یەکم قورنتییل 8:4 - کتاب مقدس به زبان کردی جنوبی - گویش کلهوری

⁴ جا له باوەت خواردن خواردەمەنیێلێ که پیشکەش بتیل بود، زانیمن که «بت هەر هویچ نیه،» و «بێجگه یە خودا، خوداێگ تر نیه.»

یەکم قورنتییل 8:4 ပူးပေါင်းရင်းမြစ်များ

مەرقوس 12:29

عیسا جواو دا: «گرنگترین حوکم ئیەسه: ”بشنەف ئێ ئێسرائیل، خوداوەند خوداێ ئیمه، خوداوەندیگه که یەکێگە.

کاریل ڕەسولەیل 14:15

«ئێ پیاێل، ئەڕا ئیجوره کەین؟ ئیمەیش جور ئیوه، ئایەمیم. ئیمه مزگانی دیمه پێدان که له ئی چشتیل پویچه دەس بکیشن و ڕوی بارینه خوداێ زنی که ئاسمان و زەوی و دەریا و هەر چی که ها ناوێ، وه دی هاوردێه.

کاریل ڕەسولەیل 15:20

بەڵکەم باێه ئەڕاێان بنویسیم که له چشتیلی که وەخاتر پیشکەشی وه بتیل ناپاکەو بینه و له خیزی و گوشت گیانەوەریل خنکریای و خوین، دویرێ بکەن.

کاریل ڕەسولەیل 19:26

ئەوجورە که دوینین و شنەفین، ئی پولوسه نه تەنیا وەناو ئەفسوس، بەڵکەم هەڵاێه وه سەرئانسەر ئاسیا، فرەێگ له مەردم قانێ کردێه و له ڕێ دەریان کردێه. ئەوه ئویشێ خودایل درس کریاێ وه دەس بەشەر، خودا نین.

یەکم قورنتییل 8:1

له باوەت خواردەمەنی پیشکەشی وه بتیل: زانیمن که «گشتمان ئایەمیل زاناێگیم.» وەلێ زانایی بوده بایس لویتبەرزی، وەلێ مابەت، بنیاد نێ.

یەکم قورنتییل 8:10

ئەڕا ئیه که ئەگەر یەکیگ که وژدانێ بی هاز بود و بوینی تو که زانایی و وەناو بتخانه نیشتیدەسە خواردن، ئێ هانی نێرێید تا له خواردەمەنی پیشکەشی وه بتیل بخوێ؟

یەکم قورنتییل 8:11

جا ویجوره، زاناییەگەد بوده بایس نابودی ئەو براێ بی هازه که مەسیح وەبونەێ مرد.

نامه وە غەلاتییل 4:8

وەرجه ئیه، وەختێ خودا نیەناسیاین، خوڵامی چشتیلی کردیاين که وه ڕاسی خودا نین.

ئەفسوسیێل 4:6

یەێ خودا و باوگ ئاسمانی گشتیەکیگ که بانتر له گشته و له ڕێ گشت و ها ناو گشتیەکی.

یەکم نامەێ تیموتاوس 1:17

وه ئەو خوداێگ که یەکێگە، پادشاێ دەورەیله، نەمر و نادیاریه، تا دنیا دنیاس حرمەت و جەڵاڵ بود؛ ئامین!

یەکم نامەێ تیموتاوس 2:5

چوینکه تەنیا یەێ خودا هەس و له بین خودا و ئایەمیلیش تەنیا یەێ ناوجێکەر هەس، یانێ ئەو ئنسانه که مەسیح عیساس؛

یەهودا 1:25

وه ئەیو خوداێگ که یەکێگە و نجات دەر ئیمه، له ڕێ عیسا مەسیح، خوداوەند ئیمه، وه ئەیو که له ئەزەڵ بیه، ئێرنگه هەس و تا ئەبەد هەر هەسەێ، جەڵاڵ و گەورایی و حوکمرانی و دەسڵات بود! ئامین.