یەکم یوحەنا 2:7 - کتاب مقدس به زبان کردی جنوبی - گویش کلهوری

⁷ عەزیزەگانم، حوکم تازەێگ ئەڕادان نیەنویسم، بەڵکەم حوکم کویەنەگەس که هەر له سەرەتا داشتین. ئی حوکم کویەنه، هەر ئەو کەڵامەسه که شنەفتینەسێ.

یەکم یوحەنا 2:7 ပူးပေါင်းရင်းမြစ်များ

ئنجیل مەتا 5:43

«شنەفتینه وەناو تەورات وەتریاس: ”هاوساگەد دوس بیاشتو و قینده دشمەند باێ.“

یوحەنا 13:34

حوکم تازەێگ دەمه پێدان، که یەکترەکی مابەت بکێن. هەر ئەوجورە که مه مابەتدان کردمه، ئیوەیش باێه یەکترەکی مابەت بکێن.

کاریل ڕەسولەیل 17:19

ئمجا گردنەێ و بردنێ ئەڕا چیاێگ وه ناو ئاریوپاگوس، شونێگ که مەردم وه ئەوره گردەو بویان، وه ئەوره وەپێ وەتن: «ئێ تویەنیم بزانیم ئی تالیم نوه چەس که تو باسێ کەی؟

عبرانییل 6:9

ئێ عەزیزەیل، هەرچەن ئیجوره قسیه کیم، وەلێ له باوەت ئیوه دڵنیایم که چشتیل خاسترێگ، چشتیلی که هن نجاتن، نسیودان بون.

یەکم یوحەنا 2:24

بیلێن ئەو چشته که له سەرەتاوه شنەفتین وەناودان نیشتەجێ بود. ئەگەر ئەو چشته که له سەرەتاوه شنەفتین وەناودان نیشتەجێ بود، ئمجا ئیوەیش وەناو کوڕ و وەناو باوگ نیشتەجێ بوین.

یەکم یوحەنا 3:11

چوینکه ئیه هەر ئەو پێخامەسه که له سەرەتا شنەفتینه، که باێه یەکترەکی دوس بیاشتویم.

یەکم یوحەنا 3:2

ئێ عەزیزەیل، ئێرنگه ڕوڵەیل خودایم، هێمراێ ئاشکرا نویه بویمنه چه. وەلێ زانیمن وەختێ ئەیو ئاشکرا بود بویمنه وێنەێ ئەیو، چوینکه ئەیو هەر ئەوجورە که هەس، دوینیمنێ.

یەکم یوحەنا 3:21

ئێ عەزیزەیل، ئەگەر دڵمان ماکوممان نەکێ، وه لاێ خودا دڵنیایمن

یەکم یوحەنا 3:23

حوکمەگەیشێ ئیەسه که، وه ناو عیسا مەسیح کوڕێ ئیمان باریم و یەکترەکی مابەت بکێم، هەر ئەوجورە که وەپێمان حوکم کردێه.

یەکم یوحەنا 4:1

ئێ عەزیزەیل، وه هەر روحێگ باوەڕ نەکێن، بەڵکەم روحیل ئەزمون بکەن تا بوینین له خودان یا نه. چوینکه نەبوەتکەریل دروەکانی فرەێگ وەناو جهان تەفرتویناوه بینه.

یەکم یوحەنا 4:11

ئێ عەزیزەیل، ئەگەر خودا ئیمه ئیجوره مابەت کرد، ئیمەیش باێه یەکترەکی مابەت بکێم.

یەکم یوحەنا 4:21

ئیمەیش ئی حوکمه له ئەیو گردیمنه که هەر کەسێگ که خودا دوس دێرێ، باێه براگەێ خویشێ دوس بیاشتود.

یەکم یوحەنا 4:7

ئێ عەزیزەیل، بان تا یەکترەکی مابەت بکێم، چوینکه مابەت له خوداس و هەر کەسێگ که مابەت کەی، له خودا هاتیەسه دنیا و خودا ناسی.