یەکم قورنتییل 4:8 - کتاب مقدس به زبان کردی جنوبی - گویش کلهوری

⁸ ئێرنگه ئیوه وه هەر چی تواسینه، ڕەسینه! ئێرنگه دەوڵەمەنەو بینه! بی ئیمه بینەسه پادشا! خوەزگه وە ڕاسی پادشایی بکردیاين تا ئیمه وەناو ئی پادشاییه وەگەرددان بەشدارەو بویایمن!

یەکم قورنتییل 4:8 ပူးပေါင်းရင်းမြစ်များ

ئنجیل مەتا 5:1

وەختێ عیسا ئەو جەماێەته دی، چیه ئەڕا بان کویەێگ و دانیشت، جا شاگردەگانێ هاتنه ئەڕا لاێ.

لوقا 6:25

وای وه حاڵ ئیوه که ئێرنگه تێرین، چوینکه ورسێدان بود. وای وه حاڵ ئیوه که ئێرنگه دەمه خەنین، چوینکه ئازیەتبار بوین و کەفینه گیره.

کاریل ڕەسولەیل 26:29

پولوس وه جواوی وەت: «له خودا توام که دێر یا زوی، نه تەنیا ئیوه، بەڵکەم گشت کەسیلێ که ئیمڕو گوش دەنه مه، جور منه پێان باێ، هەڵبەت نه وەناو زنجیر!»

رومیەگان 12:3

چوینکه له ڕێ فیزێگ که دریاسه مه، وه هەر کامدان ئویشم که خوەدان فرەتر له ئەو چشته که باێه، نەزانین، بەڵکەم هەرکەس چەنه ئیمانێگ که خودا ئەڕاێ دیاری کردێه، هوشیارانه خوەێ داوەری بکێ.

یەکم قورنتییل 1:5

چوینکه ئیوه وەناو مەسیح له هەر باوەتەو دەوڵەمەن بینه، وەناو هەر لەون وەتن و ماریفەتێگ -

یەکم قورنتییل 4:18

بڕێگ لویتبەرزەو بوینه، وه ئی گومانه که مه دی نیەتیمه ئەڕا لادان.

یەکم قورنتییل 5:6

شانازی‎کردنێدان له ئی باوەته هویچ درس نیه. ئێ نيەزانين که توزێگ خەویرترش تویەنێ گشت خەویرەگه هەڵ بارێ؟

دویم قورنتییل 11:1

خوەزگەو یەێ قێر گیلگەوجی مه تاموڵ بکێن. تاموڵم بکێن!

دویم قورنتییل 13:9

چوینکه هەر وەخت ئیمه بی هاز بویمن و ئیوه هێزدار، بایس خوەشیمانه، جا دوعای ئیمه ئیەسه که ئیوه کامڵەو بوین.

نامه وە غەلاتییل 6:3

چوینکه ئەگەر ئایەمێگ هەرچەن کەسێگ نیه و خوەێ وه ئایەم گەوراێگ بزانێ، دێرێ خوەێ گول دی.

نامەێ فیلیپییل 1:27

تەنیا لەلێدان توام که ڕێ رەوشت زنەییدان شایسەێ ئینجیل مەسیح بود تا ئیجوره، چ بام بوينمەدان و چ له ئەوره نەوم، له باوەت ئیوه بشنەفم که وەناو یەێ روح قورس وساینه و وه یەێ فکر، شان وه شان یەک ئەڕا ئیمان ئینجیل تەقالا بکێن و

نامەێ فیلیپییل 2:12

جا ئێ عەزیزەیلم، هەر ئەوجورە که هەمویشه گوش تەکانینه، ئێرنگەیش نه تەنیا وەختێگ که هامه لادان، بەڵکەم فره فرەتر وەختێ له لادان نیم، نجات خوەدان وه ترس و لەرزەو بگرنه کار؛

وەحی وه یوحەنا 3:17

چوینکه ئویشێد: ”دەوڵەمەنم؛ ماڵ گردەو کردمه و هەوەجیم وه چشتێگ نیه.“ جا خەوەر نێری که چارەسیه و بێبەخت و گێا و کور و ڕویتی.

وەحی وه یوحەنا 5:10

جا ئەوانه کردیدەسه حوکومەتێگ و کاهنیلێگ ئەڕا خوداێ ئیمه و ئیانه وه مل زەوی سەڵتەنەت کەن.»