یەکم قورنتییل 2:13 - کتاب مقدس به زبان کردی جنوبی - گویش کلهوری

¹³ جا ئیمه له ئیه قسیه کیم، ئەویشه نه وەگەرد کەلیمەیلێگ که وه وەسلەێ زانیاری ئنسانیه، بەڵکەم وەگەرد کەلیمەیلێگ که روح خودا تالیم دەێ؛ جا ویجوره حەقیقەتیل روحانی وەگەرد کەلیمەیل روحانی ئویشیمن.

یەکم قورنتییل 2:13 ပူးပေါင်းရင်းမြစ်များ

لوقا 12:12

چوینکه روح‌القودوس هەر ئەو وەخته یاێدان دەێ چه باێه بویشین.»

کاریل ڕەسولەیل 2:4

ئمجا گشتێان له روح‌القودوس پڕ بین، جوری که روح خودا دەسڵات دا پێان وه زوانیل تر قسیه کردن.

یەکم قورنتییل 1:17

چوینکه مەسیح مه کل نەکرد تا تەعمید بێەم بەڵکەم تا مزگانی بێەم، وەلێ نه وه قسیەیل زیرەکانه و له ڕوی زانیاری، نەخواێ هێز سەلیب مەسیح پویچەو بود.

یەکم قورنتییل 14:2

ئەڕا ئیه که ئەوه که وه زوانێگتر قسیه کێ، نه وەگەرد ئایەمیل بەڵکەم وەگەرد خودا قسیه کێ. ئەڕا ئیه که هویچکەس قسیەێ حالی نیود؛ وەلێ ئەوه له ڕێ روح رازیل ئویشێ.

یەکم قورنتییل 2:1

منیش ئێ برایل، وەختێ که هاتمه ئەڕا لادان، وەگەرد قسیەیل گەورا گەورا و زانیاری ئنسانی ناتم تا راز خودا وەپێدان جار بێەم.

یەکم قورنتییل 2:14

ئایەم نەفسانی چشتیل روح خودا وەرنیەگرێ، چوینکه ئەڕا ئەوه گیلگەوجیه و نیەتویەنی بفامیدەێ، چوینکه زانستن خاس‎خراوی ئیجور چشتیلی هەوەجی وه دەرک روحانی دێرێ.

یەکم قورنتییل 2:4

جا وتار و پێخامم وەگەرد کەلیمەیل قانێکەر زانیارانەێ جهان نەوەتم، بەڵکەم وەگەرد مدویل روح خودا و هێز خودا وەتمەێ،

یەکم قورنتییل 9:11

ئەگەر ئیمه وەناودان تویەم روحانی وەشانیم، ئێ ئیه کار گەوراێگه که بەر ماڵی له لێدان بسێنیم؟

ئەفسوسیێل 5:19

وەگەرد وه کار بردن زەبور و سرودیل و بەیتیلیگ که روحانیه وەگەرد یەکترەکی قسیه بکەن، له ناخ دڵەو ئەڕا خوداوەند بخوەنن و گورانی درس بکەن.

نامه وه کولوسییل 3:16

با کەڵام مەسیح وه دەوڵەمەنی وه ناودان نیشتەجێ بود؛ وەگەرد کەماڵ زانیاری یەکترەکی تالیم و ئاموژیاری بێین؛ وەگەرد شوکرکردنێگ که له ناخ دڵەو ئەڕا خودا دێرین، مەزموریل و سرودیل و بەیتیل روحانی، بچڕێن.

یەکم پتروس 1:12

ئەڕاێان ئاشکرا بی که نه وه خوەێان بەڵکەم وه ئیوه خزمەت کردیان، ئەو وەخته که له چشتیلی قسیه کردیان که ئێرنگه له باوەتێانەو له ڕێ جار دەریل ئەو مزگانیه وه ئیوه، شنەفین. له ئەوانه که له ڕێ روح‌القودوس که له ئاسمانەو کل کریاس، مزگانی دەنه پێدان. تەنانەت فریشتەیلیش ئاوەخت نوڕین وه ئی چشتیله دێرن.

دویم پتروس 1:16

چوینکه ئەو وەخته که هێز و هاتن خوداوەندمان عیسا مەسیح وه پێدان جار دیایم، وه شون مەسلەتیلێگ که وە زیرکیەو درس کریانه نەچویمن، بەڵکەم گەورایی ئەیو وه چەو دویمن.