یەکم یوحەنا 2:13 - کتاب مقدس به زبان کردی جنوبی - گویش کلهوری

¹³ ئێ باوگیل، ئەڕا ئیوه نویسم، چوینکه ئەیو که له سەرەتا هەس، ناسین. ئێ جوانیل، ئەڕا ئیوه نویسم، چوینکه وه ئەو شەڕئاشوه زاڵەو بینه. ئێ ڕوڵەیل، ئەڕا ئیوه نویسم، چوینکه باوگ ئاسمانی ناسین.

یەکم یوحەنا 2:13 ပူးပေါင်းရင်းမြစ်များ

ئنجیل مەتا 11:27

باوگم گشت چشتێگ وه مه سپاردیه. هویچکەس کوڕ نیەناسێ بێجگه باوگ، هویچکەیش باوگ نیەناسێ بێجگه کوڕ و ئەوانه که کوڕ بتواێ باوگ ئەڕاێان ئاشکراێ بکێ.

ئنجیل مەتا 13:19

وەختێ کەسێگ کەڵام پادشایی خودا شنەفێ وەلێ نیەفامیدێ، ئەو شەڕئاشوه تێد و کەڵامێ که وەناو دڵی کاڵیاس، دزید. ئیه هەر ئەو تویەمەسه که کەفتیەسه سەر ڕێ.

ئنجیل مەتا 13:38

زەویزار، ئی جهانەسه؛ تویەم خاسیش، ڕوڵەیل پادشایی خوەدان. غەلتاسەگان، ڕوڵەیل ئەو شەڕئاشونه؛

ئنجیل مەتا 5:37

جا با ’بەڵێ‘ ئیوه ’بەڵێ‘ بود و ’نه‘ ئیوه ’نه‘ بود، فرەتر وه ئیه، وه شەڕئاشوه.

لوقا 10:22

باوگم گشت چشتێگ وه مه سپاردیه. هویچکەس نیەزانێ کوڕ کیه بێجگه باوگ، هویچکەیش نیەزانێ باوگ کیه بێجگه کوڕ و ئەوانه که کوڕ بتواێ باوگ ئەڕاێان ئاشکراێ بکێ.»

یوحەنا 14:7

ئەگەر مه بناسیاین، باوگمیش ناسیاین؛ وه شون ئیه، ئەیو ناسین و دینەسێ.»

یوحەنا 14:9

عیسا وەپێ وەت: «فیلیپوس، قێر فرەێگه هامه گەرددانەو هێمراێ مه نەناسیده؟ کەسێگ که مه دیه، باوگ دیه؛ چوی تویەنێ بویشی ”باوگ وەپێمان نیشان بیه“؟

یوحەنا 16:3

ئی کاريله کەن، چوینکه نه باوگ ئاسمانی ناسینه و نه مه.

یوحەنا 16:33

ئیانه وەپێدان وەتمه تا وەناو مه ئاشتی و سڵامەتی بیاشتوین. وەناو جهان تویش بەرد تێین؛ وەلێ دڵدان قورس بو، مه وه مل ئی جهانه زاڵەو بیمه.»

یوحەنا 17:21

تا ئەوانه گشتێان یەکی بون، ئێ باوگه، هەر ئەوجورە که تو هایده ناو مه منیش هامه ناو توی. با ئەوانیش وەناو ئیمه بون، تا جهان ئیمان بارێ تو مه کل کردیده.

یوحەنا 17:3

زنەیی ئەبەدی ئیەسه، ئەوانه توی که تەنیا خوداێ ڕاسەکانید و عیسا مەسیح که کلی کردیده، بناسن.

یوحەنا 8:19

ئمجا وه عیسا وەتن: «باوگد ها کوره؟» عیسا وەت: «نه مه ناسین و نه باوگم. ئەگەر مه بناسیاین باوگمیش ناسیاین.»

دویم قورنتییل 4:6

چوینکه هەر ئەو خوداێ که فەرمایش کرد: «نویر له ناو تیەریکیەو بدرەوشێد،» نویر خوەێ وەناو دڵمان دروشان تا ڕوشنایی ئاگاداری جەڵاڵ خودا وەناو دەمچەو عیسا مەسیح، وه ئیمه بدرەوشێد.

یەکم نامەێ تیموتاوس 5:1

پیاێ سن ساڵ دار مەگره گازتاوە، بەڵکەم ئەوه هەر جور باوگ خوەد هان بیه و جوانیلیش هەر جور برایل خوەد

تیتوس 2:6

هەر ئیجوره پیاێل جوانیش ئاموژیاری بکه تا وەسەر خوێان زاڵ بون.

یەکم یوحەنا 1:1

له باوەت کەلیمەێ ژیان هەر ئەو کەلیمه که له سەرەتا بی، هەر ئەو کەلیمه که شنەفتیمنه و وه چەویل خوەمان دیمنه، هەر ئەو کەلیمه که نوڕێیمنه پێەو و دەسیل خوەمان دایمنەسەقەێەو.

یەکم یوحەنا 2:1

ئێ ڕوڵەیل وردم، ئی چشتیله ئەڕادان نویسم تا گونا نەکێن. وەلێ ئەگەر کەسێگ گونا کرد، وه لاێ باوگ ئاسمانی وەکیلێگ دێریم، یانێ عیساێ مەسیح سالحان.

یەکم یوحەنا 2:12

ئێ ڕوڵەیل ورد، ئەڕا ئیوه نویسم، چوینکه وەبونەێ ناو ئەیو گونایلدان بەخشریاس.

یەکم یوحەنا 2:14

ئێ باوگیل، ئەڕا ئیوه نویسم، چوینکه ئەیو که له سەرەتا هەس، ناسین. ئێ جوانیل، ئەڕا ئیوه نویسم، چوینکه هێزدارین و کەڵام خودا وه ناودان نیشتەجێه و وه ئەو شەڕئاشوه زاڵەو بینه.

یەکم یوحەنا 3:12

ئیمه نەبایه جور قائن بویمن، ئەوه که هن ئەو شەڕئاشوه بی و براگەێ خوەێ کوشت. ئەڕا چه کوشتی؟ چوینکه کاریل خوەێ خراو بی و کاریل براگەێ درس بی.

یەکم یوحەنا 4:4

ئێ ڕوڵەیل ورد، ئیوه له خوداین و وه سەر ئەو نەبوەتکەریل دروەکانیه زاڵەو بوینه، چوینکه ئەوه که ها ناو ئیوه له ئەوه که ها ناو ئی جهانه گەوراتره.

یەکم یوحەنا 5:18

ئیمه زانیمن که هەر کەسێگ له خودا هاتیەسه دنیا وه گونا کردن بەردەوام نیەمینێ، بەڵکەم ’ئەو کوڕ خودا که له خودا هاتیەسه دنیا‘ پارێزنێدێ و دەس ئەو شەڕئاشوه نیەرەسێده پێ.

یەکم یوحەنا 5:20

هەر ئیجوره ئیمه زانیمن که کوڕ خودا هاتێه و فام داسه پێمان تا ئەیو بناسیم که ڕاسه، ئیمه هایمنه ناو ئەیو که ڕاسه. یانێ وەناو عیسا مەسیح کوڕ ئەیو. ئەیو خوداێ ڕاسەکانی و زنەیی ئەبەدیه.

وەحی وه یوحەنا 12:11

ئەوانه وەگەرد خوین وەرکەگه و وەگەرد کەڵام شاێەتی خوێان له ئەوه بردنەسەو. چوینکه گیان خوێان عەزیز نەزانستنه، تەنانەت تا وه قێ مردن.

وەحی وه یوحەنا 2:7

«هەرکەسێگ گوش دێرێد بشنەفێد که روح خودا وه کلیسایل چه ئویشێد. هەر کەسێگ بوێدەو، وه پێ ئجازەێ خواردن له دار زنەیی بەخشم که ها ناو بەهیشت خودا.