یەکم یوحەنا 2:3 - کتاب مقدس به زبان کردی جنوبی - گویش کلهوری

³ ئەگەر حوکمیلێ وه جا باریم، ئیجوره زانیمن که ناسیمنێ.

یەکم یوحەنا 2:3 ပူးပေါင်းရင်းမြစ်များ

لوقا 6:46

«ئیه چوینه که وەپێم ئویشین گەورەم، گەورەم، وەلێ وه ئەو چشته که ئویشم گوش نیەتەکنین؟

یوحەنا 14:15

«ئەگەر دوسم بیاشتوین، حوکمەگانم پارێزنێن.

یوحەنا 15:10

ئەگەر حوکمەگان مه بپارێزنین، لەناو مابەت من نیشتەجێ بوین؛ هەر ئەوجورە که من حوکمەگان باوگم پارێزانمه و لەناو مابەتێ نیشتەجێیم.

یوحەنا 15:14

ئیوه ڕەفیقەیل منین، ئەگەر ئەوه که وەپێدان حوکم کەم، وه جێ بارين.

یوحەنا 17:3

زنەیی ئەبەدی ئیەسه، ئەوانه توی که تەنیا خوداێ ڕاسەکانید و عیسا مەسیح که کلی کردیده، بناسن.

دویم قورنتییل 4:6

چوینکه هەر ئەو خوداێ که فەرمایش کرد: «نویر له ناو تیەریکیەو بدرەوشێد،» نویر خوەێ وەناو دڵمان دروشان تا ڕوشنایی ئاگاداری جەڵاڵ خودا وەناو دەمچەو عیسا مەسیح، وه ئیمه بدرەوشێد.

عبرانییل 5:9

وەختێ کامڵەو بی، ئەڕا گشت ئەوانەیش که له ئەیو گوش تەکنن، بیه سەرچاوەی نجات ئەبەدی.

یەکم یوحەنا 2:13

ئێ باوگیل، ئەڕا ئیوه نویسم، چوینکه ئەیو که له سەرەتا هەس، ناسین. ئێ جوانیل، ئەڕا ئیوه نویسم، چوینکه وه ئەو شەڕئاشوه زاڵەو بینه. ئێ ڕوڵەیل، ئەڕا ئیوه نویسم، چوینکه باوگ ئاسمانی ناسین.

یەکم یوحەنا 3:14

ئیمه زانیمن که له مەرگ گوزەریایمنه و رەسیمنەسه ژیان، چوینکه دوس برایل دێریم. هەر کەسێگ که مابەت نیەکێ، وەناو مەرگ نیشتەجێه.

یەکم یوحەنا 3:19

له ئیه تویەنیم بزانیم که وه ڕاسی تالوق دێریم و تویەنیمن دڵ خوەمان وه لاێ خودا دڵنیاوه بکێم.

یەکم یوحەنا 3:6

هەر کەسێگ وەناو ئەیو نیشتەجێه، وه گونا کردن بەردەوام نیەمینێ. هەر کەسێگ وەناو گونا بەردەوام بمینێ، نه ئەیو دیه و نه ناسیەسێ.

یەکم یوحەنا 4:13

له ئیه زانیمن که وەناو ئەیو نیشتەجێیم و ئەیویش وەناو ئیمه، چوینکه له روح خوەێ وه ئیمه بەخشاس.

یەکم یوحەنا 4:7

ئێ عەزیزەیل، بان تا یەکترەکی مابەت بکێم، چوینکه مابەت له خوداس و هەر کەسێگ که مابەت کەی، له خودا هاتیەسه دنیا و خودا ناسی.

یەکم یوحەنا 5:19

ئیمه زانیمن که له خودایمن و گشت جهان پاڵەو داسه ژێر هێز ئەو شەڕئاشوه.

یەکم یوحەنا 5:2

له ئیه زانیمن که ڕوڵەیل خودا دوس دێریم، که خودا دوس بیاشتویم و حوکمیلێ وه جێ باریم.

یەکم یوحەنا 5:3

چوینکه دوس داشتن خودا ئیەسه که حوکمیلێ وه جێ باریم، حوکمیل ئەیو بار قورسیگ نیه.

وەحی وه یوحەنا 12:17

ئمجا ئەژدەها وه مل ژنەگه توڕه بی و چی تا وەگەرد ئەو باقی نەتەوەگەێ بجەنگێ؛ یانێ وەگەرد ئەوانه که حوکمیل خودا وه جێ تیەرن و شاێەتی عیسا پارێزنن.

وەحی وه یوحەنا 14:12

ئیه بەردەوام بین ئیمانداریل وه مەسیح تواید، هەر ئەوانه که حوکمیل خودا و ئیمانێان وه عیسا پارێزنن.

وەحی وه یوحەنا 22:14

خوەش وه حاڵ ئەوانه که بەتیەگەێ خوێان شورن تا حەق دەس پەێا کردن وه دار ژیان بیاشتوین و تا بتویەنن له دەروازەێیلەو بچنه ناو شار.