یەکم یوحەنا 2:4 - کتاب مقدس به زبان کردی جنوبی - گویش کلهوری

⁴ ئەوه که ئویشێ «ناسمێ» وەلێ حوکمیلێ وه جا نیەتیەرێ، دروزنه و ڕاسی وەناوێ نیه.

یەکم یوحەنا 2:4 ပူးပေါင်းရင်းမြစ်များ

یوحەنا 8:44

ئیوه وه باوگدان ئبلیس تالوق دێرین و تواین خاستەیل باوگدان وەجێ بارین. ئەوه له سەرەتاوه خوینکەر بی و وەگەرد ڕاسیەو میانەێگ نێرید، چوینکه هویچ ڕاسی وەناوێ نیه. هەر وەخت درو ئویشێ، له زات خوەێ ئویشێ؛ ئەڕا ئیه که دروزنه و باوگ گشت درویله.

تیتوس 1:10

چوینکه ئایەمیل ملهوڕ، وڕاوەکەر و فێڵباز فرەن، وه تایبەتی له بین ئەوانه که وه خەتەنه کردن پاملن،

تیتوس 1:16

ئەوانه ئویشن خودا ناسیم، وەلێ وەگەرد کردەوەێانەو ئەیو حاشا کەن. ئەوانه قیزهاوەر و ملچەفتەوکەر و نامناسو ئەڕا هەر کار خاسێگن.

یەکم یوحەنا 1:10

ئەگەر بویشیمن گوناێ نەکردیمنه، ئەیو وه دروزن دایمنەسه قەڵەم و کەڵامەگەێ وه ناومان نیه.

یەکم یوحەنا 1:6

ئەگەر بویشیم وەگەردێ دوسی دێریم، وه حاڵێگەو که وەناو تیەریکی زنەیی کیم، درو ئویشیمن و ڕاسی وەجێ نیەتیەریم.

یەکم یوحەنا 1:8

ئەگەر بویشیم گوناێگ نێریم، خوەمان گول دیمن و ڕاسی وه ناومان نیه.

یەکم یوحەنا 2:3

ئەگەر حوکمیلێ وه جا باریم، ئیجوره زانیمن که ناسیمنێ.

یەکم یوحەنا 2:9

ئەوه که ئویشێ ها ناو نویر، وەلێ قینێ له براێ باێ، هێمراێ ها ناو تیەریکی.

یەکم یوحەنا 3:6

هەر کەسێگ وەناو ئەیو نیشتەجێه، وه گونا کردن بەردەوام نیەمینێ. هەر کەسێگ وەناو گونا بەردەوام بمینێ، نه ئەیو دیه و نه ناسیەسێ.

یەکم یوحەنا 4:20

ئەگەر کەسێگ بویشی ”خودا دوس دێرم“ و قینێ له براگەێ خوەێ باێ، ئەوه دروزنه. چوینکه کەسێگ که براگەێ خوەێ که وه چەو دیه، دوسی نیاشتود، نیەتویەنی خوداێگ که وه چەو نیه، دوس بیاشتود.

یەکم یوحەنا 4:7

ئێ عەزیزەیل، بان تا یەکترەکی مابەت بکێم، چوینکه مابەت له خوداس و هەر کەسێگ که مابەت کەی، له خودا هاتیەسه دنیا و خودا ناسی.