یەکم قورنتییل 14:3 - کتاب مقدس به زبان کردی جنوبی - گویش کلهوری

³ وەلێ ئەوه که نەبوەت کێ وەگەرد مەردما قسیه کێ، تا وەناو ئیمان بنیادێان بنی، هانیان بێی و دڵنەواییان بێی.

یەکم قورنتییل 14:3 ပူးပေါင်းရင်းမြစ်များ

لوقا 3:18

وه ئیجوره یەحیا وەگەرد ئاموژیاریێل فرەێگ وه مەردم مزگانی دیاد.

کاریل ڕەسولەیل 13:15

لەشون خوەنین تەورات و کتاویل پەێخەمەریل، ڕابەریل کەنیسه کل کردنه ئەڕا لاێان و وەتن: «برایل، ئەگەر پێخامێگ ئەڕا ئاموژیاری ئی مەردمه دێرین، بویشن.»

کاریل ڕەسولەیل 14:22

وه ئەو شاریله شاگردیل وەقەوەتەو کردن تا وەناو ئیمانێان بەردەوام بمینن و وەتنه پێان که «باێه وه تاموڵ بەردیل فرەێگ وه پادشاێ خودا ڕێ پەێا بکێم.»

کاریل ڕەسولەیل 15:32

یەهودا و سیلاسیش که نەبوەتکەر بین، وەگەرد قسیەيل فرەێگ، برایل هاندان و وه قەوەتیانەو کردن.

کاریل ڕەسولەیل 4:36

یوسفیش که له هوز لاوی له مەردم قپرس بی و ڕەسولەیل وەتیانه پێ بەرنابا که وه ماناێ ’کوڕ هاندەر‘ بی،

کاریل ڕەسولەیل 9:31

جا کلیسا وه سەرئانسەر ناوچەێل یەهودیه و جەلیل و شار سامره ئارامەو بی، پا گردیا و له ترس خوداوەند وه سەر بردیاد و وه ئارامی روح‌القودوس فرەوه بویان.

رومیەگان 12:8

کەسێگ که هان دەێ، وەناو هان داینەگەێ. کەسێگ که مەیەت دەستەنگیل دەێ، ئی کاره وه دەسدڵوازیەو بکێ. کەسێگ که ڕابەری کێ، ئی کاره وه غیرەتەو بکێ. کەسێگ که بەزەیی کێ، ئی کاره وه خوەشیەو بکێ.

رومیەگان 14:19

جا بان وەشون ئەو چشته بویمن که بایس ئاشتی و سڵامەتی و وەسەرپاناین یەکترەکیمانه.

رومیەگان 15:2

باین تا هەر کام له ئیمه وەناو ئەو چشت خاسه که وەناو هاوساگەێ خوەێ دوینی له ئەو باوەته ئەو ئایەمه خوەشنود بکێ تا بوده بایس سەر پا ناینی.

یەکم قورنتییل 10:23

«گشت چشتێگ ڕەواس» - وەلێ گشت چشتێگ فایده نێری. «گشت چشتێگ ڕەواس» - وەلێ گشت چشتێگ بنیادنەر نیه.

یەکم قورنتییل 14:12

له باوەت ئیوەیش ئیجورەسه. له ئەوره که تاسەبار خەڵاتییل روح خوداین، تەقالا بکەن که وەناو بنیاد ناین کلیسا بکەفیه نوا.

یەکم قورنتییل 14:17

چوینکه هاتێ سپاسگوزاریەگەد خاس بود، وەلێ بایس بنیاد ناین یەکیگتر نیود.

یەکم قورنتییل 14:26

جا ئێ برایل مەبەست چەس؟ وەختێ که وه دەور یەکەو گردە‎و بوین، هەر کەس بەیتێگ، تالیمێگ، وەحیێگ، قسیه کردن وه زوانێگتر یا هەڵوگەرداننێ دێرێ. ئیانه گشتێ باێه ئەڕا بنیاد ناین کلیسا وه کار بچود.

یەکم قورنتییل 14:31

چوینکه گشتدان تویەنين وه نەوه نەبوەت بکێن تا گشت تالیم بگرن و هان بێریەن.

یەکم قورنتییل 8:1

له باوەت خواردەمەنی پیشکەشی وه بتیل: زانیمن که «گشتمان ئایەمیل زاناێگیم.» وەلێ زانایی بوده بایس لویتبەرزی، وەلێ مابەت، بنیاد نێ.

دویم قورنتییل 1:4

که وه ئیمه وەناو گشت بەردیلمان دڵنەوایی دەێ تا بتویەنیمن وەگەرد ئەو دڵنەواییه که لەلێ گردیمنه، ئەوانه که هانه ناو بەرد، دڵنەوایی بێیم.

دویم قورنتییل 2:7

ئێرنگه دی باێه بوەخشینێ و دڵی بێینەو، نەخواێ خەم فره له پا بخیدێ.

ئەفسوسیێل 4:29

هویچ قسیەێ خراوێگ له دەمدان دەرنەچود، بەڵکەم جورێگ قسیه بکەن که وه جێ بود و ئەڕا وه سەر پا ناین مەردم وه کار باێ و تا وه ئەوانه که شنەفن فیز برەسنێد.

ئەفسوسیێل 6:22

مه ئەوه وه ئی ئامانجه کل کردمه ئەڕا لادان تا له حاڵ حەواڵمان ئاگادارەو بوین و دڵیلدان قەوەت بێی.

نامه وه کولوسییل 4:8

ئەوه هەر وه ئی ئامانجه کل کردمەسه ئەڕا لادان تا له حاڵ حەواڵ ئیمه ئاگادار بوین و تا دڵدان هان بێی.

یەکم تسالونیکییل 2:11

ئەڕا ئیه که زانين که چوی، هەر جور ڕێ رەوشت باوگێگ وەگەرد مناڵیلێ،

یەکم تسالونیکییل 2:3

چوینکه ئەگەر هاندان دیم، له ڕوی هەڵه یا خاستەیل ناپاک نیه و نیەتوایم فریودان بێیم،

یەکم تسالونیکییل 3:2

جا تیموتاوس که براێ ئیمه و هاوکار خودا له کار ئینجیل مەسیحه، کل کردیمنه ئەڕا لادان تا ئیوه له ئیماندان بەردەوام بکێد و هاندان بێید،

یەکم تسالونیکییل 4:1

جا دەس ئاخر، ئێ برایل، ئیوه لەلێمان یاێ گردین که ڕێ رەوشتدان باێه چوی بود تا خودا خوەشنود بکێن، هەر ئەوجورە که ئیجوریشه کین. ئیسه وەناو خوداوەند عیسا لەلێدان توایمن و لاڵکێیمنه پێدان که له ئی باوەتەو هەر چی فرەتر تەقالا بکێن.

یەکم تسالونیکییل 4:18

جا وەئی قسیەيله، یەکترەکی هان بێەن.

دویم تسالونیکییل 3:12

ئێرنگه وەناو خوداوەند عیسا مەسیح وه ئیجور کەسیلێگ حوکم کيمن و هانیان دیمن که بیدەنگ کار خوێان بکەن و نانیان دەر بارن.

یەکم نامەێ تیموتاوس 1:4

و سەر خویان وەگەرد مەسلەتیل و بنەچەکیلێ که بنێ نیەتێی گەرمەو نەکەن، چوینکه ئیانه له جێ بڵاو کردن کار خودا که له ڕێ ئیمان تێدە دی، دامەن دەنه قسیه و باسیل.

یەکم نامەێ تیموتاوس 4:13

تا هاتنم، خوەد بنه ئەڕا ئیه که نویسریایل موقەدەس ئەڕا جەماێەت بخوەنید و ئاموژیاریان بکێ و تالیمیان بێی.

یەکم نامەێ تیموتاوس 6:2

ئەوانه که ئەرواوەگانێان وه مەسیح ئیمان دێرن، نەبایه وه بونەێ ئیه که بینەسه براێ یەکان، کەمتر وه پێان حرمەت بیلن. بەڵکەم وه چەواشه، باێه تەنانەت خاستر خزمەت بکەن، چوینکه فایدەێ خزمەتێان وه کەسیلێگ رەسێد که ئیماندار و عەزیزن. ئیه تالیم بێه و ئەڕا وەجێ هاوردنێ هانێان بیه.

دویم تیموتاوس 4:2

کەڵام بانگەوازی بکێد و وەخت و بی وەخت ئەڕا ئی کاره گورج بوێد و وەگەرد سەور فره و تالیم فره درس، وه درس بوین و گازتاوه و هانداین کار بکێد.

تیتوس 1:9

ئەوه باێه وه کەڵام دڵنیایگ که تالیم دریاس قورس بلچکێی تا بتویەنێ مەردم وه پێ تالیم درس ئاموژیاری بکێد و هەرئیجوره بخوڕێده مل کەسیلێ که له نوای وسن.

تیتوس 2:15

ئی چشتیله جار بیه؛ وه تەمام دەسڵات هان بیه و بگره گازتاوه. مەیل کەسێگ وه سوک بگرێدەد.

تیتوس 2:6

هەر ئیجوره پیاێل جوانیش ئاموژیاری بکه تا وەسەر خوێان زاڵ بون.

تیتوس 2:9

خوڵامیل باێه وه هەر چشتێگ گوش له ئەرواوەگانێان بتەکنن و ئەڕا خوەشنودی ئەوانه تەقالا بکەن؛ قسیه و باس نەکەن و

عبرانییل 10:25

له گردەو بوینمان وەگەرد یەکترەکی واز ناریم، ئەوجورە که ئەڕا بڕێگ بیەسه نەریتیگ، بەڵکەم یەکترەکی هان بێیم، وه تایبەتی ئێرنگه که شاێەت نزیکەو بوین ئەو ڕوژه، یانێ ڕوژ هاتنەوەێ خوداوەند عیساین.

عبرانییل 13:22

ئێ برایل، لاڵکمه پێدان ئی کەڵام ئاموژیاری‎دەر منه تاموڵ بکێن، چوینکه کوڵ و کوڵبڕ ئەڕادان نویسامه.

عبرانییل 3:13

بەڵکەم هەرچێ ڕوژه، تا وەختێگ که وەپێ ئویشرێ ’ئیمڕو‘ یەکترەکی هان بێین، تا هویچ کەسێگ له ئیوه وه فێڵ گونا، دڵڕەقەو نود.

یەکم پتروس 5:12

وه وەسلەێ سیلاس که ئەوه هەر جور براێ ئەمینێگ زانم، ئی چەن خەته کوڵ و کوڵبڕ ئەڕا ئیوه نویسامه تا هاندان بێەم و شاێەتی بێەم که هەر ئیەسه فیز ڕاسەکانی خودا. وەناو ئی فیزه قورس بوسن.

یەهودا 1:20

وەلێ ئیوه ئێ عەزیزەیل، خوەدان وەناو ئیمان فره موقەدەسدان بنینه سەر پاوه و وەناو روح‌القودوس دوعا بکێن،