یەکم پتروس 1:3 - کتاب مقدس به زبان کردی جنوبی - گویش کلهوری

³ پڕ بمارکه خودا، باوگ خوداوەند ئیمه عیسا مەسیح که بەنا وه بەزەیی فره گەوراێ خوەێ، سەوەو بیه تا وه وەسلەێ زنیەو بوین عیسا مەسیح له مردگیل، ئیمه له نو بایمنه دنیا، ئەڕا ئمیدێگ زنی،

یەکم پتروس 1:3 ပူးပေါင်းရင်းမြစ်များ

یوحەنا 1:13

ئەوانه که نه له خوین و گوشت، نه وه خاست جەسه، نه وه خاست یەێ پیا، بەڵکەم له خودا هاتنەسه دنیا.

رومیەگان 12:12

وەناو ئمید دڵشاد بون، وەناو بەرد سەور بیاشتون و وەناو دوعا بەردەوام بون.

رومیەگان 15:13

با خوداێ ئمید، وه گشت خوەشی و ئاشتی و سڵامەتی وەناو ئیمان، پڕدان بکێ تا که وه هێز روح‌القودوس، نیقەڵتوز له ئمید بوین.

رومیەگان 4:25

هەر ئەو عیسا که وەبونەێ خەتایل ئیمه دریاده دەس مەرگ و ئەڕا سالحان وه حساو هاتنمان زنیەو بی.

رومیەگان 5:10

چوینکه ئەگەر وەختێ که ئیمه دشمەن بویمن، وه وەسلەێ مەرگ کوڕەگەێ وەگەرد خوداوه ئاشتی دریایمن، چەنێ فرەتر ئێرنگه که وەگەرد خوداوه ئاشتی دریایمنه، وەگەرد زنەیی کوڕەگەێ نجات پەێا کیم.

رومیەگان 8:11

ئەگەر روح ئەیو که عیسا له مردگیل زنیەو کرد وەناودان نیشتەجێ بود، ئەیو که مەسیح عیسا له مردگیل زنیەو کرد، له ڕێ روح خوەێ که وەناودان نیشتەجێه وه جەسەیلدانیش که مرێ، زنەیی بەخشێد.

رومیەگان 8:24

چوینکه وه ئی ئمیده نجات پەێا کردیم. ئێرنگه ئمیدی که بوینرێید، دی ئمید نیه. چوینکه کیه که وه ئەو چشته که دوینی ئمید بیاشتوی؟

یەکم قورنتییل 13:13

جا ئێرنگه، ئی سێ چشته مینێدەو: ئیمان، ئمید و مابەت. وەلێ گەوراترەگەێان مابەته.

یەکم قورنتییل 15:20

وەلێ مەسیح وه ڕاسی له مردگیل زنیەو بیه و نەوبەر کەسیلێگه که له ناو مردگیل زنیەو کریاس.

دویم قورنتییل 1:3

پڕ بمارکه خودا، باوگ خوداوەندمان عیسا مەسیح، که باوگ بەزەیێل و خوداێ گشت دڵنەواییله؛

نامه وە غەلاتییل 6:16

وه گشت ئەوانه که کەفنه شون ئی یاسا و ئەڕا قەوم ئێسرائیل خودایش، ئاشتی و سڵامەتی و بەزەیی بود.

ئەفسوسیێل 1:17

که خوداێ خوداوەندمان عیسا مەسیح، ئەیو باوگ پڕ جەڵاڵه، روح زانیاری و وەحی ئەڕا ماریفەت خوەێ بوەخشێده پێدان،

ئەفسوسیێل 1:3

پڕ بمارکه خودا، باوگ خوداوەند ئیمه عیسا مەسیح، که ئیمه وەناو مەسیح وه هەر بەەرکەت روحانی له شونیل ئاسمانی بەەرکەتدارەو کردێه.

ئەفسوسیێل 1:7

وەناو مەسیح، ئیمه وه وەسلەێ خوین ئەیو ڕزگاری پەێا کردیمنه، که ئیه هەر ئەو بەخشیان خەتایلمانەسه، که وه پێ دەوڵەمەنی فیز خوەێ،

ئەفسوسیێل 2:4

وەلێ خوداێگ که وەناو بەزەیی کردن دەوڵەمەنه، وەبونەێ مابەت فره گەوراێ خوەێ که وه ئیمه داشت،

ئەفسوسیێل 3:20

ئێرنگه جەڵاڵ ئەڕا خوداێگ بود که تویەنێ وه پێ ئەو هێزه که وەناو ئیمه کار کەی، فره فرەتر له هەر چی بتوایم یا باریمنه وەر چەومان، کار بکێ.

نامه وه کولوسییل 1:23

هەڵبەت ئەگەر وەڕاسی وەناو ئیمان قورس بوین و بەردەوام بمینێن و له ئمید ئینجیل جم نەخوەین، هەر ئەو ئینجیلێگ که شنەفتین و وه گشت درسکریایل ژێر ئاسمان جار دریاس و مه، پولوس، بیمەسه خزمەتکاری.

نامه وه کولوسییل 1:27

خودا ئیجوره تواس که وه ئەوانه ئاشکرا بکێد که ئی رازه چ جەڵاڵ گەوراێگ وەناو ناجویلەکەیل دێرێد، ئەو رازه که مەسیح ها ناو ئیوه، که ئمید جەڵاڵه.

یەکم تسالونیکییل 1:3

و له لاێ خودا، باوگ ئاسمانیمان، کار ئیوه که له ئیمانه و مەینەت ئیوه که له مابەته و بەردەوامیدان که له ئمید وه خوداوەندمان عیسا مەسیحه، تیەرێمنه هویر.

یەکم تسالونیکییل 4:13

وەلێ ئێ برایل، نیەتوایم له حاڵ ئیمانداریلێگ که مردنه بی خەوەر بوین، نەخواێ جور ئەوباقی مەردم که ئمیدێگ نێرن، بنیشینه ئازیەتی.

دویم تسالونیکییل 2:16

با خود خوداوەند ئیمه عیسا مەسیح و باوگ ئیمه خودا که ئیمه مابەت کرد و له ڕێ فیز دڵگەرمی ئەبەدی و ئمیدێگ خاس بەخشیه پێمان،

یەکم نامەێ تیموتاوس 1:14

فیز خوداوەند ئیمه له ڕێ ئیمان و مابەتێگ که وەناو مەسیح عیسا پەێا بود، فره فره ڕشیاده ملمانا.

تیتوس 2:13

چەوەڕێ ئەو ئمید بمارکمانه بویمن یانێ ئاشکرا بوین جەڵاڵ خوداێ گەورامان و نجات دەر ئیمه عیسا مەسیح.

عبرانییل 3:6

وەلێ مەسیح، له جیگەێ یەێ کوڕ، ساێو ئختیار وه سەر ماڵ خودا، ئەمینە. ماڵەگەێ ئەیو ئیمەیم، ئەگەر وه ڕاسی قورس بلچکیێمنه دڵنیایمان و شانازیمان که وه ئمیدمان دێریم.

یاقوب 1:18

ئەیو وه پێ خاستەی خوەێ ئیمه وەگەرد کەڵام ڕاسی هاورده دی تا وەناو درس کریاێلی وێنەێ نەوبەر بویمن.

یەکم پتروس 1:13

جا فکر خوەدان ئەڕا کار گورجەو بکەن، هوشیار بوین و ئمید خوەدان یەسەره بنەنه مل فیزێگ که له وەخت ئاشکرابوین عیسا مەسیح وه پێدان بەخشریەد.

یەکم پتروس 1:21

ئیوه وه وەسلەێ ئەیو وه خودا ئیمان هاوردینه، وه خوداێگ که مەسیح له مردگیل زنیەو کرد و جەڵاڵ بەخشی تا ئیمان و ئمیددان وه مل خوداوه بود.

یەکم پتروس 1:23

چوینکه تازه هاتینەسه دنیا، نه له توخم‎تەرەکەێ له بین چی بەڵکەم توخم‎تەرەکەێ که له بین نیەچود، یانێ له ڕێ کەڵام خودا که زنیه و هەر هەسەێ.

یەکم پتروس 2:2

هەر جور مناڵه کوڕپەیل، تاسەێ شیر ناب روحانی بوین تا وه مەیەت ئەوه ئەڕا نجات، گەوراوه بوین،

یەکم پتروس 3:15

بەڵکەم له دڵ خوەدانەو‎و خوداوەند مەسیح که قودوسه حرمەت بگرن و هەمویشه گورجەو بوین تا هەر کەسێگ مدوێ ئمیدێگ که ها له ناو ئیوه بپرسێد، جواوی بێین، وەلێ ئی کاره وه نەرمی و وه حرمەت بکەن.

یەکم پتروس 3:21

جا ئەو ئاوه نمونەێ خوسڵ تەعمیدێگه که ئێرنگه ئیوه نجات دەێ، تەعمیدێگ که پاکەو کردن چەپەڵی له جەسه نیه، بەڵکەم داواکاریگ له خوداس ئەڕا وژدانێگ پاک. ئی تەعمیده که له ڕێ زنیەو بوین عیسا مەسیح ئیوه نجات دەێ،

یەکم پتروس 3:5

چوینکه ژنيل موقەدەس دورەێیل جاران که وه خودا ئمید داشتن، خوێان وەئیجوره ڕەژیانەو. ئەوانه له شوییل خوێان گوش تەکانیان،

یەکم یوحەنا 2:29

ئەگەر زانین که ئەیو سالحانه، جا دڵنیاین که هەر کەسێگ ئەو چشته که درسه وه جا تیەرێ، له لێ هاتیەسه دنیا.

یەکم یوحەنا 3:3

هەر کەس وه ئەیو ئیجور ئمیدێگ دێرێ، خوەێ پاکەو کەی، هەر ئەوجورە که ئەیو پاکه.

یەکم یوحەنا 3:9

هەر کەسێگ له خوداوه هاتیەسه دنیا، وەناو گونا زنەیی نیەکێ، چوینکه توخمتەرەکەێ خودا وەناوێ نیشتەجێه. جا ئەوه نیەتویەنی وەناو گونا بەردەوام بمینێ چوینکه له خوداوه هاتیەسه دنیا.

یەکم یوحەنا 4:7

ئێ عەزیزەیل، بان تا یەکترەکی مابەت بکێم، چوینکه مابەت له خوداس و هەر کەسێگ که مابەت کەی، له خودا هاتیەسه دنیا و خودا ناسی.

یەکم یوحەنا 5:1

هەر کەسێگ ئیمان وه ئیه دێرێ که عیسا هەر ئەیو مەسیح وادەدریاێەسه، ئەوه له خودا هاتیەسه دنیا. هەر کەسێگ باوگ دوس دێرێ، کەسێگیش که له لێ هاتیەسه دنیا دوس دێرێ.

یەکم یوحەنا 5:18

ئیمه زانیمن که هەر کەسێگ له خودا هاتیەسه دنیا وه گونا کردن بەردەوام نیەمینێ، بەڵکەم ’ئەو کوڕ خودا که له خودا هاتیەسه دنیا‘ پارێزنێدێ و دەس ئەو شەڕئاشوه نیەرەسێده پێ.

یەکم یوحەنا 5:4

چوینکه هەر کەسێگ له خودا هاتیەسه دنیا وه ئی جهانه زاڵ بود. ئیمانمان ئەو سەرکەفتنەسه که وه جهان زاڵ بویه.