یەکم یوحەنا 2:25 - کتاب مقدس به زبان کردی جنوبی - گویش کلهوری

²⁵ ئیەسه وادەێ که ئەیو دا پێمان، یانێ زنەیی ئەبەدی.

یەکم یوحەنا 2:25 ပူးပေါင်းရင်းမြစ်များ

لوقا 18:30

وەناو هەر ئی دەورانه چەن ئەوقره وه دەس نارێد و وەناو دەورەێ وەرەڕویش، وه زنەیی ئەبەدی بی نسیو بمینێ.»

یوحەنا 10:28

منیش زنەیی ئەبەدی دەمه پێان و هەراێهەر نابود نیەون. هویچکەیش له دەسم نیەقاپێدێان.

یوحەنا 12:50

منیش زانم که حوکمەگەێ زنەیی ئەبەدیه. جا هەر چی که مه ئویشم هەر ئەو چشتەسه که باوگ وەپێم وەتیه.»

یوحەنا 3:15

تا هەر کەس وەپێ ئیمان بارێ، زنەیی ئەبەدی بیاشتوید.

یوحەنا 5:39

ئیوه کتاویل موقەدەس دینه یەکەو، چوینکه خیاڵ کین له ڕێ ئەوانه وه زنەیی ئەبەدی دەس پەێا کین، هەر ئیانەنه که وه مه شاێەتی دەن،

یوحەنا 6:27

ئەڕا خواردمەنێگ کار مەکەن که له بین چود، بەڵکەم ئەڕا خواردمەنێگ کار بکەن که تا زنەیی ئەبەدی مینێدەو، یانێ ئەو خواردمەنیه که کوڕ ئنسان دەیده پێدان. چوینکه خوداێ باوگ مور خوەێ وه ملێەو کوتاس.»

یوحەنا 6:40

چوینکه خاست باوگم ئیەسه که هەر کەس چەو بوڕیه کوڕ و ئیمانه پێ بارێ، زنەیی ئەبەدی بیاشتوید و مه وه ڕوژ ئاخر زنیەو کەم.»

یوحەنا 6:47

وه ڕاسی، وه ڕاسی، وەپێدان ئویشم، هەر کەس ئیمان بارێ، زنەیی ئەبەدی دێرێ.

یوحەنا 6:54

هەر کەس جەسەێ مه بخوێ و خوینم بنوشێ، زنەیی ئەبەدی دێرێ، منیش وه ڕوژ ئاخر زنیەو کەم.

یوحەنا 6:68

شەمعون پتروس جواو دا: «گەورەم، بچیمنه ئەڕا لاێ کی؟ قسیەیل زنەیی ئەبەدی ها لاێ تو.

رومیەگان 2:7

ئەیو زنەیی ئەبەدی بەخشێده کەسیلێ که وەگەرد سەور، کاریل خاس وەجێ تیەرن و هانه شون جەڵاڵ و حرمەت و نەمری؛

رومیەگان 5:21

تا هەر ئەوجورە که گونا وەناو مەرگ حوکمرانی کرد، فیزیش له ڕێ سالح بوین حوکمرانی بکێد و له ڕێ خوداوەندمان عیسا مەسیح، وەرەو ژیان ئەبەدی بوێد.

رومیەگان 6:23

چوینکه حەقدەس گونا مەرگه، وەلێ خەڵات خودا زنەیی ئەبەدی وەناو خوداوەندمان مەسیح عیساس.

نامه وە غەلاتییل 6:8

کەسێگ که ئەڕا جەسەێ خوەێ بکاڵێد، له جەسەوه گەنیان درەو کەی؛ وەلێ کەسێگ که ئەڕا روح خودا بکاڵێ، له روح خودا زنەیی ئەبەدی درەو کەی.

یەکم نامەێ تیموتاوس 1:16

وه ئی بونه، بەزەیی وەپێم کریا تا مەسیح عیسا سەور بێ پاێان خوەێ ئەڕا مه که گەوراترین گوناکاریل بیم، نیشان بێید، تا نمونەێگ بوم ئەڕا گشت ئەوانه که له ئیەولا وه ئەیو ئیمان هاوردنه و زنەیی ئەبەدی پەێا کەن.

یەکم نامەێ تیموتاوس 6:12

له جەنگ خاس ئیمان تەقالا بکه و بلچکیه ئەو زنەیی ئەبەدی که ئەڕا ئەوه دەنگ کریایه، ئەو وەخته که وه نوای شاێەتیل فرەێگ، ئێقرار خاسەگه کردی.

یەکم نامەێ تیموتاوس 6:19

و ئیجوره، گە‎نجیگ ئەڕا خوێان خەنه پشت دەس که بوده بنەواێ قورس ژیان وەرەڕوییان و لچکینه ئەو ژیانه که ژیان ڕاسەکانیه.

تیتوس 1:2

ئی ڕاسیه وه پێ ئمید وه زنەیی ئەبەدیه که خوداێگ که هەراێهەر درو نیویشی، له ئەزەڵ وادەێ داسه پێمان و

تیتوس 3:7

تا وه فیز ئەیو سالحان وەحساو بایم، وه ڕوی ئمید زنەیی ئەبەدی، بیمنه میراتی خوەریل.

یەکم یوحەنا 1:2

ژیان دیار دا، ئیمه دیمنەسێ و شاێەتی ئەڕاێ دیم. ئیمه ژیان ئەبەدی ئەڕادان جار دیمن هەر ئەو ژیان ئەبەدیه که وەگەرد باوگ ئاسمانی بی و ئەڕا ئیمه ئاشکرا بی.

یەکم یوحەنا 5:20

هەر ئیجوره ئیمه زانیمن که کوڕ خودا هاتێه و فام داسه پێمان تا ئەیو بناسیم که ڕاسه، ئیمه هایمنه ناو ئەیو که ڕاسه. یانێ وەناو عیسا مەسیح کوڕ ئەیو. ئەیو خوداێ ڕاسەکانی و زنەیی ئەبەدیه.

یەهودا 1:21

خوەدان وەناو مابەت خودا بپارێزنن، وه ئەو حاڵەو که چەوەڕێ بەزەیی خوداوەند ئیمه عیسا مەسیحین تا ئیوه وەرەو زنەیی ئەبەدی بوێد.