یەکم قورنتییل 9:1 - کتاب مقدس به زبان کردی جنوبی - گویش کلهوری

¹ ئێ مه ڕزگار نیم؟ ئێ مه ڕەسول نیم؟ ئێ خوداوەندمان عیسا نێیمه؟ ئێ ئیوه بەر کار من وەناو خوداوەند نین؟

یەکم قورنتییل 9:1 ပူးပေါင်းရင်းမြစ်များ

کاریل ڕەسولەیل 13:2

وەختێ که ئەوانه خوداوەند پەرەسیان و وه ڕوژه بین، روح‌القودوس فەرمایش کرد: «بەرنابا و شائول ئەڕام جیاێانەو بکێن، ئەڕا کارێ که دەنگیان کردمه.»

کاریل ڕەسولەیل 14:14

وەلێ وەختێ ڕەسولەگان، یانێ بەرنابا و پولوس، ئیه شنەفتن، دڵنگیل خوێان دڕانن و دەوینه ناو جەماێەتەگه و هاوار کردن:

کاریل ڕەسولەیل 14:4

مەردم شارەگه بینه دو دەسەوه؛ دەسەیگ هاتنه پشت جویلەکەیل و دەسەیگ چینه لاێ ڕەسولەیل.

کاریل ڕەسولەیل 23:11

هەر ئەو شەوه، خوداوەند له لاێ پولوس وساد و فەرمایش کرد: «دڵد قورس بو! هەر ئەوجورە که وەناو شار ئورشەلیم وه مه شاێەتی داید، وەناو رومیش باێه شاێەتی بێی.»

کاریل ڕەسولەیل 9:15

وەلێ خوداوەند وه حەنانیا وەت: «بچو، چوینکه ئی پیا دەفر هەڵوژاریای منه ئەڕا ئیه که ناو مه لەلاێ ناجویلەکەیل و پادشایلێان و قەوم ئێسرائیل بوەید.

کاریل ڕەسولەیل 9:17

جا حەنانیا دا دەیشت و چیه ناو ئەو ماڵه و دەس ناده سەری، وەت: «شائول براگەم، خوداوەند، یانێ هەر ئەو عیسا که وەختێ هاتیایده ئەڕا ئێرا وەناو ڕێ وه توی ئاشکرا بی، مه کل کردێه تا بینایی خوەد وه دەس باری و پڕ له روح‌القودوس بید.»

کاریل ڕەسولەیل 9:3

وەختێ چیاد و نزیک شار دەمشق بویاد، لەناکاوا نویرێگ له ئاسمان وه دەوریەو درەوشیا.

کاریل ڕەسولەیل 9:5

شائول وەته پێ: «خوداوەندا، تو کەێد؟» جواو هات: «من عیسام، ئەیو کەسه که توی عەزاوی دەی.

رومیەگان 1:1

له پولوس، خوڵام مەسیح عیسا، که دەنگ کریاس تا بوده یەێ ڕەسول، جیاوه بیه تا مزگانی ئینجیل خودا جار بیێ؛

رومیەگان 1:5

ئیمه له ڕێ ئەیو و وەبونەێ ناوێ فیز و خزمەت ڕەسول بێن دریاسه پێمان تا وەناو گشت ملەتیل، مەردم دەنگ بکێم ئەڕا گوش تەکانن له ئیمان.

رومیەگان 11:13

ئێرنگه ڕوی دەمم ها گەرد ئیوه ناجویلەکەیل. له ئەوره که من ڕەسول ناجویلەکەیلم، وه خزمەتەگەی خوەم فره شانازی کەم،

یەکم قورنتییل 1:1

له پولوس، که وه خاست خودا دەنگ کریایه تا بوده ڕەسول مەسیح عیسا، هەر ئیجوره له براگەمان سوستنس،

یەکم قورنتییل 10:29

هەڵبەت مەبەستم وژدان ئەو ئایەمەسه نه وژدان ئیوه. چوینکه ئەڕا باێه وژدان یەکیگتر حوکم بکێ که ڕزگاری مه چەنێگه؟

یەکم قورنتییل 10:30

ئەگەر خواردەمەنێگ وه سپاسەو خوەم، ئەڕا باێه وەبونەێ ئەو چشته که خودا ئەڕاێ سپاس کەم، ماکومم بکەن؟

یەکم قورنتییل 11:16

ئەگەر کەسێگ بتواێ له ئی باوەته مرافە بکێ، باێه بویشم که ئیمه و کلیسایل خودا بێجگه ئیه نەریتیگ تر نێریم.

یەکم قورنتییل 3:6

من تویەمەگه کاڵیم و ئاپولوس ئاوێ دا، وەلێ خودا بی که سەوزی کرد.

یەکم قورنتییل 9:19

چوینکه هەرچەن له گشتیەکی ڕزگارم، خوەم خوڵام گشتیەکی کردم تا قێر فرەێگ وه مەسیح ئیمان بارن.

دویم قورنتییل 10:7

بنوڕن و سەێر بکەن. ئەگەر کەسێگ دڵنیاس که هن مەسیحه، با بزانێ که هەر ئەوجورە که ئەوه هن مەسیحه ئیمەیش هەر وه ئەو ئەنازه هن مەسیحیم.

دویم قورنتییل 11:5

وەلێ گومان نیەکەم مه له ئەوانه که خوێان وه ’گەورا ڕەسولەیل‘ خوەنن چشتێگ کەمتر بیاشتوم.

دویم قورنتییل 6:1

وه جیگەێ هاوکاریل خودا، لاڵکییمنه پێدانەو که فیز خودا وەناو زنەییدان پویچەو نەکێن.

نامه وە غەلاتییل 1:1

له پولوس، ڕەسولێگ که ڕەسالەتەگەێ نه له لاێ ئایەمیل و نه وه وەسلەێ ئایەم، بەڵکەم وه وەسلەێ عیسا مەسیح و خوداێ باوگه که ئەیو له مردگیل زنیەو کرد،

نامه وە غەلاتییل 5:1

ئەڕا ڕزگاری بی که مەسیح ڕزگارمان کردێه. جا قورس بوسن و خوەدان یەێ جارتر مەوەنه ژێر هویەێ خوڵامی.

یەکم تسالونیکییل 2:6

هەر ئیجوره وه شون ئیه نویمنه که ئیوه یا کەسیلێگ تر جەڵاڵمان بێەن. هەر چەن له جیگەێ ڕەسولەیل مەسیح حەق وه ملدانەو داشتیم که ئیه وه لێدان بتوایم،

یەکم نامەێ تیموتاوس 2:7

ئەڕا ئیه که مه هەر وه ئی بونه هەڵوژاریامه تا بانگەوازیکەر و ڕەسول و ماموستاێ ئیمان ڕاسەکانی ئەڕا ناجویلەکەیل بوم، ڕاس ئویشم و درو نیویشم.

دویم تیموتاوس 1:11

ئەڕا ئیه که مه هەڵوژاریامه تا بانگەوازیکەر، ڕەسول و ماموستاێ ئی ئینجیله بوم.