یەکم یوحەنا 4:17 - کتاب مقدس به زبان کردی جنوبی - گویش کلهوری

¹⁷ وه ئیجوره مابەت وەناومان وه کەماڵ ڕەسیه تا وەناو ڕوژ داوەری دڵنیا بویمن، چوینکه ئیمەیش وەناو ئی جهانه هەر ئەوجورەیمە که ئەیو هەس.

یەکم یوحەنا 4:17 ပူးပေါင်းရင်းမြစ်များ

ئنجیل مەتا 10:15

وه ڕاسی، وەپێدان ئویشم، له ڕوژ داوەری، تاموڵ موجازات ئەڕا شاریل سودوم و غوموره ئاسانترە تا ئەڕا ئەو شاره.

ئنجیل مەتا 10:25

ئەڕا شاگرد ئیه بەسه جور ماموستاگەێ خوەێ بود و خوڵامیش جور ئەرواوەگەێ. ئەگەر وه ساێو ماڵ وەتنه بعەلزبول که هەر ئەو شەیتانەسه، چەنێ فرەتر بنەماڵەگەێ بەێ ناو کەن؟

ئنجیل مەتا 11:22

وەلێ ئویشمه پێدان که وه ڕوژ داوەری، تاموڵ موجازات ئەڕا شاریل سور و سیدون ئاسانترە تا ئەڕا ئیوه.

ئنجیل مەتا 11:24

وەلێ وەپێدان ئویشم وه ڕوژ داوەری، تاموڵ موجازات ئەڕا سودوم ئاسانترە تا ئەڕا توی.»

ئنجیل مەتا 12:36

وەپێدان ئویشم: هەر کەڵام پویچێگ که مەردم وه زوان بارن، وه ڕوژ داوەری حساوێ دەنەو.

یوحەنا 15:20

کەڵامی که وەپێدان وەتم بارینه هویردان: ”خزمەتکار له ئەرواو خوەێ گەوراتر نیه.“ ئەگەر مه عەزاو دانه، ئیوەیش عەزاو دەن؛ ئەگەر کەڵام مه پارێزانن، کەڵام ئیوەیش پارێزنن.

یوحەنا 17:22

جەڵاڵێگ که دایدەسه پێم، دامەسه پێان تا بونه یەکی، هەر ئەوجورە که ئیمه یەکیگیم؛

رومیەگان 8:29

چوینکه خودا ئەوانه که وەرجەوە ناسی، هەر ئیجوره ئەوانه وەرجەوە دیاری کرد تا وێنەێ کوڕەگەێ خوەێ دەر بان، تا کوڕەگەێ بوده یەکم زگ وەناو برایل فرەێگ.

عبرانییل 9:27

هەر ئەوجورە که ئەڕا ئایەم یەێ جار مردن و لەشونی داوەری دیاری کریاس،

یاقوب 2:13

وەبونەێ ئیه که ئەوه که بەزەیی وه کەسێگ ناتیه، وه بەزەیی داوەری نیود. بەزەیی وه مل داوەری زاڵەو بود!

یاقوب 2:22

دوينی که ئیمان و کردەوەێ وه یەکەو کار کردیان و ئیمانێ وەگەرد کردەوەێ کامڵەو بی.

دویم پتروس 2:9

جا خوداوەند زانید چوی ئایەمیل خوداناس له ئەزمونیل ڕزگار بکێ و ئایەمیلێگ که سالحان نین تا ڕوژ داوەری له ژێر سزا بنێده لا،

دویم پتروس 3:7

وەلێ هەر وه ئەو کەڵامه، ئاسمانیل و زەوی که ئێرنگه هەس ئەڕا ئاگر هەڵگریاس و تا ڕوژ داوەری و له بین چین خودانەناسیل، پارێزێید.

یەکم یوحەنا 2:28

جا ئێرنگه، ئێ ڕوڵەیل ورد، وەناو ئەیو نیشتەجێ بوین تا وەخت ئاشکرا بوینی دڵنیا بیمن و وەخت هاتنێ، وه لاێ شەرمزار نویمن.

یەکم یوحەنا 2:5

وەلێ کەسێ که کەڵامی وه جا تیەرێ، مابەت خودا وه ڕاسی وەناوێ وه کەماڵ ڕەسیه. وه ئیجوره تویەنیم بزانیم که هایمنه ناو خودا:

یەکم یوحەنا 2:6

هەر کەس که ئویشێ وەناو خودا نیشتەجێه، باێه هەر ئەو جوره زنەیی بکێ که عیسا زنەیی کردیا.

یەکم یوحەنا 3:1

بنوڕن که باوگ ئاسمانی چ مابەتێ و ئیمه کردێه، تا وەپێمان بویشن ڕوڵەیل خودا! جا ئیجوریشه هەیم! وه ئی بونەسه جهان نیەناسیدەمان، چوینکه ئەیو نەناسیه.

یەکم یوحەنا 3:3

هەر کەس وه ئەیو ئیجور ئمیدێگ دێرێ، خوەێ پاکەو کەی، هەر ئەوجورە که ئەیو پاکه.

یەکم یوحەنا 3:7

ئێ ڕوڵەیل ورد، با کەس گومڕادان نەکێ. هەر کەسێگ ئەو چشته که درسه وەجێ بارێ، سالحانه. هەر ئەوجورە که ئەیو سالحانه.

یەکم یوحەنا 4:12

هویچکەس هەراێهەر خودا نێه. ئەگەر ئیمه یەکترەکی مابەت بکێم، خودا وەناومان نیشتەجێه و مابەتەگەێ وەناومان وه کەماڵ ڕەسیه.