یەکم قورنتییل 8:1 - کتاب مقدس به زبان کردی جنوبی - گویش کلهوری

¹ له باوەت خواردەمەنی پیشکەشی وه بتیل: زانیمن که «گشتمان ئایەمیل زاناێگیم.» وەلێ زانایی بوده بایس لویتبەرزی، وەلێ مابەت، بنیاد نێ.

یەکم قورنتییل 8:1 ပူးပေါင်းရင်းမြစ်များ

کاریل ڕەسولەیل 15:10

جا ئیسه ئەڕا چه خودا ئەزمون کين و هویەێگ خینه مل شاگردیل که نه باپیریلمان و نه خوەمان تویەنسیم هەڵێ بگریمن؟

کاریل ڕەسولەیل 15:29

خوەدان له هەر چشتێگ که ئەڕا بتیل پیشکەش کریاس و خوین و گوشت گیانەوەریل خنکریای و خیزی، دویرەو بکەن. هەر وەخت له ئی چشتیله پارێز کردین، کار خاسێگ کردینه. ماڵئاوا.»

کاریل ڕەسولەیل 21:25

وەلێ له باوەت ئیمانداریل ناجویلەکه، نامەێگ کل کردیم و حوکم کردیم که باێه له خوراک پیشکەشی وه بتیل و خوین و گوشت گیانەوەریل خنکریای و خیزی پارێز بکەن.»

رومیەگان 11:25

ئێ برایل، نیەتوام له ئی رازه بی خەوەر بوین - نەخواێ خوەدان وه زانا بزانین - دڵڕەقی وه بەشێگ له ئێسرائیل حوکم فەرما بیه، تا وەختێ که ژمارەێ ناجویلەکەیلێگ که وه مەسیح ئیمان تیەرن، کامڵەو بود.

رومیەگان 12:16

وەگەرد یەکترەکی بسازن! لویتبەرز نەون، بەڵکەم وەگەرد ئایەمیل پایەنزم، هات بچو بکەن. هویچ وەخت خوەدان وه زانا میەنه قەڵەم.

رومیەگان 14:10

تو ئەڕا براگەێ خوەد ماکوم کەی؟ یا ئەڕا وه براگەێ خوەد وه چەو سوک نوڕێید؟ چوینکه گشتمان لەنواێ تەخت داوەری خودا وسیمن.

رومیەگان 14:14

من وەناو خوداوەند عیسا زانم و قانێ بیمه که هویچ چشتێگ وه خوێەو ناپاک نیه. وەلێ ئەگەر کەسێگ فکر کەێد که ئەوه ناپاکه، ئەڕاێ ناپاکەو بود.

رومیەگان 14:19

جا بان وەشون ئەو چشته بویمن که بایس ئاشتی و سڵامەتی و وەسەرپاناین یەکترەکیمانه.

رومیەگان 14:22

باوەڕێ که له باوەت ئی چشتیله دێرێ، با لەلاێ خوەد و خودا بمینێ. خوەش وه حاڵ کەسێگ که له باوەت ئەو چشته که خوەێ پەسەنی کەێد، داوەری خوەێ نیەکێ.

رومیەگان 14:3

ئەوه که گشت چشتێگ خوەێ، نەبایه وه ئەوه که نیەخوەێ وه چەو سوک بنوڕیده پێەو؛ ئەوه که گشت چشتێگ نیەخوەێ، نەبایه ئەو کەسه که هەر خواردەمەنێگ خوەێ، ماکوم بکێ. چوینکه خودا ئەو کەسه قەبوڵ کردێه.

رومیەگان 15:14

ئێ برایلم، مه خوەم له ئیوه دڵنیام که خودان له خاسی پڕین و له هەر چی ماریفەته پڕین و تویەنین یەکترەکی تالیم بێین.

یەکم قورنتییل 1:5

چوینکه ئیوه وەناو مەسیح له هەر باوەتەو دەوڵەمەن بینه، وەناو هەر لەون وەتن و ماریفەتێگ -

یەکم قورنتییل 10:15

وەگەرد زانایل قسیه کەم؛ خوەدان له باوەت ئەو چشته که ئویشم داوەری بکەن.

یەکم قورنتییل 10:28

وەلێ ئەگەر کەسێگ وەپێدان وەت: «ئی گوشته پیشکەش بیەسه بتیل.» جا وەبونەێ کەسێگ که خەوەر داسه پێدان و وەبونەێ وژدان، له لێ نەخوەین.

یەکم قورنتییل 14:20

ئێ برایل، وەناو دەرک و فام مناڵ نەون، بەڵکەم وەناو خراوی کردن مناڵ بوین. وه چەواشەوه، وەناو دەرک و فام بازڵه بوین.

یەکم قورنتییل 15:34

بانه سەر خوەدان و دیتر گونا مەکەن؛ چوینکه بڕێگ هەن که خودا نیەناسن. ئیه ئەڕا شەرمزاریدان ئویشم.

یەکم قورنتییل 4:10

ئیمه وەبونەێ مەسیح نەزانیم، وەلێ ئیوه وەناو مەسیح زانیارین! ئیمه بێهازیم، وەلێ ئیوه هێزدارین! ئیمه سوکیمن، وەلێ ئیوه وه حرمەتین!

یەکم قورنتییل 4:18

بڕێگ لویتبەرزەو بوینه، وه ئی گومانه که مه دی نیەتیمه ئەڕا لادان.

یەکم قورنتییل 4:6

ئێ برایل، گشت ئی نمونەیله ئەڕا خوەم و ئاپولوس وه کار بردم تا وه نەفدان بود، تا له ئیمه یاێ بگرن که له ئەو چشته که نویسریاس، نەچینه ئەولاتر. تا هویچکامدان خوەێ له کەسێگ بانتر وه حساو نارێ و سوکایەتی وه کەسێگ تر بکێ.

یەکم قورنتییل 5:2

جا ئیوه شانازی کین! ئێ نەبایه ئازیەتبار بوین و کەسێگ که ئیجور کارێگ کردێه وەناو خوەدان دەرێ بکێن؟

یەکم قورنتییل 5:6

شانازی‎کردنێدان له ئی باوەته هویچ درس نیه. ئێ نيەزانين که توزێگ خەویرترش تویەنێ گشت خەویرەگه هەڵ بارێ؟

یەکم قورنتییل 8:2

ئەو کەسه که گومان کێ چشتێگ زانی، هێمراێ ئەوجورە که باێه بزانێ، نیەزانێ.

یەکم قورنتییل 8:4

جا له باوەت خواردن خواردەمەنیێلێ که پیشکەش بتیل بود، زانیمن که «بت هەر هویچ نیه،» و «بێجگه یە خودا، خوداێگ تر نیه.»

یەکم قورنتییل 8:7

وەئی حاڵەو گشتیەکی ئیه نیەزانن. ئەڕا ئیه که بڕێگ تا ئێرنگه ئەوقره چشکیانەسە بتیل که هێمراێ ئەگەر له ئی خوراردەمەنییلی که وه ڕاسی وه بتیل پیشکەش بینه بخوەن، وژدانێان چەپەڵەو بود، ئەڕا ئیه که بی هازن.

ئەفسوسیێل 4:16

له ئەیوه که گشت جەسه، وه وەسلەێ هەر مەفسەلیگ که ئەڕا ئەوانه گورجەو بیه، بەسیەنه قێ یەک و یەکترەکی گرن. جا وەختێ هەر ئەنامێگ درس کار بکێ، بایس بود جەسه گەورا بود تا خوەێ وەناو مابەت بنێدەێ سەر پاوه.

نامه وه کولوسییل 2:18

مێیلن کەسێگ که پامل سوکەو کردن جەسه و پەرەسین فریشتەیله، ڕەددان بکەید. ئیجور کەسێگ سەر خوەێ گەرم چشتیلی کەید که وەناو رویایلی دیه و فکر دنیایی ئەوه وه هویچ پەتی، قوزی کردێه.

وەحی وه یوحەنا 2:14

«وەلێ، یەک دو هەڵه وه پێد دێرم. له ئەوره کەسیلێگ ديری که کەفتنەسه شون تالیم بەلعام؛ هەر ئەوه که وه باڵاق یاێ دا که کوچگیگ بخیده نوای پاێ بەنیئیسرائیل که بایس کەفتنێان بود، تا له خواردەمەنی پیشکەشی وه بتیل بخوەن و دەس بێەنه خیزی.

وەحی وه یوحەنا 2:20

وەلێ ئی هەڵه وه توی دێرم که پاپێ ئەو ژن ئیزابل ناوه نێید که خوەێ وه پەێخەمەرێگ زانید. هەر ئەوه که وەگەرد تالیم خوەێ خوڵامیل مه گول دەێد تا دەس وه خیزی بێەن و له خواردەمەنی پیشکەشی وه بتیل بوخوەن.