یەکم پتروس 1:5 - کتاب مقدس به زبان کردی جنوبی - گویش کلهوری

⁵ ئەڕا ئیوه که وه هێز خودا و له ڕێ ئیمان، پارێزیاینه ئەڕا نجاتیگ که گورجەو کریاس تا له زەمان ئاخر ئاشکراوه بود؛

یەکم پتروس 1:5 ပူးပေါင်းရင်းမြစ်များ

یوحەنا 12:48

ئەوه که ڕەدم بکێ و قسیەیلم قەبوڵ نەکێ، داوەرێگ تر ئەڕاێ هەس؛ هەر ئەو قسیەیلی که وەتم، له ڕوژ ئاخر داوەڕێ کەی.

یوحەنا 17:15

داوا نیەکەم له جهان بویدێان بەڵکەم توام له ئەو شەڕئاشوه بپارێزنێدێان.

یوحەنا 4:14

وەلێ هەر کەس له ئاوێ که من دەمه پێ بخوێ، هەراێهەر تیەنی نیود. ئاوێگ که دەمه پێ وەناو گیانێ بوده کیەنی ئاوێگ که تا زنەیی ئەبەدی قوڵ دەێ و سەرڕێژ بود.»

یوحەنا 5:24

وه ڕاسی، وه ڕاسی، وەپێدان ئویشم، هەر کەس کەڵام مه بشنەفێ و وه ئەوه که کلم کرد، ئیمان بارێ زنەیی ئەبەدی دێرێ. ئەوه ماکوم نیود، بەڵکەم له مەرگ گوزیشتێه و رەسیەسه ژیان.

رومیەگان 11:20

ڕاس ئویشێ. ئەوانه وه بونەێ بی ئیمانیێان بڕیانه، وەلێ توی له ڕێ ئیمان بەردەوامی. جا لویتبەرز نەو بەڵکەم ڕخد بچود.

رومیەگان 8:18

چوینکه من فکر کەم، رەنجیل هەر ئی زەمانه وەگەرد جەڵاڵی که تواێ ئەڕامان ئاشکراوه بود، نیود بەراوردێ کرد.

یەکم قورنتییل 1:21

چوینکه له ئەوره که بەنا وه زانیاری خودا، جهان نەتویەنست وه پێ زانیاری خودا بناسێ، خودا ئەوجورە سەلاح زانست که وەگەرد بانگەوازی گیلگەوجانه، کەسیلێ که ئیمان تیەرن، نجات بێی.

دویم قورنتییل 1:24

نه ئیەک وه سەر ئیماندان زاڵ بویم، بەڵکەم وەگەرددانەو، ئەڕا خوەشیدان تەقالا کەیمن، ئەڕا ئیەک وەناو ئیمان بەردەوامین.

نامه وە غەلاتییل 2:20

وەگەرد مەسیحەو وه سەلیب کیشریامه. دیتر مه نیم که زنەیی کەم، بەڵکەم مەسیحه که وەناو منەو زنەیی کەی؛ ئێرنگه زنەیی که له جەسەوه کەم، وەگەرد ئیمان وه کوڕ خوداس که مابەتم کرد و گیان خوەێ ئەڕا مه دا.

ئەفسوسیێل 2:8

چوینکه وه وەسلەێ فیز و له ڕێ ئیمان نجات پەێا کردینه، ئیه کار خوەدان نیه؛ ئیه خەڵاتی خوداس،

ئەفسوسیێل 3:17

تا مەسیح له ڕێ ئیمان وەناو دڵدان نیشتەجێ بود که ئیوه وەناو مابەت ریشه بدەونێن و بەردەوام بوین،

نامەێ فیلیپییل 1:6

وه ئیه دڵنیام ئەیو که کار خاسێگ وەناودان خسته ڕێ، ئەوه تا وه ڕوژ هاتنەوەێ عیسا مەسیح وه کەماڵ رەسنێد.

نامەێ فیلیپییل 4:7

ئاشتی و سڵامەتی خودا که فره بانتر له گشت فامەیله، دڵیل و فکریلدان وەناو مەسیح عیسا پارێزنێد.

دویم تیموتاوس 3:15

چوی له مناڵی کتاویل موقەدەس زانستیدە که تویەنێد زانیاری یاێ بێیده پێد ئەڕا نجاتیگ که له ڕێ ئیمان وه مەسیح عیساس.

تیتوس 2:13

چەوەڕێ ئەو ئمید بمارکمانه بویمن یانێ ئاشکرا بوین جەڵاڵ خوداێ گەورامان و نجات دەر ئیمه عیسا مەسیح.

عبرانییل 6:12

تا لەمتی نوین، بەڵکەم له کەسیلێگ نمونه بگرن که له ڕێ ئیمان و سەور بونه میراتیخوەر وادەگان.

عبرانییل 9:28

مەسیحیش لەشون ئەوه که یەێ جار قوروانی بی تا گونایل قێر فرەێگ بگرێده سەر شانێ، دویم جار ئاشکراوه بود، نه ئەڕا پەرچەو کردن گونا، بەڵکەم تا ئەوانه که وه تاسەوه چەوەڕێ ئەوەن، نجات بێید.

یەکم پتروس 1:13

جا فکر خوەدان ئەڕا کار گورجەو بکەن، هوشیار بوین و ئمید خوەدان یەسەره بنەنه مل فیزێگ که له وەخت ئاشکرابوین عیسا مەسیح وه پێدان بەخشریەد.

یەکم پتروس 4:13

بەڵکەم خوەشاڵ بوین له ئیەک وەناو رەنجیل مەسیح بەشدار بوین، تا له وەخت ئاشکرابوین جەڵاڵ ئەیو هەم دڵشاد بوین و هەم خوەشی بکێن.

یەکم پتروس 5:1

من که خوەم یەکی له شێخیلم و شاێەت رەنجیل مەسیح و هاوبەش جەڵاڵێگ که وه ئی زویه ئاشکرا بود، شێخیلێگ که هانه ناودان ئاموژیاری کەم که:‏

دویم پتروس 1:3

هێز خودایی ئەیو هەر چی که ئەڕا زنەیی و خوداپەرەسی هەوەجیه، ناسه وەر دەسمان. ئیه له ڕێ ناسین ئەیوه که ئیمه وه جەڵاڵ و خاسێ خوەێ دەنگمان کرد.

یەکم یوحەنا 3:2

ئێ عەزیزەیل، ئێرنگه ڕوڵەیل خودایم، هێمراێ ئاشکرا نویه بویمنه چه. وەلێ زانیمن وەختێ ئەیو ئاشکرا بود بویمنه وێنەێ ئەیو، چوینکه ئەیو هەر ئەوجورە که هەس، دوینیمنێ.

یەهودا 1:1

له یەهودا، خوڵام عیسا مەسیح و براێ یاقوب، وه دەنگ کریایلێگ که وەناو خوداێ باوگ عەزیزن و ئەڕا عیسا مەسیح پارێزیانه:

یەهودا 1:24

وه ئەیو که تویەناس ئیوه له کەفتن بپارێزنێ و وه لاێ پڕ جەڵاڵ خوەێ بی نەخس و نیقەڵتوز له خوەشی فره گەوراێگ گورجەو بکێد،