یەکم قورنتییل 4:7 - کتاب مقدس به زبان کردی جنوبی - گویش کلهوری

⁷ ئەڕا ئیه که کی توێ سەرتر درس کردێه؟ چه ديری که نەوەخشریاسه پێد؟ جا ئەگەر بەخشریاسە پێد، ئەڕا ئەوجورە شانازی کەی که چماێ نەگردیدەسێ؟

یەکم قورنتییل 4:7 ပူးပေါင်းရင်းမြစ်များ

لوقا 19:13

جا، ده نەفەر له خوڵامیل خوەێ چڕێ و وه هەر کامێان یەێ سکەێ تەڵا دا و وەت: ”تا وەختێ تیەمەو وەگەرد ئی پویله بازرگانی بکەن.“

یوحەنا 1:16

پڕی ئەیو نسیو گشتمان بیه، فیز له بان فیز.

یوحەنا 3:27

یەحیا جواو دا: «کەس نیەتویەنی چشتێ وه دەس بارێ، مەر ئیه که له ئاسمان دریاویده‎ پێ.

رومیەگان 1:5

ئیمه له ڕێ ئەیو و وەبونەێ ناوێ فیز و خزمەت ڕەسول بێن دریاسه پێمان تا وەناو گشت ملەتیل، مەردم دەنگ بکێم ئەڕا گوش تەکانن له ئیمان.

رومیەگان 12:3

چوینکه له ڕێ فیزێگ که دریاسه مه، وه هەر کامدان ئویشم که خوەدان فرەتر له ئەو چشته که باێه، نەزانین، بەڵکەم هەرکەس چەنه ئیمانێگ که خودا ئەڕاێ دیاری کردێه، هوشیارانه خوەێ داوەری بکێ.

رومیەگان 12:6

وه پێ فیزێگ که لەلاێ خودا دریاسه پێمان، ئیمه خەڵاتیلێگ دێریم که جور یەک نین، جا باین تا خەڵاتیەگانمان وه کار بویم. ئەگەر خەڵاتیمان نەبوەته، ئەوه وه پێ ئیمانمان وه کار بگریم.

یەکم قورنتییل 15:10

وەلێ وه فیز خودا من ئەوەمه که هەم، هەر ئیجوره فیز ئەیو ئەڕا من بێ سود نوی. وه چەواشەوه، من له گشت ئەوانه فرەتر کار کردم، هەر چەن وەڕاسی خوەم نویم، بەڵکەم ئەو فیز خودا بی که ها گەردما.

یەکم قورنتییل 3:5

مەر ئاپولوس کیه؟ پولوس کیه؟ ئەوانه تەنیا خزمەتکاریلێگن که خودا کارێگ داسه دەس هەر کامێان تا ئیوه له ڕێ ئەوانه ئیمان بارین.

یەکم قورنتییل 5:6

شانازی‎کردنێدان له ئی باوەته هویچ درس نیه. ئێ نيەزانين که توزێگ خەویرترش تویەنێ گشت خەویرەگه هەڵ بارێ؟

یەکم قورنتییل 7:7

ئەزرەت ئیه داشتم که گشتدان جور من بویاتیان، وەلێ هەر کەس خەڵاتی وه تایبەتی له خودا گردێه؛ یەکی یە خەڵاتی دێرێ و یەکیگتر خەڵاتێگتر.

یاقوب 1:17

هەر خەڵات خاس و هەر خەڵات کامڵ له بانه، له لاێ باوگ نویریل تێدە خوار. هەر ئەو باوگه که وەناوێ نه گویڕیانیگ هەس و نه هویچ ساێەڕکیگ که وەبونەێ گویڕیان بود.

یەکم پتروس 4:10

هەر جور کار وه دەسیل خاسێگ که فیز جورواجور خودا سپاریاسه ئەوانه، هەر کام له ئیوه، خەڵاتی که دینەسەو، ئەڕا خزمەت وه یەکترەکی وه کار بوەن.