یەکم یوحەنا 3:23 - کتاب مقدس به زبان کردی جنوبی - گویش کلهوری

²³ حوکمەگەیشێ ئیەسه که، وه ناو عیسا مەسیح کوڕێ ئیمان باریم و یەکترەکی مابەت بکێم، هەر ئەوجورە که وەپێمان حوکم کردێه.

یەکم یوحەنا 3:23 ပူးပေါင်းရင်းမြစ်များ

ئنجیل مەتا 22:39

دویمین حوکمیش جور یەکمینەگەس: ”هاوساگەد جور خوەد دوس بیاشتو.“

مەرقوس 9:7

ئمجا هەوریگ ساێەڕ خسته ملێان و دەنگێگ وەناو هەورگەوه هات، «ئیەسه کوڕه عەزیزەگەم، گوش بێەنه لێ.»

یوحەنا 1:12

وەلێ وه گشت کەسیلێ که قەبوڵێ کردن یانێ وه هەر کەسێگ که وه ناو ئەیو ئیمان هاورد ئی حەقه داس که بونه ڕوڵەیل خودا؛

یوحەنا 13:34

حوکم تازەێگ دەمه پێدان، که یەکترەکی مابەت بکێن. هەر ئەوجورە که مه مابەتدان کردمه، ئیوەیش باێه یەکترەکی مابەت بکێن.

یوحەنا 14:1

«دڵدان پەشێو نود. وه خودا ئیمان بیاشتون؛ وه منیش ئیمان بیاشتون.

یوحەنا 15:12

«حوکم مه ئیەسه که یەکترەکی مابەت بکێن، هەر ئەوجورە که مه مابەتدان کردمه.

یوحەنا 17:3

زنەیی ئەبەدی ئیەسه، ئەوانه توی که تەنیا خوداێ ڕاسەکانید و عیسا مەسیح که کلی کردیده، بناسن.

یوحەنا 2:23

له ئەو وەخته که عیسا ئەڕا جەشن پسەخ له ئورشەلیم بی، کەسیل فرەێگ وه دین نیشانه و موجزەیلێ که کردیا، وه ناو ئەیو ئیمان هاوردن.

یوحەنا 3:18

هەر کەس وەپێ ئیمان بارێ ماکوم نیود، وەلێ هەر کەس وەپێ ئیمان نارێ، هەر ئێرنگەیش ماکومه، چوینکه وه ناو تەنیا کوڕ خودا ئیمان ناوردیه.

یوحەنا 6:29

عیسا وه جواوێان وەت: «کار خودا ئیەسه وه ئەوه که کلی کردێه ئیمان بارن.»

کاریل ڕەسولەیل 16:31

جا وەتن: «وه خوداوەند عیسا مەسیح ئیمان بار که خوەد و ئاڵ ماڵەگەد نجات پەێا کين.»

ئەفسوسیێل 5:2

وەناو مابەت زنەیی بکێن، ئەوجورە که مەسیح ئیمه مابەت کرد و گیان خوەێ ئەڕا ئیمه جور خەڵاتی بو خوەش و قوروانییگ وه خودا پیشکەش کرد.

یەکم تسالونیکییل 4:9

ئێرنگه له باوەت مابەت براێانەدان هەوەجی نێرین تا کەسێگ چشتێ ئەڕادان بنویسێ، چوینکه خوەدان له خودا یاێ گردینه که یەکترەکی‎ مابەت بکێن و

یەکم نامەێ تیموتاوس 1:15

حەقه ئی قسیه تەمام و کەماڵ قەبوڵ بود که مەسیح عیسا هاته جهان تا گوناکاریل نجات بێید، که مه گەوراترین ئەوانەمە.

یەکم پتروس 1:22

ئیسه که وه گوش تەکانن له ڕاسی، گیانیل خوەدان پاکەو کردينه تا مابەتێگ براێانه و بێ خڵت خەوش بیاشتوین، ها ملدانەو که یەکترەکی وه دڵ و گیان وه یە دڵ پاک دوس بیاشتوین.

یەکم پتروس 4:8

گرنگتر له گشتێ، یەکترەکی وه گیان و دڵ مابەت بکێن، چوینکه مابەت، گونایل فرەێگ داپوشنێ.

یەکم یوحەنا 2:7

عەزیزەگانم، حوکم تازەێگ ئەڕادان نیەنویسم، بەڵکەم حوکم کویەنەگەس که هەر له سەرەتا داشتین. ئی حوکم کویەنه، هەر ئەو کەڵامەسه که شنەفتینەسێ.

یەکم یوحەنا 3:11

چوینکه ئیه هەر ئەو پێخامەسه که له سەرەتا شنەفتینه، که باێه یەکترەکی دوس بیاشتویم.

یەکم یوحەنا 4:15

ئەوه که ئێقرار کێ عیسا کوڕ خوداس، خودا وەناوێ نیشتەجێه و ئەویش وەناو خودا.

یەکم یوحەنا 4:21

ئیمەیش ئی حوکمه له ئەیو گردیمنه که هەر کەسێگ که خودا دوس دێرێ، باێه براگەێ خویشێ دوس بیاشتود.

یەکم یوحەنا 5:13

ئی چشتیله ئەڕا ئیوه نویسم که وه ناو کوڕ خودا ئیمان دێرین، تا بزانین که ژیان ئەبەدی دێرین.