یەکم یوحەنا 2:18 - کتاب مقدس به زبان کردی جنوبی - گویش کلهوری

¹⁸ ئێ ڕوڵەیل، سات ئاخر ڕەسیه و هەر ئەوجورە که شنەفتینه ”زد مەسیح“ تێد، ئێرنگەیش فره له زد مەسیحیل هاتنه، وه ئی بونه زانیمن که سات ئاخره.

یەکم یوحەنا 2:18 ပူးပေါင်းရင်းမြစ်များ

ئنجیل مەتا 24:11

پەێخەمەریل دروەکانی فرەێگ هەڵسن و قێر فرەێگیش له ڕێ دەر کەن.

ئنجیل مەتا 24:24

چوینکه مەسیحیل دروەکانی و پەێخەمەریل دروەکانی تیەن و نیشانەیل و موجزەیل گەورا تیەرن تا ئەگەر بکرێ، تەنانەت هەڵوژاردەگان له ڕێ دەر بکەن.

ئنجیل مەتا 24:5

چوینکه فره له کەسیل وه ناو منەو تیەن، ئویشن، ”مه مەسیحم“ فره وه کەسیلیش له ڕێ دەر کەن.

مەرقوس 13:6

فره له کەسیل وه ناو من تیەن، ئویشن، ”مه هەر ئەوه مه“ فره وه کەسیلیش گومڕا کەن.

یوحەنا 21:5

عیسا وەپێان وەت: «ڕوڵەیل، ماسی گردینه؟» جواو دان: «نه!»

رومیەگان 13:11

بێجگه ئیه ئیوه زانین هاینه ناو چ زەمانێگ. چوینکه ساتێ ڕەسیه که له خەو هەڵسێن، ئەڕا ئیەک ئێرنگه وه بەراورد وەگەرد ئەو وەخته که تازه ئیمان هاوردیم، نجات وه ئیمه نزیکتره.

رومیەگان 13:12

شەو تەمامە و ڕوژ نزیکه. جا بان کردەوەێ تیەریکی فڕەی بیمن و زرەی نویر بکێمنه وەر.

عبرانییل 1:2

وەلێ وەناو ئی ڕوژیل ئاخره وه وەسلەێ کوڕەگەێ خوەێ وەگەرد ئیمه قسیه کردێه، هەر ئەو کوڕه که ئەیو وه میراتیخوەر گشت چشتێگ دیاری کرد و وه وەسلەێ ئەیویش جهان درس کرد.

یەکم پتروس 1:20

ئەیو وەرجه ئیه که جهان دامەرزیەد دیاری کریا، وەلێ له ئی زەمانیل ئاخره وه بونەێ ئیوه ئاشکراوه بوی.

یەکم پتروس 1:5

ئەڕا ئیوه که وه هێز خودا و له ڕێ ئیمان، پارێزیاینه ئەڕا نجاتیگ که گورجەو کریاس تا له زەمان ئاخر ئاشکراوه بود؛

یەکم پتروس 4:7

ئاخر گشت چشتێگ نزیکه؛ جا وه سەر خوەدان زاڵ بون و وه بونەێ دوعایلدان هوشیار بون.

دویم پتروس 2:1

وەلێ لەناو قەوم جویلەکە، پەێخەمەریل دروەکانیش بین، هەر ئەوجورە که له ناو ئیوەیش ماموستایل دروەکانی تیەن که وه دزیەو تالیمیل هەڵه و نابودکەرێگ تیەرن و تەنانەت ئەرواوێگ که ئیانه سەن، حاشا کەن و ئیجوره وه سەر خوێان له بین چینێگ تیەرن که لەناکاوه تێد.

دویم پتروس 3:3

وەرجه هەر چشتێگ، بزانن که له ڕوژیل ئاخر تویلەکی کەریلیگ تیەن که هانه شون ئاوەختیێل گونابار خویان و هەر ئیجوره که تویلەکی کەن،

یەکم یوحەنا 2:22

کی دروزنه؟ بێجگه ئەوه که حاشا کەی که عیسا هەر ئەو مەسیح وادەدریاێەسه؟ ئەوه که باوگ و کوڕ حاشا کەی ”زد مەسیحه“.

یەکم یوحەنا 4:1

ئێ عەزیزەیل، وه هەر روحێگ باوەڕ نەکێن، بەڵکەم روحیل ئەزمون بکەن تا بوینین له خودان یا نه. چوینکه نەبوەتکەریل دروەکانی فرەێگ وەناو جهان تەفرتویناوه بینه.

یەکم یوحەنا 4:3

هەر روحێگیش وه زوان نارێ عیسا وەناو جەسەێ بەشەری هاتێه، له خودا نیه. ئیه هەر ئەو روح ”زد مەسیحەسه“ که شنەفتینه تێد و ئێرنگەیش ها ناو جهان.

دویم یوحەنا 1:7

چوینکه لیلاجیل فرەێگ وەناو جهان تەفرتوینا بینه، کەسیلێ که ئێقرار نیەکەن عیسا مەسیح وەناو جەسه ئنسانی هاتێه. ئەو جور کەسیلێ، لیلاج و زد مەسیحن.

یەهودا 1:18

ئەوانه وەتنه پێدان: «له زەمانیل ئاخر، تویلەکی کەریلێگ تیەن که کەفتنەسه شون هەواوهەوەسیل خودانەناسانەێ خوێان.»