یەکم یوحەنا 2:5 - کتاب مقدس به زبان کردی جنوبی - گویش کلهوری

⁵ وەلێ کەسێ که کەڵامی وه جا تیەرێ، مابەت خودا وه ڕاسی وەناوێ وه کەماڵ ڕەسیه. وه ئیجوره تویەنیم بزانیم که هایمنه ناو خودا:

یەکم یوحەنا 2:5 ပူးပေါင်းရင်းမြစ်များ

لوقا 11:28

وەلێ عیسا وەت: «نه، بەڵکەم خوەش وه حاڵ ئەوانه که کەڵام خودا شنەفن و وه جێ تیەرن.»

یوحەنا 14:21

ئەوه که حوکمەگان مه دێرێ و پارێزنێدێان، ئەوه کەسێگه که مه دوس دێرێ؛ ئەویشه که مه دوس دێرێ، باوگمیش دوسی دێرێ و منیش دوسی دێرم و خوەم وەپێ نیشان دەم.»

یوحەنا 14:23

عیسا جواو دا: «ئەگەر کەسێگ دوس مه بیاشتود، کەڵامم پارێزنێد و باوگم دوسی دێرێ و ئیمه تێیمنه لاێ و لەلاێ نیشتەجێ بویمن.

یوحەنا 15:5

«مه مەیوم و ئیوه پەلەگانێ. ئەوه که وەناو من نیشتەجێ بود و مه وەناو ئەوه، بەر فرەێگ دەێده دەسەو؛ چوینکه جیا له مه، هویچه دەسدان نیەتێد.

یوحەنا 6:56

هەر کەس جەسەێ مه بخوێ و خوینم بنوشێ، وه ناو مه نیشتەجێه و مه وەناو ئەو نیشتەجێیم.

رومیەگان 8:1

جا ئێرنگه ئەڕا ئەوانه که هانه ناو مەسیح عیسا هویچ ماکومیەتێگ نیه،

یەکم قورنتییل 1:30

جا وەبونەێ ئەیوه که ئیوه وەناو عیسا مەسیح‎ بینەسه یەکی، که له لاێ خوداوه ئەڕاێ ئیمه بیەسه زانیاری، یانێ سالح بوین، قودوسیەت و ڕزگاریمان.

دویم قورنتییل 5:17

جا ئەگەر کەسێگ وەناو مەسیح بود، درس‎کریاێگ تازەس. چشتیل کویەنه له بین چی؛ ئیسه، گشت چشتێگ تازەوه بیه!

دویم قورنتییل 5:21

خودا کەسێگ که گونا نەناسێ، ئەڕا ئیمه کرده گونا، تا وه یەکەو بون وەگەرد ئەیو بویمنه سالحان خودا.

یاقوب 2:22

دوينی که ئیمان و کردەوەێ وه یەکەو کار کردیان و ئیمانێ وەگەرد کردەوەێ کامڵەو بی.

یەکم یوحەنا 3:24

هەر کەسێگ حوکمیل ئەیو وه جێ بارێ، وەناو خودا نیشتەجێه، هەر ئیجوریشه خودا وەناوێ. له ڕێ روح خوەێ که بەخشیەسه پێمان، زانیمن که ئەیو وەناومان نیشتەجێه.

یەکم یوحەنا 4:17

وه ئیجوره مابەت وەناومان وه کەماڵ ڕەسیه تا وەناو ڕوژ داوەری دڵنیا بویمن، چوینکه ئیمەیش وەناو ئی جهانه هەر ئەوجورەیمە که ئەیو هەس.

یەکم یوحەنا 4:18

وەناو مابەت زاورچین نیه، بەڵکەم مابەت کامڵ، زاورچین کیه دەیشت. چوینکه زاورچین له سزا سەرچاوه گرید و ئەوه که زاورێ چود وەناو مابەت وه کەماڵ نەرەسیه.

یەکم یوحەنا 5:2

له ئیه زانیمن که ڕوڵەیل خودا دوس دێریم، که خودا دوس بیاشتویم و حوکمیلێ وه جێ باریم.

یەکم یوحەنا 5:20

هەر ئیجوره ئیمه زانیمن که کوڕ خودا هاتێه و فام داسه پێمان تا ئەیو بناسیم که ڕاسه، ئیمه هایمنه ناو ئەیو که ڕاسه. یانێ وەناو عیسا مەسیح کوڕ ئەیو. ئەیو خوداێ ڕاسەکانی و زنەیی ئەبەدیه.

دویم یوحەنا 1:6

مابەت ئیەسه که وه پێ حوکمیل خودا زنەیی بکێم، هەر ئەوجورە که له سەرەتا شنەفتینه، حوکم ئیەسه که وەناو مابەت زنەیی بکێم.

وەحی وه یوحەنا 12:17

ئمجا ئەژدەها وه مل ژنەگه توڕه بی و چی تا وەگەرد ئەو باقی نەتەوەگەێ بجەنگێ؛ یانێ وەگەرد ئەوانه که حوکمیل خودا وه جێ تیەرن و شاێەتی عیسا پارێزنن.

وەحی وه یوحەنا 14:12

ئیه بەردەوام بین ئیمانداریل وه مەسیح تواید، هەر ئەوانه که حوکمیل خودا و ئیمانێان وه عیسا پارێزنن.