یەکم یوحەنا 3:1 - کتاب مقدس به زبان کردی جنوبی - گویش کلهوری

¹ بنوڕن که باوگ ئاسمانی چ مابەتێ و ئیمه کردێه، تا وەپێمان بویشن ڕوڵەیل خودا! جا ئیجوریشه هەیم! وه ئی بونەسه جهان نیەناسیدەمان، چوینکه ئەیو نەناسیه.

یەکم یوحەنا 3:1 ပူးပေါင်းရင်းမြစ်များ

لوقا 20:36

ئیتر ئەوانه دی نیەمرن؛ ئەڕا ئیه که بونه جور فریشتەیل. ئەوانه ڕوڵەیل خودان، وەبونەێ ئیه که مناڵیل قیامەتن.

یوحەنا 1:12

وەلێ وه گشت کەسیلێ که قەبوڵێ کردن یانێ وه هەر کەسێگ که وه ناو ئەیو ئیمان هاورد ئی حەقه داس که بونه ڕوڵەیل خودا؛

یوحەنا 11:52

نه تەنیا ئەڕا ملەت، بەڵکەم ئەڕاێ جەم کردن و یەکی کردن ڕوڵەیل خودا که تەفرتوینان.

یوحەنا 15:21

وەلێ گشت ئیانه وەبونەێ ناو منەو وەگەرددان کەن، چوینکه ئەیو که مه کل کرد نیەناسن.

یوحەنا 16:3

ئی کاريله کەن، چوینکه نه باوگ ئاسمانی ناسینه و نه مه.

یوحەنا 17:25

«ئێ باوگ داداپەروەر، هەر چه‎ن جهان تو نیەناسێ، وەلێ مه ناسمەد، ئیانەیش زانن تو مه کل کردیده.

یوحەنا 3:16

«چوینکه خودا جهان ئەوقره مابەت کرد که تەنیا کوڕەگەێ خوەێ دا تا هەر کەس وەپێ ئیمان بارێ نابود نود، بەڵکەم زنەیی ئەبەدی بیاشتوێد.

رومیەگان 5:8

وەلێ خودا مابەت خوەێ وه ئیمه ئیجوره نیشان دەێ که هناێ ئیمه هێمراێ گوناکار بیمن، مەسیح ئەڕامان مرد.

رومیەگان 8:19

چوینکه گشت درسکریایل خودا وه تاسەێ تەمام چەوەڕێن تا کوڕیل خودا ئاشکراوه بون.

رومیەگان 8:21

که خود درسکریایل خودایش له خوڵامی گەنێان ڕزگار بون و وەناو ڕزگاری پڕ جەڵاڵ ڕوڵەیل خودا بەشدارەو بون.

رومیەگان 8:32

ئێ خوداێگ که کوڕەگەێ خوەێ دریخ نەکرد، بەڵکەم ئەیو له ڕێ گشتمان داده دەسەو، ئێ وەگەردیشێەو گشت چشتێگ وه دەس دڵوازای نيەوەخشێده پێمان؟

دویم قورنتییل 6:18

«من بومه باوگدان و ئیوەیش بوینه کوڕ و دویەت من. خوداوەند هەر وه تویەنا ئیه فەرمایش کێ.»

نامه وە غەلاتییل 3:26

چوینکه وەناو مەسیح عیسا، ئیوه گشتدان له ڕێ ئیمان، کوڕيل خوداین.

نامه وە غەلاتییل 3:29

ئەگەر ئیوه هن مەسیحین، جا نەتەوەێ ئێبراهیمین و له ڕوی واده، میراتیخوەریش هەین.

نامه وه کولوسییل 3:3

چوینکه ئیوه مردینه و زنەییدان وەگەرد مەسیح وەناو خودا شاریاسەو.

یەکم یوحەنا 3:10

ڕوڵەیل خودا و ڕوڵەیل ئبلیس ئیجوره مالوم بون: هەر کەسێگ ئەو چشته که درسه وەجێ نارێ و یا براێ خوەێ دوس نیاشتود، له خودا نیه.

یەکم یوحەنا 3:2

ئێ عەزیزەیل، ئێرنگه ڕوڵەیل خودایم، هێمراێ ئاشکرا نویه بویمنه چه. وەلێ زانیمن وەختێ ئەیو ئاشکرا بود بویمنه وێنەێ ئەیو، چوینکه ئەیو هەر ئەوجورە که هەس، دوینیمنێ.

یەکم یوحەنا 4:17

وه ئیجوره مابەت وەناومان وه کەماڵ ڕەسیه تا وەناو ڕوژ داوەری دڵنیا بویمن، چوینکه ئیمەیش وەناو ئی جهانه هەر ئەوجورەیمە که ئەیو هەس.

وەحی وه یوحەنا 21:7

هەر کەسێگ بوێدەو، ئیه وه میراتی بەێد و مه بومه خوداێ ئەوه و ئەوه بوده کوڕ مه.