یەکم پتروس 1:10 - کتاب مقدس به زبان کردی جنوبی - گویش کلهوری

¹⁰ له باوەت هەر ئی نجاته، پەێخەمەریل وردەو بویان و وه شونێەو گەردیان، پەێخەمەریلێگ که له فیز دیاری کریاێ ئەڕادان قسیه کردیان.

یەکم پتروس 1:10 ပူးပေါင်းရင်းမြစ်များ

ئنجیل مەتا 13:17

وه ڕاسی، وەپێدان ئویشم فرەێگ له پەێخەمەریل و ئایەمیل سالح ئاوەختی داشتن ئەوه که ئیوه دوینین، بوینن و نین، ئەوەیشه که ئیوه شنەفین، بشنەفن و نەشنەفتن.

ئنجیل مەتا 26:24

کوڕ ئنسان هەر ئەوجورە که وەناو کتاو موقەدەس لەباوەتێەو نویسریاس، چود، وەلێ وای وه حاڵ ئەو کەسه که کوڕ ئنسان دەێده دەس دشمەنەو. ئەڕاێ خاستر ئیه بی هەراێهەر ناتیاده دنیا.»

لوقا 10:24

چوینکه وەپێدان ئویشم فرەێگ وه پەێخەمەریل و پادشایل ئاوەختی داشتن ئەوه که ئیوه دوینین، بوینن و نین، ئەویش که ئیوه شنەفین، بشنەفن و نەشنەفتن.»

لوقا 24:44

ئمجا وەپێان وەت: «ئیه هەر ئەوەسه که وەختێ وەگەرددانەو بیم، وەتیام؛ که گشت ئەو چشتیله وەناو تەورات موسا و کتاو پەێخەمەریل و زەبور داود له باوەت مه نویسریاس، باێه وه ئەنجام برەسێ.»

یوحەنا 5:39

ئیوه کتاویل موقەدەس دینه یەکەو، چوینکه خیاڵ کین له ڕێ ئەوانه وه زنەیی ئەبەدی دەس پەێا کین، هەر ئیانەنه که وه مه شاێەتی دەن،

یوحەنا 7:52

ئەوانه جواو دان: «مەر تنیش جەلیلید؟ بنێ بگر و بزان که له جەلیلەو هویچ پەێخەمەرێگ ئاشکرا نویه.»

کاریل ڕەسولەیل 10:43

پەێخەمەریل گشتێان شاێەتی ئەڕاێ دەن که هەر کەس ئیمان وەپێ بارێ، وه ناو ئەیو گونایلێ بەخشریەد.»

کاریل ڕەسولەیل 17:11

جویلەکەیل نیشتەجێ ئەوره له جویلەکەیل تسالونیکی نەجیم تر بین. ئەوانه کەڵام خودا وه تاسەوه قەبوڵ کردن و هەر ڕوژ وردەو بویانه کتاو موقەدەس تا وه ڕاسدرسی قسیەیل پولوس دڵنیا بون.

کاریل ڕەسولەیل 28:23

جا ڕوژێگ دیاری کردن و قێر فرەێگ هاتنه ماڵەگەێ تا بویننێ. ئەویش له شەوەکیەو تا ئێواره، ئەڕاێان له باوەت پادشاێ خودا شێو کردیاد و وەگەردێان قسیه کرد و تەقالا کردیا له تەورات موسای پەێخەمەر و کتاو پەێخەمەریل، له باوەت عیسا قانێیان بکێ.

کاریل ڕەسولەیل 7:52

کام پەێخەمەره که وه دەس باپیریلدان عەزاو نێیه؟ ئەوانه تەنانەت پەێخەمەریلی که هاتن ئەو سالحانه پێشگویی کردوین، کوشتن؛ ئێرنگەیش ئیوه خود ئەیو داینێ دەسەو کوشتینێ،

عبرانییل 11:13

ئیانه گشتێان وەناو ئیمان مردن، بی ئەوه که چشتیل واده دریاێ پەێا بکەن، بەڵکەم تەنیا ئەوانه له دویرەو دوین و سڵامیان کردوین. ئەوانه وه زوان هاوردن که له بان زەوی، غەریو و بێگانەن.

عبرانییل 11:40

چوینکه خودا چشت خاسترێگ ئەڕا ئیمه گورجەو کردوی تا ئەوانه جیا له ئیمه کامڵ نەون.

یەکم پتروس 1:11

ئەوانه تەقالا کردیان بزانن وەختێگ که روح مەسیح وەناو ئیانه، رەنجیل مەسیح و جەڵاڵ وەشون ئەو پێشگویی کردیاد، چ کەسێگ یا کام وەخت وەتیا.

یەکم پتروس 1:13

جا فکر خوەدان ئەڕا کار گورجەو بکەن، هوشیار بوین و ئمید خوەدان یەسەره بنەنه مل فیزێگ که له وەخت ئاشکرابوین عیسا مەسیح وه پێدان بەخشریەد.