یەکم قورنتییل 4:1 - کتاب مقدس به زبان کردی جنوبی - گویش کلهوری

¹ جا گشتیەکی باێه ئیمه جور خزمەتکاریل مەسیح و کاروەدەسیل رازیل خودا بوینن.

یەکم قورنتییل 4:1 ပူးပေါင်းရင်းမြစ်များ

ئنجیل مەتا 13:11

عیسایش جواو دا: «دەرک رازیل پادشایی ئاسمان وه ئیوه دریاس، وەلێ وه ئەوانه نێریاس.

ئنجیل مەتا 24:45

«جا ئەو خوڵام ئەمین و زانا کیه که ئەرواوەگەێ ئەوه ناسه بان سەر ئاڵ ماڵەگەێ تا له وەخت خوەێ نانەگەیان بێی؟

مەرقوس 4:11

وەپێان وەت: «راز پادشایی خودا وه ئیوه دریاس، وەلێ ئەڕا مەردمێگ که هانه دەیشت، گشت چشتێگ وه شکل مەسلەته؛

لوقا 1:2

درس هەر ئەوجورە که ئەوانه که له سەرەتاوه وه چەو خوێان شاێەت بینه و خزمەتکاریل کەڵام بینه، وه ئیمه سپاردنه،

لوقا 12:42

عیسا خوداوەند وه جواوی وەت: «ئێ ئەو کاروەدەس ئەمین و زانا کیه که ئەرواوەگەێ ئەوه ناسه بان سەر خزمەتکاریل ماڵەگەێ خوەێ تا بەش نان ئەوانه وه وەخت خوەێ بێی؟

لوقا 8:10

وەت: «دەرک رازیل پادشایی خودا دریاسه ئیوه، وەلێ وەگەرد کەسیلێ تر وه شکل مەسلەت قسیه کەم، تا: «”بنوڕن، وەلێ نوینن؛ بشنەفن، وەلێ نەفامن.“

رومیەگان 11:25

ئێ برایل، نیەتوام له ئی رازه بی خەوەر بوین - نەخواێ خوەدان وه زانا بزانین - دڵڕەقی وه بەشێگ له ئێسرائیل حوکم فەرما بیه، تا وەختێ که ژمارەێ ناجویلەکەیلێگ که وه مەسیح ئیمان تیەرن، کامڵەو بود.

رومیەگان 16:25

ئێرنگه جەڵاڵ وه ئەیو که تویەنێ وه پێ ئینجیلێگ که من جار دەم و وه پێ تالیم عیسا مەسیح، وه قەوەتدان بکێ - یانێ وه پێ وەحی ئەو رازه که ئەڕا دەورانیل دریژێگ، شاریاویدەو،

یەکم قورنتییل 2:7

بەڵکەم باس زانیاری خودا کەیمن که وەناو رازێگ شاریایەو و خودایش ئەوه له ئەزەڵ، ئەڕا جەڵاڵ ئیمه دیاری کردێه.

یەکم قورنتییل 3:5

مەر ئاپولوس کیه؟ پولوس کیه؟ ئەوانه تەنیا خزمەتکاریلێگن که خودا کارێگ داسه دەس هەر کامێان تا ئیوه له ڕێ ئەوانه ئیمان بارین.

یەکم قورنتییل 4:13

وەختێ خراو دەنه پێمان، وه مێرەبانیەو جواو دیمن. هەر تا ئیسه، بیمنەسه جور سلپ جهان و گناڵخەێ گشت چشتێگ.

یەکم قورنتییل 4:2

جا ئێرنگه باێه کاروەدەس ئەمین بود.

دویم قورنتییل 11:23

ئێ خزمەتکار مەسیحن؟ جور شێتیل قسیه کەم، مه فرەتر هەم! له گشت سەختتر کار کردمه، چەن جار فرەتر له ئەوانه کەفتمەسه زندان، له گشت فرەتر قەمچی خواردمه، چەن جار وەگەرد مەرگ ڕوی وه ڕوی بیمه.

دویم قورنتییل 12:6

تەنانەت ئەگەر بتوام شانازی بکەم، گیلگەوج نیم، چوینکه ڕاسەگەی ئویشم. وەلێ خوەم پارێزنم تا نەخواێ کەسێگ فرەتر له ئەو چشته که له منا دوینی و شنەفێ فکر بکێ.

دویم قورنتییل 4:5

چوینکه ئیمه بانگەوازی خوەمان نیەکیم، بەڵکەم بانگەوازی عیسا مەسیح کەیمن که خوداوەنده، له خوەمان تەنیا وەبونەێ عیسا، ئەویش تەنیا وه پێ خزمەتکاردان قسیه کەیمن.

دویم قورنتییل 6:4

بەڵکەم وه گشت چشتێ نیشان دیم که خزمەتکاریل خودایم، یانێ وه تاموڵ فره وەناو بەردیل، سەختییل، بەڵاێیل،

ئەفسوسیێل 1:9

خودا وەگەرد ئی کاره راز خاست خوەێ وه پێ ئامانجەگەێ که وەناو مەسیح ئاشکرا کردێه، وه ئیمه ناسان

ئەفسوسیێل 6:19

ئەڕا منیش دوعا بکەن، تا هەر وەخت دەم وه قسیه کردن واز کەم، کەڵام وەپێم بوەخشرێد تا راز ئینجیل وه ئازای جار بێەم.

نامه وه کولوسییل 2:2

تا ئەوانه دڵگەرم بون و وەناو مابەت وه یەکەو بون و له گشت دەوڵەمەنی ئەو دڵنیایی کامڵه نسیو بوەن، هەر ئەو دڵنیاییه که له فام سەرچاوه گری و له ئی ڕێه وه راز خودا یانێ مەسیح پێ بوەن،

نامه وه کولوسییل 4:3

هەر وه ئی وەخته ئەڕا ئیمەیش دوعا بکێن، تا خودا دەرێگ ئەڕا کەڵام وه ڕوی ئیمه واز بکێد تا بتویەنیمن راز مەسیح جار بێیم، رازێگ که وەبونەێ ئەوه هامه ناو زندان.

یەکم نامەێ تیموتاوس 3:16

بێ گومان که راز خوداپەرەسی فره فره گەوراس: عیسا له جەسه دیار دا، له ڕێ روح خودا ڕاس بوینی مور کریاد، فریشتەیل دینەێ، وه ملەتیل بانگەوازی کریا، مەردم جهان وه ئەیو ئیمان هاوردن، وەگەرد جەڵاڵەو، بەرزەو کریا.

یەکم نامەێ تیموتاوس 3:6

جا نوئیمانیش نود، نەخواێ لویتبەرز بود و جور ئبلیس تویش ماکومیەت باێد.

یەکم نامەێ تیموتاوس 3:9

باێه راز ئیمان وەگەرد وژدان پاکێگەو بپارێزنن.

تیتوس 1:7

ئەڕا ئیه که هێوەتکەر کلیسا کاروەدەس خوداس، جا نەبایه وەناو زنەیی چشتێگ بیاشتوی که بوده بایس سەرزەنشتێ. ئەوه نەبایه لویتبەرز بود یا زوی کەفلەهەرز بود یا سەرخوەشکەر یا زورگو بود یا تەمای پویل بیاشتوی،

یەکم پتروس 4:10

هەر جور کار وه دەسیل خاسێگ که فیز جورواجور خودا سپاریاسه ئەوانه، هەر کام له ئیوه، خەڵاتی که دینەسەو، ئەڕا خزمەت وه یەکترەکی وه کار بوەن.