یەکم قورنتییل 16:9 - کتاب مقدس به زبان کردی جنوبی - گویش کلهوری

⁹ چوینکه دەر گەوراێگیش ئەڕا خزمەت وه دەرد خوەر وه ڕویم واز بیه، هەرچەن کەسیلێگ که له ڕویمەو وسن، فرەن.

یەکم قورنتییل 16:9 ပူးပေါင်းရင်းမြစ်များ

کاریل ڕەسولەیل 14:27

وەختێ ڕەسینه ئەوره، کلیسا وه دەور یەکەو گردەو کردن و باس ئەو چشتیله کردن که خودا وەگەردێان کردوی، هەر ئیجوره که چوی دەر ئیمان ئەڕا ناجویلەکەیل واز کردێه.

یەکم قورنتییل 15:32

ئەگەر وەگەرد گیانەوەریل دڕنه وەناو ئەفسوس تەنیا وەبونەێ مدویل ئنسانی جەنگیم، چ سودێگ داسه دەسمەو؟ ئەگەر زنیەو بوین له مردگیل نیه، «بان تا بخوەیمن و بنوشیم چوینکه سو مریمن.»

دویم قورنتییل 1:6

ئەگەر تویش بەرد تێیمن، وەبونەێ دڵنەوایی و نجات ئیوەس، جا ئەگەر دڵنەوایی چەوەڕێمانه، ئیەیشه باێه بوده بایس دڵنەواییدان، یانێ وەختێ که ئیوەیش جور ئیمه تویش ئەو عەزاویله تێین، سەور و تاموڵ بیاشتوین.

دویم قورنتییل 2:12

جا وەختێ ئەڕا جارداین مزگانی مەسیح چیمه تروئاس، زانستم که خوداوەند وه ئەوره دەر گەوراێگ وه ڕویم واز کردێه.

نامەێ فیلیپییل 3:18

چوینکه هەر ئەوجورە که چەن جار وه ئیوه وەتمه و ئێرنگەیش ئەسر ڕشنم و ئویشمه پێدان، ڕێ رەوشت قێر فرەێگ هەر جور دشمەنیل سەلیب مەسیحه.

نامه وه کولوسییل 4:3

هەر وه ئی وەخته ئەڕا ئیمەیش دوعا بکێن، تا خودا دەرێگ ئەڕا کەڵام وه ڕوی ئیمه واز بکێد تا بتویەنیمن راز مەسیح جار بێیم، رازێگ که وەبونەێ ئەوه هامه ناو زندان.

یاقوب 5:16

جا لەلاێ یەکترەکی گونایل خوەدان وه زوان بارن و ئەڕاێ یەکترەکی دوعا بکەن تا شەفا بگرین. دوعای ئایەم سالحان، هێز فرەێگ دێرێد و کارکەره.