یەکم یوحەنا 4:4 - کتاب مقدس به زبان کردی جنوبی - گویش کلهوری

⁴ ئێ ڕوڵەیل ورد، ئیوه له خوداین و وه سەر ئەو نەبوەتکەریل دروەکانیه زاڵەو بوینه، چوینکه ئەوه که ها ناو ئیوه له ئەوه که ها ناو ئی جهانه گەوراتره.

یەکم یوحەنا 4:4 ပူးပေါင်းရင်းမြစ်များ

یوحەنا 12:31

ئێرنگه وەخت داوەری ئی جهانەسه؛ ئێرنگه سەروک ئی جهانه دەر کریەد.

یوحەنا 14:30

وەخت فرەێگ نەمنیه که وەگەرددانەو قسیه بکەم، چوینکه سەروک ئی جهانه دێرێ تێی. ئەوه هویچ قوڕاتیگ نیەتویەنێ ئەڕام بێید؛

یوحەنا 16:11

له باوەت داوەری، چوینکه سەروک ئی جهانه ماکوم کریاس.

یوحەنا 17:23

من هامه ناو ئەوانه و تو هایده ناو من. تا که وه تەمامی بونه یەکی تا جهان بزانێ تو مه کل کردی و ئەوانیش هەر ئەوجورە دوس داشتی که مه دوس داشتی.

رومیەگان 8:31

جا وه نوای ئی چشتیله چه تویەنیم بویشیم؟ ئەگەر خودا ها گەردمانا، کیه که بتویەنێ وەنوامان بوسد؟

رومیەگان 8:37

نه، ئیمه وەناو گشت ئی چشتیله له ڕێ ئەیو که مابەتمان کرد، له ئەوانه که سەرکەفتێن، سەرتریم.

یەکم قورنتییل 2:12

ئێرنگه ئیمه روح جهان نەگردیمنەسەوەر، بەڵکەم روحێگ که له لاێ خوداس، گردیمنەسەوەر تا ئەو چشتیلی که خودا وه دەسدڵوازی داسه پێمان، بزانیم.

یەکم قورنتییل 6:13

ئویشین: «خواردەمەنی ئەڕاێ زگه و زگ ئەڕا خواردەمەنی» جا خودا، هەم ئیه و هەم ئەوه له بین بید. وەلێ جەسه ئەڕا خیزی نیه، بەڵکەم ئەڕا خوداوەنده و خوداوەندیش ئەڕا جەسه،

دویم قورنتییل 4:4

خوداێ ئی جهانه، زەین بی ئیمانیل کور کردێه تا نویر ئینجیل جەڵاڵ مەسیح که وێنەێ خوداێ نادیاریه، نوینن.

دویم قورنتییل 6:16

یا چ وه یەکەو کەفتنێگ ها له بین مابەد خودا و بتیل؟ چوینکه ئیمه مابەد خوداێ زنەیمن. هەر ئەوجورە که خودا وەناو تەورات و کتاویل پەێخەمەریل فەرمایش کێ: «وەناوێان نیشتەجێ بوم و وەناوێان ڕێ کەم و مه بومه خوداێ ئەوانه و ئەوانه بونه قەوم من.»

ئەفسوسیێل 2:2

یەێ وەختێگ وەناو ئەوانه زنەیی کردیاین، ئەوسا که کەفتوینه شون ڕێ رەوشت ئی جهان و سەروک هێز هەوا، یانێ ئبلیس، هەر ئەو روحه که ئێرنگه وەناو کوڕیل ملچەفتەوکەر کار کەی.

ئەفسوسیێل 3:17

تا مەسیح له ڕێ ئیمان وەناو دڵدان نیشتەجێ بود که ئیوه وەناو مابەت ریشه بدەونێن و بەردەوام بوین،

ئەفسوسیێل 6:10

دەس ئاخر، وەناو خوداوەند و وەناو قەوەتی که له هێز ئەیو تێد، وه هێزەو بوین.

یەکم یوحەنا 2:1

ئێ ڕوڵەیل وردم، ئی چشتیله ئەڕادان نویسم تا گونا نەکێن. وەلێ ئەگەر کەسێگ گونا کرد، وه لاێ باوگ ئاسمانی وەکیلێگ دێریم، یانێ عیساێ مەسیح سالحان.

یەکم یوحەنا 2:13

ئێ باوگیل، ئەڕا ئیوه نویسم، چوینکه ئەیو که له سەرەتا هەس، ناسین. ئێ جوانیل، ئەڕا ئیوه نویسم، چوینکه وه ئەو شەڕئاشوه زاڵەو بینه. ئێ ڕوڵەیل، ئەڕا ئیوه نویسم، چوینکه باوگ ئاسمانی ناسین.

یەکم یوحەنا 3:20

چوینکه وەختێ دڵمان ماکوممان بکێ، خودا له دڵمان گەوراتره و له گشت چشتێگ ئاگاداره.

یەکم یوحەنا 3:24

هەر کەسێگ حوکمیل ئەیو وه جێ بارێ، وەناو خودا نیشتەجێه، هەر ئیجوریشه خودا وەناوێ. له ڕێ روح خوەێ که بەخشیەسه پێمان، زانیمن که ئەیو وەناومان نیشتەجێه.

یەکم یوحەنا 4:13

له ئیه زانیمن که وەناو ئەیو نیشتەجێیم و ئەیویش وەناو ئیمه، چوینکه له روح خوەێ وه ئیمه بەخشاس.

یەکم یوحەنا 4:16

جا ئیمه مابەتێ که خودا وەپێمان دێرێ ناسیمنه و ئیمانه پێ هاوردیمنه. خودا مابەته، ئەوه که وەناو مابەت نیشتەجێ بود، وەناو خودا نیشتەجێه و خودایش وەناو ئەوه نیشتەجێه.

یەکم یوحەنا 4:6

ئیمه له خودایمن و هەر که خودا بناسێ، وه ئیمه گوش گری. هەر که له خودا نیه، وه ئیمه گوش نیەگرێ. له ئی ڕێه روح ڕاسی له روح گومڕایی ناسیم.

یەکم یوحەنا 5:19

ئیمه زانیمن که له خودایمن و گشت جهان پاڵەو داسه ژێر هێز ئەو شەڕئاشوه.

یەکم یوحەنا 5:4

چوینکه هەر کەسێگ له خودا هاتیەسه دنیا وه ئی جهانه زاڵ بود. ئیمانمان ئەو سەرکەفتنەسه که وه جهان زاڵ بویه.

وەحی وه یوحەنا 12:11

ئەوانه وەگەرد خوین وەرکەگه و وەگەرد کەڵام شاێەتی خوێان له ئەوه بردنەسەو. چوینکه گیان خوێان عەزیز نەزانستنه، تەنانەت تا وه قێ مردن.