یەکم یوحەنا 5:6 - کتاب مقدس به زبان کردی جنوبی - گویش کلهوری

⁶ ئیه هەر ئەوەسه که وه ئاو و خوین هات، یانێ عیسا مەسیح. نه تەنیا وه ئاو، بەڵکەم وه ئاو و خوین. روح خوداس که شاێەتی دەێ، چوینکه روح خودا ڕاسیه.

یەکم یوحەنا 5:6 ပူးပေါင်းရင်းမြစ်များ

ئنجیل مەتا 26:28

ئیەسه خوین مه ئەڕا پەێمان تازه که وەبونەێ قێر فرەێگ ئەڕا بەخشین گونایل، ڕشێید.

ئنجیل مەتا 3:16

وەختێ عیسا خوسڵ تەعمید گرد، زوی‎زی له ئاو هاته دەیشت. هەر ئەو وەخته ئاسمانیل وه ملێەو واز بین و روح خودا دی که جور کەموتەرێگ ئارەسه بی و وه ملێەو نیشت.

مەرقوس 14:24

وەپێان وەت: «ئیەسه خوین مه ئەڕا پەێمان تازه که وەبونەێ فره له کەسیل ڕشێی.

لوقا 22:20

هەر ئیجوره وەشون نان ئێواره جامەگه هەڵگرد و وەت: «ئی جامه، پەێمان تازەێگه وەناو خوین منه، که وەبونەێ ئیوه ڕشێی.

یوحەنا 14:17

یانێ روح ڕاسی که دنیا نیەتویەنی قەبوڵێ بکێ، چوینکه نه دوینیدێ و نه ناسێدێ؛ وەلێ ئیوه ناسینێ، چوینکه له لاێ ئیوه نیشتەجێه و وەناو ئیوه مینێ.

یوحەنا 14:6

عیسا وەپێ وەت: «من ڕێ و ڕاسی و ژیانم؛ هویچکەس بێجگه له ڕێ منەو نیەتێدە لاێ باوگ ئاسمانی.

یوحەنا 15:26

«وەلێ وەختێ ئەو پشتیوانێگ که له لاێ باوگ ئەڕادان کلی کەم، باێد، یانێ روح ڕاسی که له لاێ باوگەو تێد، ئەیو خوەێ له باوەت من شاێەتی دەێ،

یوحەنا 16:13

وەختێ که روح ڕاسی تێد، وه تەمام ڕاسی ڕێنمایدان کێ؛ چوینکه وه خوێەو هویچ نیویشی، بەڵکەم هەر چی بشنەفێ ئویشێ وه ئەو چشتیله که باێه ڕوی بێید وه پێدان جار دەید.

یوحەنا 3:5

عیسا جواوێ دا: «وه ڕاسی، وه ڕاسی، وەپێد ئویشم تا کەسێگ له ئاو و روح خودا ناێده دنیا، نیەتویەنی بچوه ناو پادشایی خودا.

یوحەنا 4:10

عیسایش جواو دا: «ئەگەر بەخشین خودا بزانستیاێ و هەر ئیجوره بزانستیاێ کیه که وه پێد ئویشێ ”تکێ ئاو بیه پێم،“ ئەوسا توی له لێ داوا کردیای ئەیویش ئاو زنەییدەر دیاده پێد.»

یوحەنا 4:14

وەلێ هەر کەس له ئاوێ که من دەمه پێ بخوێ، هەراێهەر تیەنی نیود. ئاوێگ که دەمه پێ وەناو گیانێ بوده کیەنی ئاوێگ که تا زنەیی ئەبەدی قوڵ دەێ و سەرڕێژ بود.»

یوحەنا 6:55

چوینکه جەسەێ مه خواردەمەنی ڕاسەکانیه و خوینمیش نوشیاین ڕاسەکانیه.

کاریل ڕەسولەیل 8:36

وەختێ وەناو ڕێ بین، ڕەسینه سەر ئاوێگ. خەزانەدارەگه وەت: «بنوڕ، ها ئیەیشه ئاو، چ چشتێ نوای تەعمید مه گری؟»

رومیەگان 3:25

هەر ئەو مەسیح عیسا که خودا وەرجەوە دیاری کردوی تا بوده کەفارەت، کەفارەتێگ که وه وەسلەێ خوین ئەیو و له ڕێ ئیمان وه دەس تێی. ئیه ئەڕا نیشان داین دادپەروەری خودا کریا، چوینکه خودا وه سەور خودایی خوەێ، له گونایلێ که وەرجەوە ئەنجام گردوی، چەوێ بەساوی.

ئەفسوسیێل 1:7

وەناو مەسیح، ئیمه وه وەسلەێ خوین ئەیو ڕزگاری پەێا کردیمنه، که ئیه هەر ئەو بەخشیان خەتایلمانەسه، که وه پێ دەوڵەمەنی فیز خوەێ،

نامه وه کولوسییل 1:4

چوینکه تاریف ئیماندان وه مەسیح عیسا و مابەتێگ که وه گشت ئیمانداریل وه مەسیح دێرین، شنەفتیم.

یەکم نامەێ تیموتاوس 3:16

بێ گومان که راز خوداپەرەسی فره فره گەوراس: عیسا له جەسه دیار دا، له ڕێ روح خودا ڕاس بوینی مور کریاد، فریشتەیل دینەێ، وه ملەتیل بانگەوازی کریا، مەردم جهان وه ئەیو ئیمان هاوردن، وەگەرد جەڵاڵەو، بەرزەو کریا.

تیتوس 3:5

ئەیو نجاتمان دا. وەلێ ئی نجاته وه سەوەو کاریل سالحانێگ که ئیمه وەجێ هاوردویمن، نوی بەڵکەم له ڕوی بەزەیی ئەیو و شوردن دڵ ئیمه بی که له ڕێ ئەوه، روح‌القودوس وه دنیا هاتن تازه و زنەیی تازه بەخشیه پێمان.

عبرانییل 10:29

جا وه گومان ئیوه کەسێگ که کوڕ خودا پاوڵا کردێه و خوین پەێمانێگیش که وه ئەوه تەقدیس بویه، ناپاک ژماردیه و وه روح پڕ له فیز خودا، بی حرمەتی کردێه، چەنێ فرەتر شایسەێ موجازاتێگ سەختتر بود؟

عبرانییل 12:24

هاتینەسه ئەڕا لاێ عیسا که ناوجێکەر پەێمانێگ تازەس و هاتینەسه ئەڕا لاێ خوین پاشیاێگ که له خوین هابیل خاستر قسیه کەید.

عبرانییل 13:20

ئیسه، خوداێ ئاشتی و سڵامەتی که شوان گەوراێ پەسیل یانێ خوداوەند ئیمه عیسا وه خوین ئەو پەێمان ئەبەدیه له مردگیل زنیەو کرد،

عبرانییل 9:14

چەنێ فرەتر، خوین مەسیح که له ڕێ ئەو روح ئەبەدیه خوەێ بی نەخس وه خودا پیشکەش کرد، وژدان ئیمه له کاریل وەدەرد نەخوەر پاکەو کەید تا که خزمەت خوداێ زنی بکێم!

عبرانییل 9:7

وەلێ تەنیا کاهن گەورا چیاده ناو بەش دویم، ئەویشه تەنیا ساڵی یەێ جار و هەمویشەیش خوین قوروانی وەگەرد خوەێ داشت تا ئەڕا خوەێ و ئەڕا گونایلێ که قەوم نەزانسته کردوین، پیشکەش بکێ.

یەکم پتروس 1:2

وه ئەوانه که بەنا وه زانین وەرین خوداێ باوگ، وه وەسلەێ کار تەقدیسکەر روح خودا و ئەڕا گوش تەکانن له عیسا مەسیح و پاشیان خوینی وه ملێان، هەڵوژاریانه: فیز و ئاشتی و سڵامەتی فرەفره وه ملدانەو بود.

یەکم پتروس 3:21

جا ئەو ئاوه نمونەێ خوسڵ تەعمیدێگه که ئێرنگه ئیوه نجات دەێ، تەعمیدێگ که پاکەو کردن چەپەڵی له جەسه نیه، بەڵکەم داواکاریگ له خوداس ئەڕا وژدانێگ پاک. ئی تەعمیده که له ڕێ زنیەو بوین عیسا مەسیح ئیوه نجات دەێ،

یەکم یوحەنا 1:7

وەلێ ئەگەر وەناو نویر زنەیی کەیمن، هەر ئەوجورە که ئەیو هاناو نویر، وەگەرد یەکەو دوسی دێریم و خوین عیساێ کوڕێ، ئیمه له هەر گوناێگ پاکەو کەی.

یەکم یوحەنا 4:10

مابەت هەر ئیەسه، نه ئەوه که ئیمه خودا مابەت کردیمنه، بەڵکەم ئەیو ئیمه مابەت کرد و کوڕەگەێ خوەێ کل کرد تا بوده کەفارەت گونایلمان.

وەحی وه یوحەنا 1:5

له لاێ عیسا مەسیح، ئەو شاێەت ئەمینە و یەکم زگ له ناو مردگیل و فەرمانرەواێ پادشایل زەوی، وه ملدانەو بود. وه ئەیو که ئیمەیش دوس دێرێ و وەگەرد خوین خوەێ ئیمه له گونایلمان ڕزگار کردێه و

وەحی وه یوحەنا 5:9

جا ئیجور بەیت تازەێگ خوەنن که وەتیاد: «توی شایسەێ گردن تومارید و شایسەێ واز کردن موریلێ، ئەڕا ئیه که سەر بڕیاێد و وەگەرد خوین خوەد ڕزگاری مەردم له هەر هوز و زوان و قەوم و ملەتێگ، ئەڕا خودا سەندی؛

وەحی وه یوحەنا 7:14

جواو دام: «ئیه تو زانیدن، گەورەم.» جا ئەو وەته پێم: «ئیانه کەسیلێگن که له ئەو بەرد فره گەورا ڕەد بینه و بەتیەگانێان وەناو خوین وەرکەگه شوردنه و چەرمگەو کردنه.