یەکم پتروس 1:4 - کتاب مقدس به زبان کردی جنوبی - گویش کلهوری

⁴ ئەڕا میراتیێگ که له بین نیەچود و بی لەکەس و نیەسیسێید که ئەڕا ئیوه وەناو ئاسمان نریاسه لا؛

یەکم پتروس 1:4 ပူးပေါင်းရင်းမြစ်များ

ئنجیل مەتا 25:34

ئمجا پادشا وه ئەوانه که هانه لاێ ڕاسی ئویشێ: ”بان، ئێ ئەوانه که له باوگم بەەرکەت گردینه، ئەو پادشاییه که له دامەزرانن جهانەو ئەڕادان گورجەو بوی وه میرات بوەنێ.

مەرقوس 10:17

وەختێ عیسا کەفته ڕێ، پیاێگ وه دەودەوان هات، وه نوای زرانی دا زەوی و پرسی: «ماموستا خاسەگه، چه بکەم تا بومه میراتی خوەر زنەیی ئەبەدی؟»

کاریل ڕەسولەیل 20:32

«ئێرنگه ئیوه سپارمه خودا و کەڵام فیز ئەیو، که تویەناس ئیوه وەناو ئیماندان بنێده سەر پاوه و بەەرکەتیلێ که میراتی ئیمانداریل وه مەسیحه، بوەخشێده پێدان.

کاریل ڕەسولەیل 26:18

تا چەویلیان واز بکێ که له تیەریکی ئەڕا نویر و له هێز شەیتان ئەڕا لاێ خودا هەڵوگەردیەن، تا گونایلێان بوەخشرێید و وەناو ئەوانه که وەگەرد ئیمان وه من موقەدەسەو بینه، بەشێگ بیاشتون.“

رومیەگان 8:17

ئەگەر ڕوڵەیلیم، جا میراتی خوەریش هیمن، یانێ میراتی خوەریل خودا و هاومیراتی مەسیح. وه ئی مەرجه که ئیمه وەگەرد ئەیو عەزاو بکیشیم تا ئیمەیش وەگەردیەو جەڵاڵ پەێا بکێم.

یەکم قورنتییل 9:25

هەر کەس موسابقه دەێ، وەناو گشت چشتێگ سەختی دەێه خوەێ. ئەوانه ئیجوره کەن تا تاج گوڵیگ که له بین چود، وه دەس بارن؛ وەلێ ئیمه ئیجوره کيمن تا تاجێگ که له بین نیەچود وه دەس باریم.

نامه وە غەلاتییل 3:18

چوینکه ئەگەر میراتەگه له سەر بنیاد شەریعەت بود، دی له سەر بنیاد واده نیه؛ وەلێ خودا ئەوه له ڕێ واده بەخشادێ ئێبراهیم.

ئەفسوسیێل 1:11

ئیمه وەناو مەسیح میراتیێگ وه دەس هاوردیمنه، چوینکه وه پێ ئامانجەگەێ که گشت چشتێگ وه پێ نەخشەێ خاست خوەێ وه جێ تیەرێ، له جارانەو دیاری کریاویمن،

ئەفسوسیێل 1:14

روح‌القودوس بەیانەی میراتی ئیمەس تا وەختێگ وه تەمامی بکێمنه هن خوەمان، تا جەڵاڵ خودا ستایش بود.

ئەفسوسیێل 1:18

تا چەویل دڵدان ڕوشنەو بود، تا بزانین ئمیدێگ که خودا، ئیوه ئەڕاێ دەنگ کردێه، چەس و بزانین دەوڵەمەنی میرات پڕ جەڵاڵ ئەیو وەناو ئیمانداریل وه مەسیح چەس،

نامه وه کولوسییل 1:12

باوگ ئاسمانی شوکر بکێن که ئیوه شایسەێ بەشدار بوین وەناو میراتیێگ کردێه، که ئیمانداریل وه مەسیح وەناو نویر دێرن.

نامه وه کولوسییل 1:5

ئیانه له ئمیدێگ سەرچاوه گری که وەناو ئاسمان ئەڕا ئیوه نریاس. وەرجه ئیه له باوەت ئی ئمیده وەناو کەڵام ڕاسی یانێ ئینجیل شنەفتینه،

نامه وه کولوسییل 3:24

چوینکه زانين که له خوداوەند ئەڕا دەسخوەشانەدان، میراتی گرین. ئیوه خوداوەند مەسیح خزمەت کین.

دویم تیموتاوس 4:8

ئێرنگه تاج سالح بوین ئەڕام ‎گورجه، تاجێگ که خوداوەند، ئەو داوەر دادپەروەره، له ئەو ڕوژه بەخشیده پێم، نه تەنیا وه مه، بەڵکەم وه گشت ئەوانه که تاسەێ ئاشکرابوینی، داشتنه.

عبرانییل 10:34

وەگەرد ئەوانه که وەناو زندان بوین، هاودەردی کردیاين و وەختێ ماڵ ئەموالدان تاڵان کردیان وه خوەشیەو قەبوڵ کردیاین، چوینکه زانستیاین که خوەدان دارایی خاسترێگ دێرین که مینێد.

عبرانییل 9:15

وه ئی بونه، مەسیح ناوجێکەر پەێمانێگ تازەس، تا ئەوانه که دەنگ کریانه بتویەنن میراتی ئەبەدی که وادەێ دریاس، بگرنەوەر. چوینکه مردنێگ ڕوی داس که ئەوانه له خەتایلێگ که وەناو پەێمان یەکم هەڵکەفت، ڕزگاری بەخشێد.

یاقوب 1:11

وه بونەێ ئیه که خوەر وەگەرد تین بسزنێگ هەڵ‎تێد و گژگیا وشکەو کێ، گوڵەگەێ ڕشێیده خوار و ڕەنگینیەگەێ له بین چود. هەرئیجوره دەوڵەمەنیش له ناوڕاس کاریلێ، له بین چود.

یەکم پتروس 3:9

خراوی وەگەرد خراوی یا دژمین وەگەرد دژمین جواو مێەن، بەڵکەم وه پێچەوانه، داواێ بەەرکەت بکەن، چوینکه هەر ئەڕا ئیه دەنگ کریاینه تا بەەرکەت بوده نسیودان.

یەکم پتروس 5:4

وەختێگ گەورەێ شوانیل ئاشکرا بود، تاج جەڵاڵێگ که له بین نیەچود، گرین.

وەحی وه یوحەنا 21:27

وەلێ هویچ چشت ناپاک و هویچکەسێگ که کاریل قیزهاوەر یا گولدەر وەجێ بارێ، هەراێهەر نیەچوده ناوێ، بەڵکەم تەنیا کەسیلێگ که ناوێان له دەفتەر ژیان وەرکەگه نویسریاس، چنه ناوێ.