یەکم قورنتییل 7:2 - کتاب مقدس به زبان کردی جنوبی - گویش کلهوری

² وەلێ وەبونەێ خێزیێلێ که هەس، هەر پیاێگ باێه ژن خوەێ بیاشتود و هەر ژنێگ شوی خوەێ.

یەکم قورنتییل 7:2 ပူးပေါင်းရင်းမြစ်များ

ئنجیل مەتا 5:32

وەلێ مه وەپێدان ئویشم، هەر کەس ژنەگەێ بێجگه وەبونەێ خیزی تەڵاقێ بێی، بوده بایس داوانپێسی کردنێ؛ هەر کەیش ژن تەڵاق دریاێ بخوازێ، داوانپێسی کەید.

یەکم قورنتییل 6:18

له خیزی دەربچن! هەر گوناێگتر که ئنسان بکێ ها دەیشت جەسەێ، وەلێ کەسێگ که خیزی کێ، وه جەسەێ خوەێ گونا کێ.

یەکم قورنتییل 7:1

ئێرنگه له باوەت ئەو چشتیلی که ئەڕام نویساینه، ئویشین: «خاس نیه پیا دەس بیده قێ ژنێگ.»

یەکم قورنتییل 7:3

پیا باێه دێنی که وه مل ژنەگەێ دێرێ وه جێ بارێ و ژنەگەیش ئەڕا شویەگەێ.

یەکم قورنتییل 7:9

وەلێ ئەگەر وەسەرخوێان زاڵ نیەون، باێه هاوسەر بگرن، ئەڕا ئیه که هاوسەرگیری خاستره له سزیاین وەناو ئاگر شاوەت.

ئەفسوسیێل 5:28

هەر ئیجوره، شوییل باێه ژنیلیان جور جەسەێ خوێان دوس بیاشتون. ئەوه که ژن خوەێ دوس بیاشتود، دوس خوەێ دێرێ.

ئەفسوسیێل 5:33

کوڵ و کوڵبڕ، هەر کامدان باێه ژنەگەێ جور خوەێ دوس بیاشتود و ژنیش باێه هوشی بود که حرمەت شویەگەێ بگرێ.

یەکم تسالونیکییل 4:4

هەر کامدان باێه بزانێ که چوی وەناو موقەدەس بوین و حرمەت، جەسەێ بگرێه ژێر فەرمان خوەێ.

یەکم نامەێ تیموتاوس 4:3

ئیانه ئویشن ژن نەخوازین و وه پارێز له خواردەمەنیێلێ فەرمان دەن که خودا درس کردێه تا ئیمانداریلێگ که وه ڕاسی ئیمان دێرن و ناسنێ، وەگەرد شوکر کردن له ئەوه نسیو بوەن.