یەکم یوحەنا 1:8 - کتاب مقدس به زبان کردی جنوبی - گویش کلهوری

⁸ ئەگەر بویشیم گوناێگ نێریم، خوەمان گول دیمن و ڕاسی وه ناومان نیه.

یەکم یوحەنا 1:8 ပူးပေါင်းရင်းမြစ်များ

یوحەنا 8:44

ئیوه وه باوگدان ئبلیس تالوق دێرین و تواین خاستەیل باوگدان وەجێ بارین. ئەوه له سەرەتاوه خوینکەر بی و وەگەرد ڕاسیەو میانەێگ نێرید، چوینکه هویچ ڕاسی وەناوێ نیه. هەر وەخت درو ئویشێ، له زات خوەێ ئویشێ؛ ئەڕا ئیه که دروزنه و باوگ گشت درویله.

رومیەگان 3:10

ئەوجورە که وەناو نویسریایل موقەدەس هاتێه: «هویچکەس سالحان نیه، تەنانەت یەێ نەفەریش نیه.

رومیەگان 3:23

چوینکه گشتیەکی گونا کردنه و له جەڵاڵ خودا کەم تیەرن.

یەکم قورنتییل 3:18

هویچ کەسێگ خوەێ فریو نەێەێ. ئەگەر کەسێگ له لێدان خوەێ وەگەرد پەێمانەیل ئی زەمانه زانا بزانێ، ئەڕا ئیه که بوده زانا باێه نەزان بود.

نامه وە غەلاتییل 6:3

چوینکه ئەگەر ئایەمێگ هەرچەن کەسێگ نیه و خوەێ وه ئایەم گەوراێگ بزانێ، دێرێ خوەێ گول دی.

یەکم نامەێ تیموتاوس 6:5

بوده بایس کیشکاش هەمویشەی له بین ئایەمیلێگ که فکریلێان گە‏نیاس و له ڕاسی دویرەو کەفتنه، گومان کەن خوداپەرەسی ڕێگه ئەڕا نەف کردنێان.

دویم تیموتاوس 3:13

وەلێ ئەوانه که کارێان شەڕئاشویه و فێڵبازن وەناو خراوی چنه نوا؛ گول دەن و گول خوەن.

یاقوب 1:22

وەلێ وه جێ هاوریل کەڵام خودا بون، نه تەنیا گوشکەریلێ که خویان گول دەن!

یاقوب 1:26

ئەگەر کەسێگ خوەێ وه خوداپەرەس بزانێ و هەوسار زوانی له دەسیەو نود، بەڵکەم دڵ خوەێ گول بێی، خوداپەرەسی ئەو ئایەمه هویچ نیەتیەرزی.

یاقوب 3:2

چوینکه گشتمان وەناو چشتیل فرەێگ خەتا کیم. ئەگەر کەسێگ له قسیه کردن خەتا نەکێ، ئنسان کامڵێگه و تویەنێ هەوسار گشت جەسەێ خویشێ بگرێه دەس.

دویم پتروس 2:13

له جێ ئەو خراویه که کردنه، خراوی دوینن. خوەشنودیان ئیەسه له ڕوژ ڕوشن شاوەت هەواوهەوەسیل خوێان وه جێ بارن. ئەوانه لەکەیل نەنگیگن که تەنانەت وەختێ له ناو جەشن هانەگەرددان، له فێڵێل خوێان کەیف کەن.

یەکم یوحەنا 1:10

ئەگەر بویشیمن گوناێ نەکردیمنه، ئەیو وه دروزن دایمنەسه قەڵەم و کەڵامەگەێ وه ناومان نیه.

یەکم یوحەنا 1:6

ئەگەر بویشیم وەگەردێ دوسی دێریم، وه حاڵێگەو که وەناو تیەریکی زنەیی کیم، درو ئویشیمن و ڕاسی وەجێ نیەتیەریم.

یەکم یوحەنا 2:4

ئەوه که ئویشێ «ناسمێ» وەلێ حوکمیلێ وه جا نیەتیەرێ، دروزنه و ڕاسی وەناوێ نیه.

یەکم یوحەنا 4:20

ئەگەر کەسێگ بویشی ”خودا دوس دێرم“ و قینێ له براگەێ خوەێ باێ، ئەوه دروزنه. چوینکه کەسێگ که براگەێ خوەێ که وه چەو دیه، دوسی نیاشتود، نیەتویەنی خوداێگ که وه چەو نیه، دوس بیاشتود.

دویم یوحەنا 1:2

وەبونەێ ئەو ڕاسیه که وەناومان نیشتەجێ بیه و تا ئەبەد وەگەردمانەو مینێد.

سێیەم یوحەنا 1:3

فره دڵخوەشەو بیم وەختێ برایل هاتن و شاێەتی دان که تو وه ڕاسی وەفاداری هەرئەوجوره که تو بی خەڵاف وەناو ڕاسی زنەیی کەی.