا ئەڕا مەیەتد بێ خەوەر مەنید.»

لوقا 6:22

«خوەش وه حاڵ ئیوه ئەو وەخته که مەردم وەبونەێ کوڕ ئنسان، قینێانه لێدان تێد و وەناو جەم خوێان کەنەدانه دەیشت و خراو دەنه پێدان و بەدناودان کەن.

یوحەنا 13:31

وەختێ یەهودا چیه دەیشت، عیسا وەت: «ئیسه کوڕ ئنسان جەڵاڵ پەێا کرد و خودایش وەناو ئەیو جەڵاڵ پەێا کرد.

کاریل ڕەسولەیل 15:14

شەمعون پتروس وەت که چوی ئەڕا یەکم جار ناجویلەکەیل پەسەن خودا هاتن و وەناوێان قەومێگ ئەڕا خوەێ هەڵوژاردێه.

کاریل ڕەسولەیل 24:13

ئیانه نیەتویەنن بختیلێگ کەنه پێما، سابت بکەن.

کاریل ڕەسولەیل 25:7

وەختێ پولوس هاته ناو، جویلەکەیلی که له ئورشەلیم هاتوین، دەورێ گردن و بختیل قورس فرەێگ کردنه پێەو، وەلێ نەتویەنستن سابتێان بکەن.

کاریل ڕەسولەیل 28:22

وەلێ خوەشمان تێ له خوەد بشنەفیمن، چوینکه زانیمن که مەردم له هەر شونێگەو باس خراوی ئی فرقه کەن.»

رومیەگان 12:17

وه هویچکەس وه جیاێ خراوی، خراوی مەکەن. بەڵکەم هوشدان بود که ئەو چشته که له وەر چەو گشتیەکی حرمەت دێرێ، وه جێ بارین.

رومیەگان 13:13

بان ڕێ رەوشتمان ئەوجورە درس بود که شایسەێ کەسیلێگه که هانه ناو ڕوشنایی ڕوژ. جا وەختمان وەناو عەێاشی و سەرخوەشی و خیزی و هەرزەیی و مرافه و حەسویی، وه سەر نەوەێم،

رومیەگان 14:18

هەر کەس ویجوره خزمەت مەسیح بکێ، خودا قەبوڵێ کێ و مەردمیش مورێ کەن.

رومیەگان 15:9

تا ناجویلەکەیل، خودا وەبونەێ بەزەیێەگەێ ستایش بکەن. هەر ئەوجورە که وەناو نویسریایل موقەدەس نویسریاس: «وه ئی بونه، وەناو ناجویلەکەیل ستایشد کەم و ئەڕا ناود بەیت خوەنم.»

یەکم قورنتییل 14:25

رازیل دڵی ئاشکراوه بود. ئمجا ڕوی نێده بان زەوی، پەرەسش خودا کێ و جار دەێ که: «وه ڕاسی خودا ها ناو ئیوه.»

دویم قورنتییل 1:12

شانازی ئیمه شاێەتی وژدانمانه که کردەوەمان وەناو جهان، وەتاێبەتی لەباوەت ئیوه، وەگەرد سادەی و ڕویڕاسی خودایی بی. ئیمه نه وه ڕوی زانیاری ئنسانی، بەڵکەم وه پێ فیز خودا کار کردیمنه.

دویم قورنتییل 13:7

دوعای ئیمه وه پێشگاێ خودا ئیەسه که هەڵه نەکێن؛ نه تا مالوم بود که ئیمه له ئەزمون سەربەرز هاتیمنەسه دەیشت، بەڵکەم تا ئیوه ئەو چشته که درسه، وه جێ بارین، تەنانەت ئەگەر ئیجوره نیشان بێی که ئیمه شکەس خواردیمنه.

دویم قورنتییل 8:21

چوینکه ئیمه تەقالا کیم نه تەنیا له وەر چەو خوداوەند، بەڵکەم له وەر چەو مەردمیش ئەو چشته که خاسه وه جێ باریم.

ئەفسوسیێل 2:3

یەێ وەختێگ ئیمەیش گشتمان وەناو ئەوانه، وەناو هەواوهەوەسیل جەسەمان زنەیی کردیایمن و خاستەیل جەسه و فکر وه جێ هاوردیایمن؛ ئیمەیش هەر جور ئەو باقی ئایەمیل، بەنا وه سریشت خوەمان شایسەێ خەزەو خودا بویمن.

ئەفسوسیێل 4:22

ئیوه یاێ گردین که باێه ئەو ئایەم کویەنەدانه له وەردان دەر بارین که هن شێوەێ زنەیی جاراندانه و له ڕێ مەیلیل فریوکارانه گەنیاس.

نامەێ فیلیپییل 1:27

تەنیا لەلێدان توام که ڕێ رەوشت زنەییدان شایسەێ ئینجیل مەسیح بود تا ئیجوره، چ بام بوينمەدان و چ له ئەوره نەوم، له باوەت ئیوه بشنەفم که وەناو یەێ روح قورس وساینه و وه یەێ فکر، شان وه شان یەک ئەڕا ئیمان ئینجیل تەقالا بکێن و

نامەێ فیلیپییل 4:8

ئاخرسەر، ئێ برایل، هەر چشتێ که ڕاسه، هەر چشتێ که حرمەت دێرێ، هەر چشتێ که درسه، هەر چشتێ که پاکه، هەر چشتێ که بود دوسی بیاشتوین و هەر چشتێ که تاریفیه. ئەگەر چشتێ هەس که فره خاسه و ئەگەر چشتێ هەس که تیەرزێ ستایشێ بکێ، وه ئی چشتیله فکر بکێن.

یەکم تسالونیکییل 4:12

تا وه نوای مەردم دەیشت کلیسا ڕێ رەوشتدان وه درسی بود و هەوەجیدان وه کەسێگیش نەکەفێ.

یەکم نامەێ تیموتاوس 2:2

ئەڕا حاکمیل و گشت دەسڵاتداریل، تا بتویەنیمن زنەیی ئارام و ئاسودەێگ بیاشتویمن و له هەر باوەتەو وه خوداپەرەسی و سەنگین ڕەنگینی بێمنێ سەر.

یەکم نامەێ تیموتاوس 4:12

مەیل با هویچکەسێگ توی وه سەوەو جاێەلێد وه سوک حساود بکێد، بەڵکەم وەناو وتار و کردەوه و مابەت و ئیمان و پاکێ، ئەڕا گشت ئیمانداریل بوه نمونه.

یەکم نامەێ تیموتاوس 5:10

هەر ئیجوره باێه وه خاسێ ناوێان دەرچوی، یانێ مناڵیل خوێان خاس تەربیەت کردوین، غەریونەواز بون، پایل ئیمانداریل وه مەسیح شوردوین و وه مەیەت کەسیلێ که تویش بەردیل هاتنه دەوین و خوێان ناوینه ئەڕا وه جا هاوردن هەر جور کار خاسێگ.

عبرانییل 13:18

ئەڕا ئیمه دوعا بکەن، چوینکه دڵنیایم که وژدانمان پاکه و توایم وەناو گشت چشت وه درسی ڕێ رەوشت بکێم.

عبرانییل 13:5

زنەییدان دویر له پویلدوسی بود و وه ئەو چشته که دێرین قانێ بوین، چوینکه خودا فەرمایش کردێه: «هەراێهەر نه وێڵد کەم، و نه هیلمەدە جێ.»

یاقوب 3:13

وەناو ئیوه کامدان زانیاره و فام دێرێ؟ بیلێن تا ئەوه وەگەرد ڕێ رەوشت خاس خوەێ، نیشان بێید، وەگەرد کاریل هامیته وه بێ فیسی که له زانیاری سەرچاوه گری.

یەکم پتروس 2:15

چوینکه خاست خودا ئیەسه که وەگەرد خاسێ کردن، نەفامی مەردم گیلگەوج، بێدەنگەو بکێن.

یەکم پتروس 3:16

وژداندان پاک بپارێزنن تا کەسیلێگ که له ڕێ رەوشت خاس ئیوه وەناو مەسیح، خراو ئویشن له خراو وەتن خوێان شەرمزارەو بون.

یەکم پتروس 4:11

هەر کەسێگ قسیه کەێد، با قسیەێ جور قسیەيل خودا بود؛ هەر کەسێگ خزمەت کەێد، وەگەرد هێزێگ که خودا وه پێ بەخشێد خزمەت بکێد، تا له گشت چشتێگ، خودا له ڕێ عیسا مەسیح جەڵاڵ پەێا بکێ. جەڵاڵ و حوکمرانی تا ئەبەد و تا ئەبەد وه ئەیو بود. ئامین.

دویم پتروس 3:11

جا ئیسه که گشت ئیانه وەئی جوره تویچیەن، ئیوه چوی مەردمیلێگ باێه بوین؟ ها ملدانەو که زنەیی موقەدەس و خودا پەسەنێگ بیاشتوین.