یەکم پتروس 2:10 - کتاب مقدس به زبان کردی جنوبی - گویش کلهوری

¹⁰ وەرجه ئیه قەومێگ نوین، وەلێ ئێرنگه قەوم خوداین؛ زەمانێگ له بەزەیی ماروم بوین، وەلێ ئێرنگه بەزەیی هاتیەسه پێدانەو.

یەکم پتروس 2:10 ပူးပေါင်းရင်းမြစ်များ

رومیەگان 10:19

وەلێ پرسم: ئێ ئێسرائیل نەفامێ؟ یەکم جار، موسا لەناو کتاو تەورات، له زوان خودا ئویشێ: «وه وەسلەێ ئەوانه که ملەتێگ وه حساو نیەتیەن، ئیوه تیەرمه سەر غیرەت؛ جا وه وەسلەێ ملەت نەزانێگ توڕەدان هەڵگڕنم.»

رومیەگان 11:30

چوینکه هەر ئەوجورە که ئیوه دەورانێگ له خودا ملچەفتەو کردیاین، وەلێ ئێرنگه وەبونەێ ملچەفتەو کردن جویلەکەیل، بەزەیی هاتیەسه پێدان،

یەکم قورنتییل 7:25

وەلێ له باوەت دویەتیلێگ که وەخت شوی کردنێانه، حوکمێگ له خوداوەند نێرم؛ وەلێ وه جیگەێ کەسێگ که له ڕێ بەزەیی خوداوەند شایسەێ دڵنیاییه، باوەڕ خوەم ئویشم.

یەکم نامەێ تیموتاوس 1:13

هەر چەن له جاران، کفرچی و ستەمکەریل و زورگو بیم، وەلێ بەزەیی وە مه کریا، چوینکه له ڕوی نەزانی و بی ئیمانی بی که ئیجوره کردیام.

عبرانییل 4:16

جا باین وه دڵنیاییەو وه تەخت فیز نزیکەو بویمن تا بەزەیی باێده پێمان و فیزێگ وه دەس باریم که له وەخت هەوەجی، مەێەتمان بێید.