یەکم پتروس 1:7 - کتاب مقدس به زبان کردی جنوبی - گویش کلهوری

⁷ تا بی خڵت خەوش بوین ئیماندان له ناو ئەزمون مور بود و له وەخت ئاشکرابوین عیسا مەسیح بایس ستایش و جەڵاڵ و حرمەت بود، هەر ئەو ئیمانه که فره گران قیمەت‎تر له تەڵاێگه که هەرچەن له بین چود وەلێ وه وەسلەێ ئاگر ئەزمون بود.

یەکم پتروس 1:7 ပူးပေါင်းရင်းမြစ်များ

ئنجیل مەتا 19:28

عیسا وەپێان وەت: «وه ڕاسی، وەپێدان ئویشم، وه دنیاێ تازه، وەختێ که کوڕ ئنسان وه سەر تەخت جەڵاڵ خوەێ دانیشێ، ئیوەیش که وەشونمەو هاتینه، دانیشینه سەر دوانزه تەخت و وه دوانزه هوز ئێسرائیل داوەری کین.

ئنجیل مەتا 25:21

ئەرواوەگەێ وەپێ وەت: ”ئافەرم، ئێ خوڵام خاس و وەفادار! تو وەناو چشتیل کەم وەفادار بیده، جا نەمەده بان سەر چشتیل گەورا. بەوه ناو شادی ئەرواوەگەد بەشدار به.“

ئنجیل مەتا 25:23

ئەرواوەگەێ وەپێ وەت: ”ئافەرم، ئێ خوڵام خاس و وەفادار، تو وەناو چشتیل کەم وەفادار بیده، جا نەمەده بان سەر چشتیل گەورا. بەوه ناو شادی ئەرواوەگەد بەشدار به.“

لوقا 12:33

هەر چی دێرین بفروشن و بێەنه دەستەنگیل؛ ئەڕا خوەدان کیسەیلێگ گورجەو بکەن که نیەپویترکێید و گەنجێ که بنێ نیەتێید وەناو ئاسمان گردەو بکەن، شونێگ که نه دز تێد وه نه بید دەێەڵێ.

لوقا 17:30

ڕوژ هاتنەوەێ کوڕ ئنسانیش هەر ئیجوره بود.

یوحەنا 12:26

ئەگەر کەسێگ خزمەتم کەی، باێه بکەفێه شونم؛ مه له هەر کوره بوم، خزمەتکارەگەمیش ها ئەوره. ئەگەر کەسێگ خزمەتم بکێ، باوگ ئاسمانی سەربەرزێەو کەێ.

یوحەنا 5:44

چوی تویەنين ئیمان بارین وەختێ جەڵاڵ له یەکترەکی گرین و مینێ جەڵاڵێگ نیەکین که له لاێ خوداێگ که یەکیگه، تێی؟

کاریل ڕەسولەیل 8:20

وەلێ پتروس وەپێ وەت: «با خوەد وەگەرد پویل نقرەگەد نابود بود! چوینکه فکر کردی تویەنێ خەڵاتی خودا وه پویل بسێنێ!

رومیەگان 2:10

وەلێ هەر کەسێگ که خاسێ بکێ، جەڵاڵ و حرمەت و ئاشتی و سڵامەتی بوده نسیوێ، یەکم جار جویلەکە و لەشونی یونانی.

رومیەگان 2:29

بەڵکەم جویلەکە ئەوەسه که له ناخەو جویلەکە بود و خەتەنەیش کارێگه دڵی که له ڕێ روح خودا ئەنجام گرێ، نه له ڕێ شەریعەت نویسریای. ئیجور کەسێگ تاریف خوەێ له خودا گرێ، نه له ئایەم.

رومیەگان 2:7

ئەیو زنەیی ئەبەدی بەخشێده کەسیلێ که وەگەرد سەور، کاریل خاس وەجێ تیەرن و هانه شون جەڵاڵ و حرمەت و نەمری؛

رومیەگان 8:19

چوینکه گشت درسکریایل خودا وه تاسەێ تەمام چەوەڕێن تا کوڕیل خودا ئاشکراوه بون.

یەکم قورنتییل 3:13

کار هەر کەس ئاشکرا بود، ئەڕا ئیەک ’ڕوژ داوەری‘ گشت چشتێگ ئاشکراوه بود. چوینکه ئاگر دەرئەنجام کارەگه ئاشکرا کێ، نیشان دەێ کار هەر کەس چوینه.

یەکم قورنتییل 4:5

جا له باوەت هویچ چشتێگ وەرجه هاتن خوداوەند داوەری مەکەن. خوداوەندێگ که چشتیلی که ئێرنگه وەناو تیەریکی شاریاسەو، وەناو ڕوشنایی ئاشکرا کێ و نیەتیل دڵ ئاشکرا کێ. ئەوسا هەرکەس له لاێ خوداوه هان دریەد و تاریف کریەید.

یاقوب 1:12

خوەش وه حاڵ ئەوه که وەناو ئەزمونیل بەردەوامه، چوینکه وەختێ له ئەزمون سەربەرز باێه دەیشت، ئەو تاج ژیانه گرید که خودا وه ئەوانه که دوسی دێرن، وادەێ داس.

یەکم پتروس 1:13

جا فکر خوەدان ئەڕا کار گورجەو بکەن، هوشیار بوین و ئمید خوەدان یەسەره بنەنه مل فیزێگ که له وەخت ئاشکرابوین عیسا مەسیح وه پێدان بەخشریەد.

یەکم پتروس 1:5

ئەڕا ئیوه که وه هێز خودا و له ڕێ ئیمان، پارێزیاینه ئەڕا نجاتیگ که گورجەو کریاس تا له زەمان ئاخر ئاشکراوه بود؛

یەکم پتروس 2:4

وه نزیکەو بوین وه ئەیو، یانێ وه ئەو کوچگ زنیه که ئایەمیل دانەێ لا وەلێ له چەو خودا هەڵوژاریای و گران قیمەتە،

یەکم پتروس 2:7

جا ئی کوچگه ئەڕا ئیوه که ئیمان هاوردینه، حرمەته؛ وەلێ ئەڕا ئەوانه که ئیمان ناوردنه، «کوچگیگ که بەناگان ڕەدێ کردن بیەسه گرنگترین کوچگ بنەوا،»

یەکم پتروس 4:12

ئێ عەزیزەیل، له ئی ئاگرێگه که ئەڕا ئەزمون ئیوه له ناودان ها پاوه، ئەڵاجویدان ناید، جوری که چماێ چشت غەریوێگ وه سەردان هاتێه.

یەکم پتروس 4:13

بەڵکەم خوەشاڵ بوین له ئیەک وەناو رەنجیل مەسیح بەشدار بوین، تا له وەخت ئاشکرابوین جەڵاڵ ئەیو هەم دڵشاد بوین و هەم خوەشی بکێن.

یەکم پتروس 5:1

من که خوەم یەکی له شێخیلم و شاێەت رەنجیل مەسیح و هاوبەش جەڵاڵێگ که وه ئی زویه ئاشکرا بود، شێخیلێگ که هانه ناودان ئاموژیاری کەم که:‏

دویم پتروس 1:1

له شەمعون پتروس، خوڵام و ڕەسول عیسا مەسیح، وه ئەوانه که وه وەسلەێ درسی خودامان و نجات دەرمان عیسا مەسیح، ئیمانێگ چەنه ئیمان ئیمه وه دەس هاوردنه:

دویم پتروس 1:4

ئەیو وه وەسلەێ ئیانه وادەیل گران قیمەت و فره گەوراێ خوەێ وەپێمان بەخشیه، تا له ڕێ ئەوانه هاوبەش سریشت خودایی بوین و له گە‎نیانیگ که له مەیل گونا ها ناو دنیا ، دەر بچین.

دویم پتروس 3:14

جا ئێ عەزیزەیل، ئیسه که چەوەڕێ ئی کاریلینه، خاس تەقالا بکەن تا له لاێ ئەیو بی لەکه یا بی نەخس وه ناو ئاشتی و سڵامەتی بوین.

یەهودا 1:24

وه ئەیو که تویەناس ئیوه له کەفتن بپارێزنێ و وه لاێ پڕ جەڵاڵ خوەێ بی نەخس و نیقەڵتوز له خوەشی فره گەوراێگ گورجەو بکێد،

وەحی وه یوحەنا 1:7

بنوڕن ئەیو وەگەرد هەوریلەو تێید، و هەر چەوێگ دوینێدێ، تەنانەت چەو ئەوانه که سنان دانەلێ؛ و گشت هوزیل زەوی وه بونەێ ئازیەتباری کەن. بەڵێ ئیجوره بود. ئامین.

وەحی وه یوحەنا 2:10

له رەنجێگ که ڕوی کیه پێد، ڕخد نەچود. بنوڕ، ئبلیس تواێ بڕێگ لەلێدان بخێده زندان تا ئەزموندان بکێد و ده ڕوژ بەرد کیشێد. وەلێ تا وه مەرگ وەفادار بمێن که مه تاج زنەیی بەخشمه پێد.

وەحی وه یوحەنا 3:10

وه بونەێ ئیه که قسیه مه له باوەت سەور و بەردەوام بین پارێزانیده، منیش توی له سات ئەزمونێگ که وه سەر تەمام جهان تێد تا نیشتەجێیل زەوی ئەزمون بکێد، پارێزنم.

وەحی وه یوحەنا 3:18

ئاموژیارید کەم که تەڵای ناب له ئاگر گوزەریاێ له مه بسێنێ تا دەوڵەمەنەو بید و دڵنگیل چەرمگ له مه بسێنێ تا بکێده وەرێد و شەرمزاری ڕویتیەگەد دیار نود؛ مەلهەمێگ له مه بسێنێ، تا بماڵیده بان چەویل خوەد و بیناوه بید.