یەکم قورنتییل 4:6 - کتاب مقدس به زبان کردی جنوبی - گویش کلهوری

⁶ ئێ برایل، گشت ئی نمونەیله ئەڕا خوەم و ئاپولوس وه کار بردم تا وه نەفدان بود، تا له ئیمه یاێ بگرن که له ئەو چشته که نویسریاس، نەچینه ئەولاتر. تا هویچکامدان خوەێ له کەسێگ بانتر وه حساو نارێ و سوکایەتی وه کەسێگ تر بکێ.

یەکم قورنتییل 4:6 ပူးပေါင်းရင်းမြစ်များ

کاریل ڕەسولەیل 18:24

وه ئەو ڕوژیله، جویلەکەێگ، وه ناو ئاپولوس، له مەردمیل شار ئەسکەنەریە، هاته ئەڕا ئەفسوس. ئەوه قسیەکەر تویەناێگ بی و له کتاو موقەدەسیش فره زانستیاد؛

کاریل ڕەسولەیل 19:1

ئەو وەخته که ئاپولوس وەناو شار قورنتوس بی، پولوس له مەنتەقەیل ناوەین، ڕەد بی و ڕەسیه شار ئەفسوس. وه ئەوره چەن نەفەر شاگرد پەێا کرد و

رومیەگان 12:3

چوینکه له ڕێ فیزێگ که دریاسه مه، وه هەر کامدان ئویشم که خوەدان فرەتر له ئەو چشته که باێه، نەزانین، بەڵکەم هەرکەس چەنه ئیمانێگ که خودا ئەڕاێ دیاری کردێه، هوشیارانه خوەێ داوەری بکێ.

یەکم قورنتییل 1:12

مەبەستم ئیەسه که یەکیگدان ئویشێ، «من کەفتمەسە شون پولوس»؛ یەکیگتر ئویشێ، «من کەفتمەسە شون ئاپولوس»؛ یەکیگ ئویشێ، «من کەفتمەسە شون کیفا»؛ و یەکیگتر، که «من کەفتمەسە شون مەسیح.»

یەکم قورنتییل 1:19

چوینکه وەناو کتاو ئەشعەیاێ پەێخەمەر نویسریاس: «زانیاری زانیاریل له بین بەم و فام فامداریل پویچەو کەم.»

یەکم قورنتییل 1:31

جا هەر ئەوجورە که وەناو کتاو ئرمیای پەێخەمەر نویسریاس: «هەر کەس شانازی کێ، وه خوداوەند شانازی بکێ.»

یەکم قورنتییل 13:4

مابەت سەور دێرێ و مێرەبانه؛ مابەت حەسویی نیەکێ و وه خوەێ شانازی نیەکێ، مابەت لوەیتبەرز نیه،

یەکم قورنتییل 3:19

وەبونەێ ئیه که زانیاری ئی جهانه له وەر چەو خودا نەزانیه. ئەوجورە که وەناو کتاو ئەیوب نویسریاس: «زانیاریل تویش فێڵبازی خوێان تیەرێ.»

یەکم قورنتییل 3:21

جا دی کەسێگ وه ئایەم شانازی نەکێ. چوینکه گشت چشتێگ هن ئیوەس،

یەکم قورنتییل 5:2

جا ئیوه شانازی کین! ئێ نەبایه ئازیەتبار بوین و کەسێگ که ئیجور کارێگ کردێه وەناو خوەدان دەرێ بکێن؟

یەکم قورنتییل 5:6

شانازی‎کردنێدان له ئی باوەته هویچ درس نیه. ئێ نيەزانين که توزێگ خەویرترش تویەنێ گشت خەویرەگه هەڵ بارێ؟

یەکم قورنتییل 8:1

له باوەت خواردەمەنی پیشکەشی وه بتیل: زانیمن که «گشتمان ئایەمیل زاناێگیم.» وەلێ زانایی بوده بایس لویتبەرزی، وەلێ مابەت، بنیاد نێ.

یەکم قورنتییل 9:23

گشت ئی چشتیله وەبونەێ ئینجیل کەم، تا وەناو بەەرکەتەگەێ بەشدار بوم.

دویم قورنتییل 10:12

نه ئیه که ئیمه جرئەت کیم خوەمان وەگەرد کەسیلێ که له خوێان تاریف کەن یەکی بکێم یا خوێان وەگەرد یەکترەکی هەڵسەنگنن. وەلێ وەختێ خوێان وەگەرد یەکترەکی بەراورد کەن، دیاره که چەنێ نەزانن.

دویم قورنتییل 10:15

ئیمه حەد خوەمان پارێزنیم و وه کاریلێ که کەسیلتر کردنه شانازی نیەکیم. وەلێ ئمیدمان ئیەسه که هەر چ ئیماندان فرەتر بود، پاناێ خزمەتمان وەناو ئیوەیش فرەترەو بود،

دویم قورنتییل 10:7

بنوڕن و سەێر بکەن. ئەگەر کەسێگ دڵنیاس که هن مەسیحه، با بزانێ که هەر ئەوجورە که ئەوه هن مەسیحه ئیمەیش هەر وه ئەو ئەنازه هن مەسیحیم.

دویم قورنتییل 11:4

چوینکه ئەگەر کەسێگ باێ ئەڕا لادان و عیساێ تر بێجگه ئەوه که ئیمه بانگەوازی کردیمنه پێدان، بانگەوازی بکێ، یا ئەگەر روحێگ جیا له ئەو روحه که گردینەسەوەر یا ئینجیلێگ تر له ئەو ئینجیله که شنەفتینه بویشێده پێدان، وه ئاسانی تاموڵی کین.

دویم قورنتییل 12:19

ئی هەمگه وەخته فکر کردیاین که ئيمه له خوەمان وەنوادان دەفا کردیمنه؟ نەخیر، ئیمه لەلاێ خوداوه جور کەسیلێگ قسیه کەیمن که هانه ناو مەسیح، هەر چی کيمن، ئێ عەزیزەیل، ئەڕا بنیاد ناین ئیوەس.

دویم قورنتییل 12:20

چوینکه له ئەوه ڕخم چود وەختێ بامه ئەڕا لادان ئەوجورە که توام، نوینمەدان و ئیوەیش ئەوجورە که تواین، نوینینەم. نەکێ وەناودان مرافه، حەسویی، توڕه بوین، دشمەنی، بخت کردن، خوسپ کردن، لویتبەرزی و شل شێویایی بوینم.

دویم قورنتییل 12:6

تەنانەت ئەگەر بتوام شانازی بکەم، گیلگەوج نیم، چوینکه ڕاسەگەی ئویشم. وەلێ خوەم پارێزنم تا نەخواێ کەسێگ فرەتر له ئەو چشته که له منا دوینی و شنەفێ فکر بکێ.

دویم قورنتییل 4:15

ئەڕا ئیه که ئیانه گشتێ وەبونەێ ئیوەس، تا فیزێگ که کەسیل فرەتر و فرەتر گرێدە وەر، بوده بایس سپاس فرەتر ئەڕا جەڵاڵ خودا.

نامه وه کولوسییل 2:18

مێیلن کەسێگ که پامل سوکەو کردن جەسه و پەرەسین فریشتەیله، ڕەددان بکەید. ئیجور کەسێگ سەر خوەێ گەرم چشتیلی کەید که وەناو رویایلی دیه و فکر دنیایی ئەوه وه هویچ پەتی، قوزی کردێه.

یەکم تسالونیکییل 1:5

ئەڕا ئیه که ئینجیلێگ که ئیمه جار دایمنه نه تەنیا وەگەرد کەلیمەیل، بەڵکەم وەناو هێز و وەناو روح‌القودوس و وەگەرد دڵنیایی کامڵ وه پێدان رەسێ، ئیوه زانين که وه خاتر ئیوه رێ رەوشتمان وه‌ناودان چوی بی.

دویم تیموتاوس 2:10

جا گشت چشتێگ وه بونەێ هەڵوژاریەگان تاموڵ کەم تا ئەوانیش نجاتیگ که ها ناو مەسیح عیسا، وەگەرد جەڵاڵ ئەبەدی وه دەس بارن.