یەکم قورنتییل 5:1 - کتاب مقدس به زبان کردی جنوبی - گویش کلهوری

¹ وه ڕاسی خەوەر ڕەسیه که خیزی ها ناودان، ئەویش وه لەونی که ئی کاره ئەوقره گە‎نه تەنانەت بتپەرەسیلیش نیەتویەنن تاموڵی بکەن. شنەفتمه پیاێگ وەگەرد باوەژنێ خەفتیه.

یەکم قورنتییل 5:1 ပူးပေါင်းရင်းမြစ်များ

کاریل ڕەسولەیل 15:20

بەڵکەم باێه ئەڕاێان بنویسیم که له چشتیلی که وەخاتر پیشکەشی وه بتیل ناپاکەو بینه و له خیزی و گوشت گیانەوەریل خنکریای و خوین، دویرێ بکەن.

کاریل ڕەسولەیل 15:29

خوەدان له هەر چشتێگ که ئەڕا بتیل پیشکەش کریاس و خوین و گوشت گیانەوەریل خنکریای و خیزی، دویرەو بکەن. هەر وەخت له ئی چشتیله پارێز کردین، کار خاسێگ کردینه. ماڵئاوا.»

یەکم قورنتییل 1:11

چوینکه ئێ برایلم، ئاڵ ماڵ خلوئه خەوەر دانەسه پێم که مرافه ها ناودان.

یەکم قورنتییل 5:11

وەلێ ئێرنگه ئەڕادان نویسم که وەگەرد کەسێگ که خوەێ وه برا زانی، وەلێ خیز، یا تەماکار یا بتپەرەس یا خراودەر یا سەرخوەشکەر یا فێڵبازه، هاتبچو نەکێن و تەنانەت وەگەرد ئیجور کەسێگ هاوسفره نەون.

یەکم قورنتییل 6:13

ئویشین: «خواردەمەنی ئەڕاێ زگه و زگ ئەڕا خواردەمەنی» جا خودا، هەم ئیه و هەم ئەوه له بین بید. وەلێ جەسه ئەڕا خیزی نیه، بەڵکەم ئەڕا خوداوەنده و خوداوەندیش ئەڕا جەسه،

یەکم قورنتییل 6:18

له خیزی دەربچن! هەر گوناێگتر که ئنسان بکێ ها دەیشت جەسەێ، وەلێ کەسێگ که خیزی کێ، وه جەسەێ خوەێ گونا کێ.

یەکم قورنتییل 6:9

ئێ نيەزانين کەسیلێ که حەق نەنه ژێر پا نیەونه میراتیخوەر پادشایی خودا؟ خوەدان گول مەێەن! داوانپێسیل، بتپەرەسیل، خێزیل، نێربازیل،

دویم قورنتییل 12:21

هەر ئیجوره ڕخم چود وەختێ بامه ئەڕا لادان، خودا یەێ جارتر من له لاێ ئیوه بی فیسەو بکێ و ئەڕا بڕێگ که له جاران گونا کردن و له ناپاکی، خیزی و هەرزەیی خوێان توبه نەکردنه، خەمبارەو بوم.

دویم قورنتییل 2:5

ئێرنگه ئەگەر کەسێگ بیەسه بایس خەمباریم، نه تەنیا مه خەمبارەو کردێه، بەڵکەم - ئەگەر تن نەچویم - تا ئەنازەێ گشتدان خەمبارەو کردێه.

دویم قورنتییل 7:12

جا ئەگەر ئەڕادان نامه نویسام وەبونەێ ئەو کەسه که خراوی کردێه و یا ئەوه که وەپێ خراوی بیه، نویه؛ بەڵکەم وه ئی بونه بی که لەلاێ خوداوه غیرەتدان وه ئیمه، وه خوەدان ئاشکرا بود.

نامه وە غەلاتییل 5:19

کاریل جەسه ئاشکراس: خیزی، ناپاکی، هەرزەی؛

ئەفسوسیێل 5:3

وەلێ نەخواێ تەنانەت قسیەیگ له خیزی یا هەر جور ناپاکی یا تەماێگ له ناودان باێده دەیشت، چوینکه ئیانه ئەڕا ئیمانداریل وه مەسیح مناسو نیه.

نامه وه کولوسییل 3:5

جا، هەر چی وەناودان هن زەویه، بکوشنێ، یانێ خیزی، ناپاکی، هەواوهەوەس، خاستەیل گەن و تەما که هەر ئەو بتپەرسیەسه.

یەکم تسالونیکییل 4:7

چوینکه خودا ئیمه نه وه ناپاکی بەڵکەم وه قودوسیەت دەنگ کردێه.

وەحی وه یوحەنا 2:21

وه پێ دەرفەت دام تا توبه بکێ، وەلێ نیەتواێ له خیزی خوەێ توبه بکێ.

وەحی وه یوحەنا 21:8

وەلێ نسیو زاورچیەیل و بی ئیمانیل و قیزهاوەریل و ئایەم کوشیل و خێزیل و جادوکەریل و بتپەرەسیل و گشت دروزنیل، دەریاچەێ گڕان وه ئاگر و گوگرده. ئیه مەرگ دویمه.»