یەکم قورنتییل 2:10 - کتاب مقدس به زبان کردی جنوبی - گویش کلهوری

¹⁰ ئی چشتیله خودا له ڕێ روح خوەێ ئەڕامان ئاشکراوه کردێه، ئەڕا ئیەک روح خودا گشت چشتێگ، تەنانەت قویلترین راز خودایش دەێدەیەکا.

یەکم قورنتییل 2:10 ပူးပေါင်းရင်းမြစ်များ

ئنجیل مەتا 13:11

عیسایش جواو دا: «دەرک رازیل پادشایی ئاسمان وه ئیوه دریاس، وەلێ وه ئەوانه نێریاس.

ئنجیل مەتا 16:17

عیسایش جواو دا: «خوەش وه حاڵ تو، شەمعون، کوڕ یونا! چوینکه گوشت و خوین ئیه ئەڕاد ئاشکرا نەکردیه، بەڵکەم باوگ مه که ها ناو ئاسمان.

لوقا 10:21

هەر ئەو وەخته، عیسا جار دا: «باوگه، خاون ئاسمان و زەوی، سپاسد کەم که ئی چشتیله، له زانیاریل و ئایەمیلێگ که فام دێرین شاردیدەسەو ئەڕا مناڵیل بویچگ ئاشکراێ کردیده. ئەرێ، باوگه، چوینکه خوەشنودی تو وه ئیه‎ بی.

لوقا 2:26

روح‌القودوس ئەڕاێ ئاشکرا کردوی تا مەسیح خوداوەند نوینی، نیەمرێ.

یوحەنا 14:26

وەلێ ئەو پشتیوانه، یانێ روح‌القودوس، که باوگ وه ناو منەو کلی کەی، گشت چشتێگ یاێدان دی و هەر چی که وەپێدان وەتمه، وه هویردان تیەرێ.

یوحەنا 16:13

وەختێ که روح ڕاسی تێد، وه تەمام ڕاسی ڕێنمایدان کێ؛ چوینکه وه خوێەو هویچ نیویشی، بەڵکەم هەر چی بشنەفێ ئویشێ وه ئەو چشتیله که باێه ڕوی بێید وه پێدان جار دەید.

یەکم قورنتییل 14:30

جا ئەگەر یەکیگتر که وه ئەوره نيشتیه وەحیێگ بگرێد، با یەکمینەگه بیدەنگ بمینێد.

یەکم قورنتییل 2:11

چوینکه کیه که له فکریل ئایەم ئاگادار بود، مەر روح ئەو کەسه که ها ناوێ؟ هەر ئیجوره هویچکەس بێجگه روح خودا فکریل خودا نیەتویەنی بزانێ.

نامه وە غەلاتییل 1:12

چوینکه مه له ئایەمێگ نەگردمەسێ و کەسێگیش وەپێم یاێ نیا؛ بەڵکەم عیساێ مەسیح له ڕێ وەحی وەپێم ئاشکراێ کرد.

ئەفسوسیێل 3:3

که چوی ئەو رازه له ڕێ وەحی ئەڕام ئاشکرا بی، هەر ئەوجورە که کوڵ و کوڵبڕ ئەڕادان نویسامه.

ئەفسوسیێل 3:5

رازێگ که وەناو نەتەوەیل جاران وه بەنی ئایەم ئاشکرا نەکریاوی، هەر ئەوجورە که ئیسه له ڕێ روح خودا وه ڕەسولەیل موقەدەسێ و نەبوەتکەریل، ئاشکرا بیه.

یەکم نامەێ تیموتاوس 4:1

وەلێ روح خودا، ئاشکرا فەرمایش کەی که له زەمانیل ئاخر، بڕێگ له ئیمان هەڵوگەردیەن و کەفنه شون روحیل سەر له ئایەم شیون و تالیمیل دێویل.

یەکم پتروس 1:12

ئەڕاێان ئاشکرا بی که نه وه خوەێان بەڵکەم وه ئیوه خزمەت کردیان، ئەو وەخته که له چشتیلی قسیه کردیان که ئێرنگه له باوەتێانەو له ڕێ جار دەریل ئەو مزگانیه وه ئیوه، شنەفین. له ئەوانه که له ڕێ روح‌القودوس که له ئاسمانەو کل کریاس، مزگانی دەنه پێدان. تەنانەت فریشتەیلیش ئاوەخت نوڕین وه ئی چشتیله دێرن.

یەکم یوحەنا 2:20

وەلێ ئیوه وه وەسلەێ ئەو قودوسه مەسح و دەسنیشان کریاینه و گشتدان زانین ڕاسی چەس.

یەکم یوحەنا 2:27

وەلێ له باوەت ئیوه، ئەو مەسح و دەسنیشانه که له ئەیو گردین، وەناودان نیشتەجێه. هەوەجیدان وه کەس نیه تا تالیمدان بێی، بەڵکەم مەسحەگەێ، له باوەت گشت چشتێگ تالیمدان دەێ. ئەو مەسحه، ڕاسەکانیه و دروەکانی نیه. جا هەر ئەوجورە که تالیمدان داس، وەناوێ نیشتەجێ بوین.

وەحی وه یوحەنا 1:1

وەحی عیسا مەسیح، که خودا بەخشاسه پێ تا ئەو چشتیله که باێه وه ئی زویه هەڵبکەفێ، وه خوڵامیل خوەێ نیشان بێید و ئەوه وەگەرد کل کردن فریشتەێ خوەێ وه خولامەگەێ خوەێ یوحەنا ئاشکرا کرد.

وەحی وه یوحەنا 2:24

وەلێ وه ئەو باقیدان وه ناو تیاتیرا که نەکەفتینەسه شون ئی تالیمەو هەرئیجوره ئەو چشته یاێ نەگردینه که بڕێگ وەپێ ئویشن ’رازیل قویل شەیتان‘، وەپێدان ئویشم که وه ملدانەو بارێگ فرەتر له ئەوه که ها بان کوڵدانەو، نیەیلم.