یەکم یوحەنا 2:1 - کتاب مقدس به زبان کردی جنوبی - گویش کلهوری

¹ ئێ ڕوڵەیل وردم، ئی چشتیله ئەڕادان نویسم تا گونا نەکێن. وەلێ ئەگەر کەسێگ گونا کرد، وه لاێ باوگ ئاسمانی وەکیلێگ دێریم، یانێ عیساێ مەسیح سالحان.

یەکم یوحەنا 2:1 ပူးပေါင်းရင်းမြစ်များ

لوقا 10:22

باوگم گشت چشتێگ وه مه سپاردیه. هویچکەس نیەزانێ کوڕ کیه بێجگه باوگ، هویچکەیش نیەزانێ باوگ کیه بێجگه کوڕ و ئەوانه که کوڕ بتواێ باوگ ئەڕاێان ئاشکراێ بکێ.»

یوحەنا 10:15

هەر ئەوجورە که باوگ ئاسمانی ناسێدەم و منیش باوگ ناسم. من گیانم ئەڕا پەسەگان دەم.

یوحەنا 13:33

ڕوڵەیل ورد، تا کەمێگ‎تر وەگەرددانەو مینم. وەشونمەو گەردین و هەر ئەوجورە که وه جویلەکەیل وەتم، ئێرنگەیش وه ئیوه ئویشم نیەتویەنین باینه ئەڕا ئەو شونه که مه چم.

یوحەنا 14:16

منیش له باوگ ئاسمانی داوا کەم و ئەیو پشتیوانێگ تر دەێده پێدان که تا ئەبەد وەگەرددان بمینێ،

یوحەنا 14:6

عیسا وەپێ وەت: «من ڕێ و ڕاسی و ژیانم؛ هویچکەس بێجگه له ڕێ منەو نیەتێدە لاێ باوگ ئاسمانی.

یوحەنا 21:5

عیسا وەپێان وەت: «ڕوڵەیل، ماسی گردینه؟» جواو دان: «نه!»

یوحەنا 5:14

وەشون چەنێ، عیسا پیاگه وەناو مابەد پەێا کرد، وەپێ وەت: «بنوڕ خاسەو بیده، دی گونا مەکه تا له ئیه بەتر وه سەرد نای.»

یوحەنا 5:36

وەلێ مه شاێەتێگ دێرم که له شاێەتی یەحیا گەوراتره، چوینکه کاریلێ که باوگ ئاسمانی وه من سپاردیه تا وه ئەنجام برەسنم، یانێ هەر ئی کاریله که کەم له باوەت مه شاێەتی دەن که باوگ کلم کردێه.

یوحەنا 6:27

ئەڕا خواردمەنێگ کار مەکەن که له بین چود، بەڵکەم ئەڕا خواردمەنێگ کار بکەن که تا زنەیی ئەبەدی مینێدەو، یانێ ئەو خواردمەنیه که کوڕ ئنسان دەیده پێدان. چوینکه خوداێ باوگ مور خوەێ وه ملێەو کوتاس.»

یوحەنا 8:11

ژنەگە وەت: «هویچکەس، گەورەم.» عیسا وەت: «منیش ماکومد نیەکەم. بچو و دیتر وه ئیەولا گونا مەکه.»

کاریل ڕەسولەیل 7:52

کام پەێخەمەره که وه دەس باپیریلدان عەزاو نێیه؟ ئەوانه تەنانەت پەێخەمەریلی که هاتن ئەو سالحانه پێشگویی کردوین، کوشتن؛ ئێرنگەیش ئیوه خود ئەیو داینێ دەسەو کوشتینێ،

رومیەگان 5:10

چوینکه ئەگەر وەختێ که ئیمه دشمەن بویمن، وه وەسلەێ مەرگ کوڕەگەێ وەگەرد خوداوه ئاشتی دریایمن، چەنێ فرەتر ئێرنگه که وەگەرد خوداوه ئاشتی دریایمنه، وەگەرد زنەیی کوڕەگەێ نجات پەێا کیم.

رومیەگان 6:15

جا چه؟ ئێ باێه گونا بکێم چوینکه له ژێر شەریعەت نیمن، بەڵکەم هایمنه ژێر فیز؟ هەراێهەر!

رومیەگان 8:34

جا کیه که بتویەنێ ماکومێان بکێ؟ مەسیح عیساس ئەو کەسه که مرد، تەنانەت نه تەنیا ئیه بەڵکەم زنیەو بی و ها دەس ڕاس خودا، ئەوەسه که وه ڕاسی ئەڕامان ناوجێ کەێ!

یەکم قورنتییل 15:34

بانه سەر خوەدان و دیتر گونا مەکەن؛ چوینکه بڕێگ هەن که خودا نیەناسن. ئیه ئەڕا شەرمزاریدان ئویشم.

دویم قورنتییل 5:21

خودا کەسێگ که گونا نەناسێ، ئەڕا ئیمه کرده گونا، تا وه یەکەو بون وەگەرد ئەیو بویمنه سالحان خودا.

نامه وە غەلاتییل 4:19

ڕوڵەیلم، ئەڕادان وەدواره ژان زایێن کیشم تا وەختێ مەسیح وەناودان وێنه بگرێ،

ئەفسوسیێل 2:18

چوینکه له ڕێ ئەیو، هەردگمان وەناو یەێ روح دەسمان رەسده لاێ باوگ ئاسمانی.

ئەفسوسیێل 4:26

«وەختێ توڕەین، هوشدان بود گونا نەکێن»؛ نێلن ڕوژدان تەمام بود و ئیوه هێمراێ توڕه بوین،

یەکم نامەێ تیموتاوس 2:5

چوینکه تەنیا یەێ خودا هەس و له بین خودا و ئایەمیلیش تەنیا یەێ ناوجێکەر هەس، یانێ ئەو ئنسانه که مەسیح عیساس؛

یەکم نامەێ تیموتاوس 3:14

هەر چەن ئمید ئەوه دێرم که و ئی زویه بامه ئەڕا لاد، وەلێ ئیانه ئەڕاد نویسم،

عبرانییل 9:24

چوینکه مەسیح نەچیه ناو موقەدەسترین شونێگ که وه دەس بەشەر درس کریاوی که نمونەێگ له چشتیل ڕاسەکانیه، بەڵکەم چیه ناو خود ئاسمان تا ئێرنگه له جێ ئیمه له لاێ خوداوه ئاشکرا بود.

یاقوب 1:27

خوداپەرەسی پاک و بی لەک و پێس له وەر چەو خوداێ باوگ، ئەوەسه که دەس یەتیمیل و بێوه ژنيل له وەخت بەردیان بگریم و خوەمان له چەپڵی ئی جهانه بپارێزنیم.

یاقوب 3:9

وەگەرد ئی زوانه خوداوەندمان و باوگ ئاسمانیمان ستایش کەیمن و وەگەرد هەر ئی زوانه ئایەمیلێگ نووڕ کیم که وێنەێ خودا درس کریان.

یەکم پتروس 2:22

«ئەیو هویچ گوناێگ نەکرد و فریوێ وه ناو دەمێ پەێا نوی.»

یەکم پتروس 3:18

چوینکه مەسیحیش یەێ جار ئەڕا گونایل رەنج کیشا، یانێ ئەو ئایەم سالحانه ئەڕا ئەوانه که سالحان نین، تا ئیمه بارێده ئەڕا لاێ خودا. ئەیو وەناو جەسه کوشریا، وەلێ وەناو روح، زنیەو بی و

یەکم یوحەنا 3:18

ئێ ڕوڵەیل ورد، بان مابەت بکێم، نه وه وتار و زوان، بەڵکەم وه کردەوه و ڕاسی.

یەکم یوحەنا 3:5

ئیوه زانین که ئەیو ئاشکرا بی تا گونایل لا بوی. وەناو ئەیو هویچ گوناێگ نیه.

یەکم یوحەنا 3:7

ئێ ڕوڵەیل ورد، با کەس گومڕادان نەکێ. هەر کەسێگ ئەو چشته که درسه وەجێ بارێ، سالحانه. هەر ئەوجورە که ئەیو سالحانه.

یەکم یوحەنا 4:4

ئێ ڕوڵەیل ورد، ئیوه له خوداین و وه سەر ئەو نەبوەتکەریل دروەکانیه زاڵەو بوینه، چوینکه ئەوه که ها ناو ئیوه له ئەوه که ها ناو ئی جهانه گەوراتره.

یەکم یوحەنا 5:17

هەر کار نادرسێگ گوناس، وەلێ گوناێگیش هەس که بایس مردن نیود.

یەکم یوحەنا 5:21

ئێ ڕوڵەیل ورد، خوەدان له بتەگان بپارێزنن.

سێیەم یوحەنا 1:4

هویچ چشتێ فرەتر وه ئیه خوەشاڵم نیەکێ که بشنەفم مناڵیلم وەناو ڕاسی زنەیی کەن.